ಭರ್ತಿ 7 ವರ್ಷದ ನಂತರ ಶೇ.15ರಷ್ಟು ಖಾಸಗಿ ಬಸ್‌ ಟಿಕೆಟ್‌ ದರ ಏರಿಕೆಗೆ ಸರಕಾರ ಅಸ್ತು

ಬೆಂಗಳೂರು: ಭರ್ತಿ 7 ವರ್ಷಗಳ ಬಳಿಕ ಖಾಸಗಿ ಬಸ್ ಟಿಕೆಟ್‌‌ ದರಗಳನ್ನು ಶೇ.15ರಷ್ಟು ಏರಿಸಲು ರಾಜ್ಯ ಸರಕಾರ ಆದೇಶಿಸಿದೆ. ಈಗಾಗಲೇ ಕೊರೊನಾ ವೈರಸ್‌ನಿಂದ ಆರ್ಥಿಕ ಬಿಕ್ಕಟ್ಟು ಎದುರಿಸುತ್ತಿರುವ ಸಾರ್ವಜನಿಕರ ಮೇಲೆ ಬಸ್‌ ದರ ಏರಿಕೆಯಿಂದ ಮತ್ತೊಂದು ಹೊರೆ ಬೀಳುತ್ತದೆ.

ಸಾರಿಗೆ ಇಲಾಖೆಯು ಸ್ಟೇಜ್‌ವಾರು ಕನಿಷ್ಠ ಹಾಗೂ ಗರಿಷ್ಠ ದರವನ್ನು ನಿಗದಿಪಡಿಸಿದ್ದು, ಅದರಂತೆ ಟಿಕೆಟ್‌ ನೀಡಬೇಕೆಂದು ಇಲಾಖೆ ಹೇಳಿದೆ. ವಿವಿಧ ಪ್ರದೇಶಗಳಲ್ಲಿ ಕಾರ್ಯನಿರ್ವಹಿಸುವ ಕಂಪನಿಗಳಿಗೂ ಕೂಡ ದರವನ್ನು ಇಲಾಖೆಯೇ ನಿಗದಿಪಡಿಸಲಿದೆ.

ಹೊಸ ದರಗಳ ಪ್ರಕಾರ, ಬೆಂಗಳೂರು, ಮೈಸೂರು, ಮಂಗಳೂರು, ಹುಬ್ಬಳ್ಳಿ-ಧಾರವಾಡ, ಬೆಳಗಾವಿ ಮಂಗಳೂರು ಹಾಗೂ ಇತರೆ ನಗರಗಳಲ್ಲಿ ಮೊದಲ 2 ಕಿಮೀಗೆ 8 ರೂ.ಅನ್ನು ಕನಿಷ್ಠ ದರವನ್ನಾಗಿ ನಿಗದಿಪಡಿಸಲಾಗಿದೆ. ಮುಂದಿನ 2 ಕಿಮೀಗೆ 5.7 ರೂ. ಮತ್ತು ಮುಂದಿನ ಪ್ರತಿ 2 ಕಿಮೀಗೆ 3.5 ರೂ. ಗಳನ್ನು ನಿಗದಿಪಡಿಸಿದೆ.

ವಿಧಾನಸೌಧದ ಕತೆ: ಗುಂಪಾಗಿ ಲಿಫ್ಟ್‌ನಲ್ಲಿ ಓಡಾಟ, ಎಲ್ಲೆಂದರಲ್ಲಿ ಮಾಸ್ಕ್‌ ಹಾಕದೆ ಹರಟೆ!

ಸಾರಿಗೆ ಇಲಾಖೆಯ ಕಾರ್ಯದರ್ಶಿ ಎಂ.ಸತ್ಯವತಿ ಖಾಸಗಿ ಬಸ್‌ ದರ ಏರಿಕೆಯ ಆದೇಶ ನೀಡಿದ್ದಾರೆ. ಇನ್ನು, ರಾತ್ರಿ 10 ಗಂಟೆಯಿಂದ ಬೆಳಗ್ಗೆ 6 ಗಂಟೆವರೆಗೆ ಒಂದುವರಿ ಪಟ್ಟು ಹೆಚ್ಚುವರಿ ದರವನ್ನು ವಿಧಿಸಬಹುದು. ಇದು ಹಬ್ಬಗಳ ಸಮಯದಲ್ಲಿಯೂ ಅನ್ವಯವಾಗಲಿದೆ ಎಂದು ಆದೇಶದಲ್ಲಿ ತಿಳಿಸಲಾಗಿದೆ.

ಬೇರೆ ರಾಜ್ಯಗಳಿಗೆ ಹೋಲಿಸಿದರೆ ಕರ್ನಾಟಕದಲ್ಲಿ ಮರಣ ದರ ಕಡಿಮೆ: ಸುಧಾಕರ್‌ ಸಮರ್ಥನೆ

ಖಾಸಗಿ ಬಸ್‌ ದರಗಳನ್ನು ನಿಗದಿಪಡಿಸಿದ್ದರೂ ಕೂಡ ಅತ್ಯುನ್ನತ ತಂತ್ರಜ್ಞಾನ ಹೊಂದಿರುವ ಬಸ್‌ಗಳು, ಹವಾನಿಯಂತ್ರಿತ ಹಾಗೂ ಲೋ ಫ್ಲೋರಿಂಗ್‌ ಹೊಂದಿರುವ ನಾನ್‌-ಎಸಿ ಬಸ್‌ಗಳ ದರ ನಿಗದಿಯನ್ನು ಬಸ್‌ ಮಾಲೀಕರ ನಿರ್ಧಾರಕ್ಕೆ ಬಿಟ್ಟಿದೆ.

ರಾಜ್ಯದಲ್ಲಿ ಮತ್ತೆ ವೇಗ ಪಡೆದ ಕೊರೊನಾ..! 6,000+ ಪಾಸಿಟಿವ್‌‌; ಹೊಸ ಕೇಸ್‌ಗಳಿಗಿಂತ ಚೇತರಿಕೆಯೇ ಹೆಚ್ಚು..!