ಹೊಸಕೋಟೆ ಕಣದಲ್ಲಿ 'ಸಂಪತ್ತೇ ಸವಾಲ್'; ಕೋಟಿ ಕುಳಗಳ ಪೈಕಿ ಗೆಲುವು ಯಾರಿಗೆ?

ಬೆಂಗಳೂರು: ಡಿಸೆಂಬರ್ 5 ರಂದು 15 ವಿಧಾನಸಭಾ ಕ್ಷೇತ್ರಗಳ ಉಪಚುನಾವಣೆ ನಡೆಯಲಿದ್ದು ಚುನಾವಣಾ ಕಣ ರಂಗೇರಿದೆ. ಅದರಲ್ಲೂ ಈ ಬಾರಿ ಹೊಸಕೋಟೆ ಕಣ ಎಲ್ಲರ ಕುತೂಹಲಕ್ಕೆ ಕಾರಣವಾಗಿದೆ. ತನ್ನ ಐಶಾರಾಮಿ ಜೀವನ ಶೈಲಿಯಿಂದ ಕಲರ್‌ಫುಲ್ ರಾಜಕಾರಣಿ ಎಂದೇ ಪ್ರಸಿದ್ದಿ ಪಡೆದ ಅನರ್ಹ ಶಾಸಕ ಎಂಟಿಬಿ ನಾಗರಾಜ್ ಈ ಬಾರಿ ಬಿಜೆಪಿ ಅಭ್ಯರ್ಥಿಯಾಗಿ ಕಣದಲ್ಲಿದ್ದು ಇವರ ವಿರುದ್ಧ ಕಾಂಗ್ರೆಸ್‌ನ ಶಾಸಕರ ಬೈರತಿ ಸುರೇಶ್ ಪತ್ನ ಪದ್ಮಾವತಿ ಸುರೇಶ್ ಕಣಕ್ಕಿಳಿದರೆ ಬಂಡಾಯ ಅಭ್ಯರ್ಥಿಯಾಗಿ ಸ್ವಾಭಿಮಾನದ ಹೆಸರಿನಲ್ಲಿ ಶರತ್ ಬಚ್ಚೇಗೌಡ ಸವಾಲೊಡ್ಡಿದ್ದಾರೆ.

ಕೈ ಪಾಲಿಗೆ ಯಶವಂತಪುರ ಕಗ್ಗಂಟು; ಟಿಕೆಟ್ ಕೊಟ್ರೂ ಸ್ಪರ್ಧೆಗೆ ಹಿಂದೇಟು!

ಮೂವರು ಅಭ್ಯರ್ಥಿಗಳು ಭಾರೀ ಸಿರಿವಂತರಾಗಿದ್ದು ನಾಮಪತ್ರ ಸಲ್ಲಿಕೆಯ ವೇಳೆ ಚುನಾವಣಾ ಆಯೋಗಕ್ಕೆ ಸಲ್ಲಿಸಿದ ಪ್ರಮಾಣಪತ್ರದಲ್ಲಿ ಲಗತ್ತಿಸಿದ ಆಸ್ತಿ ವಿವರ ಬೆಚ್ಚಿಬೀಳಿಸುತ್ತೆ. ಅದರಲ್ಲೂ ಅನರ್ಹ ಶಾಸಕ ಎಂಟಿಬಿ ನಾಗರಾಜ್ ಸಾವಿರಾರು ಕೋಟಿಯ ಒಡೆಯನಾಗಿದ್ದಾರೆ. ಮೂವರು ಅಭ್ಯರ್ಥಿಗಳ ಆಸ್ತಿಯ ಸಂಪೂರ್ಣ ವಿವರ ಇಲ್ಲಿದೆ.

ಐಶಾರಾಮಿ ಕಾರುಗಳ ಒಡೆಯ ಎಂಟಿಬಿ ಆಸ್ತಿ ಎಷ್ಟು ಗೊತ್ತೇ ?

ಐಶಾರಾಮಿ ಕಾರುಗಳಲ್ಲಿ ಸುತ್ತಾಡುವ ಎಂಟಿಬಿ ನಾಗರಾಜ್ ಒಟ್ಟು ಆಸ್ತಿ ಮೌಲ್ಯ 1250 ಕೋಟಿ. ಎಂಟಿಬಿ ನಾಗರಾಜ್ ಬಳಿ 2,54,13,964 ಕೋಟಿ ಮೌಲ್ಯದ ಆರು ಐಶಾರಾಮಿ ಕಾರುಗಳಿವೆ. ಅವರ ಪತ್ನಿ 1,72,82,434 ಕೋಟಿ ಮೌಲ್ಯದ ಕಾರುಗಳನ್ನು ಹೊಂದಿದ್ದಾರೆ.ಹೀಗಿದ್ದರೂ ಎಂಟಿಬಿ 27 ಕೋಟಿ ಸಾಲ ಮಾಡಿದ್ದಾರೆ. ಅವರ ಪತ್ನಿ ಶಾಂತಕುಮಾರಿ 1 ಕೋಟಿಯ ಸಾಲಗಾರ್ತಿ. ಎಂಟಿಬಿ ಹಾಗೂ ಪತ್ನಿ ಹೆಸರಿನಲ್ಲಿ 618 ಕೋಟಿ ಸ್ಥಿರಾಸ್ತಿ ಮತ್ತು 437.15 ಕೋಟಿ ಚರಾಸ್ತಿ ಇದೆ. ಈ ಪೈಕಿ 3.720 ಕೋಟಿ ಮೌಲ್ಯದ 3606 ಗ್ರಾಂ ಚಿನ್ನವನ್ನು ಹೊಂದಿದ್ದಾರೆ.

ಉಪ ಚುನಾವಣೆಯ 6 ಕ್ಷೇತ್ರಗಳಿಗೆ ಕಾಂಗ್ರೆಸ್ ಅಭ್ಯರ್ಥಿಗಳ ಘೋಷಣೆ: ಸಿದ್ದರಾಮಯ್ಯ ಬಣಕ್ಕೆ ಮೇಲುಗೈ

ಸ್ವಾಭಿಮಾನಿ ಶರತ್ ಬಚ್ಚೇಗೌಡ ಕೋಟಿಯ ಒಡೆಯ

ಬಿಜೆಪಿ ಸಂಸದ ಬಚ್ಚೇಗೌಡ ಅವರ ಪುತ್ರ ಶರತ್ ಬಚ್ಚೇಗೌಡ ಹೊಸಕೋಟೆಯಲ್ಲಿ ಬಂಡಾಯ ಅಭ್ಯರ್ಥಿಯಾಗಿ ಸ್ಪರ್ಧೆ ಮಾಡಿದ್ದಾರೆ. ಇವರ ಕುಟುಂಬದ ಒಟ್ಟು ಆಸ್ತಿ ಮೌಲ್ಯ 221 ಕೋಟಿ. ಈ ಪೈಕಿ ಶರತ್ ಹೆ 4 ಕೋಟಿ 70 ಲಕ್ಷ ಮೌಲ್ಯದ ಆಸ್ತಿ ಹೊಂದಿದ್ದಾರೆ. ಶರತ್ ಪತ್ನಿ 2 ಕೋಟಿ 96 ಲಕ್ಷದ ಮೌಲ್ಯದ ಆಸ್ತಿ ಒಡತಿ. ಶರತ್ ಚರಾಸ್ತಿ ಮೌಲ್ಯ 23 ಕೋಟಿ 88 ಲಕ್ಷ. ಅವರ ಪತ್ನಿ ಚರಾಸ್ತಿ ಮೌಲ್ಯ 14 ಕೋಟಿ 27 ಲಕ್ಷ. ಶರತ್ ಹೆಸರಲ್ಲಿರೋ ಒಟ್ಟು ಸ್ಥಿರಾಸ್ತಿ ಮೌಲ್ಯ 97 ಕೋಟಿ 50 ಲಕ್ಷ ರೂಪಾಯಿ. ಪತ್ನಿ ಹೆಸರಲ್ಲಿರೋ ಒಟ್ಟು ಸ್ಥಿರಾಸ್ತಿ ಮೌಲ್ಯ 12 ಕೋಟಿ 50 ಲಕ್ಷ ರೂಪಾಯಿ. ಶರತ್ ಬಳಿ 1 ಕೋಟಿ 14 ಲಕ್ಷ ಮೌಲ್ಯದ ಕಾರುಗಳನ್ನು ಹೊಂದಿದ್ದಾರೆ.

ಪದ್ಮಾವತಿಯೂ ಕೋಟಿ ಕೋಟಿಯ ಒಡತಿ

ಹೊಸಕೋಟೆ ಕಾಂಗ್ರೆಸ್ ಅಭ್ಯರ್ಥಿ ಪದ್ಮಾವತಿ ಸುರೇಶ್ 407 ಕೋಟಿ ಸ್ಥಿರಾಸ್ತಿ ಸೇರಿದಂತೆ ಒಟ್ಟು 424 ಕೋಟಿಗಳ ಒಡತಿ. ಆರು ಐಷಾರಾಮಿ ಕಾರುಗಳು ಪದ್ಮಾವತಿ ಹೆಸರಲ್ಲಿವೆ. ಹಾಗೆಯೇ 80 ಲಕ್ಷ ಮೌಲ್ಯದ 2 ಕೆ.ಜಿ ಚಿನ್ನ, ಪತಿ ಸುರೇಶ್ ಬಳಿ 60 ಲಕ್ಷ ಮೌಲ್ಯದ 1.5 ಕೆ.ಜಿ ಚಿನ್ನವಿದೆ.