ಕರ್ನಾಟಕದಲ್ಲಿಂದು 214 ಕೊರೊನಾ ವೈರಸ್ ಪ್ರಕರಣಗಳು ಪತ್ತೆ: ಯಾವ ಜಿಲ್ಲೆಯಲ್ಲಿ ಎಷ್ಟು?

ಬೆಂಗಳೂರು: ಕರ್ನಾಟಕದಲ್ಲಿ ಇಂದು(ಅ.18-ಸೋಮವಾರ) ಒಟ್ಟು 214 ಕೊರೊನಾ ವೈರಸ್ ಪ್ರಕರಣಗಳು ಪತ್ತೆಯಾಗಿದ್ದು, ಈ ಮೂಲಕ ಸೋಂಕು ಪತ್ತೆಯಾದಾಗಿನಿಂದ ಇದುವರೆಗೆ ಒಟ್ಟಾರೆ ಸೋಂಕಿತರ ಸಂಖ್ಯೆ 29,83,673ಕ್ಕೆ ಏರಿಕೆಯಾಗಿದೆ.

ಇಂದು(ಅ.18-ಸೋಮವಾರ) ಒಟ್ಟು 488 ಜನ ರಾಜ್ಯದ ವಿವಿಧ ಆಸ್ಪತ್ರೆಗಳಿಂದ ಸಂಪೂರ್ಣ ಗುಣಮುಖರಾಗಿ ಬಿಡುಗಡೆಯಾಗಿದ್ದು, ಈ ಮೂಲಕ ಗುಣಮುಖರಾದವರ ಒಟ್ಟು 29,36,527ಕ್ಕೆ ತಲುಪಿದೆ.

ಅದರಂತೆ ಇಂದು(ಅ.18-ಸೋಮವಾರ) ಚಿಕಿತ್ಸೆ ಫಲಕಾರಿಯಾಗದೇ 12 ಜನರು ಮೃತಪಟ್ಟಿದ್ದು, ರಾಜ್ಯದ ಒಟ್ಟಾರೆ ಕೋವಿಡ್ ಸೋಂಕಿತರ ಮರಣ ಸಂಖ್ಯೆ 37,953ಕ್ಕೆ ಏರಿಕೆ ಕಂಡಿದೆ. ರಾಜ್ಯದಲ್ಲಿ ಸದ್ಯ 9,164 ಸಕ್ರಿಯ ಪ್ರಕರಣಗಳು ಇವೆ ಎಂದು ರಾರೋಗ್ಯ ಇಲಾಖೆ ಮಾಹಿತಿ ನೀಡಿದೆ.

ಹಬ್ಬದ ಸಡಗರದಲ್ಲಿ ಮೈಮರೆತ ಜನ!: ಕರ್ನಾಟಕದಲ್ಲಿ ಕೋವಿಡ್ ಪ್ರಕರಣಗಳಲ್ಲಿ ಮತ್ತೆ ಏರಿಕೆ
ಜಿಲ್ಲಾವಾರು ಸೋಂಕು ಮಾಹಿತಿ:
ಇನ್ನು ಜಿಲ್ಲಾವಾರು ದೈನಂದಿನ ಸೋಂಕು ಮಾಹಿತಿಯನ್ನು ಗಮನಿಸುವುದಾದರೆ, ರಾಜಧಾನಿ ಬೆಂಗಳೂರಿನಲ್ಲಿ ಅತಿಹೆಚ್ಚು ಅಂದರೆ 83 ಹೊಸ ಸೋಂಕು ಪ್ರಕರಣಗಳು ಪತ್ತೆಯಾಗಿವೆ. ಮೈಸೂರಿನಲ್ಲಿ 27, ದಕ್ಷಿಣ ಕನ್ನಡದಲ್ಲಿ 22, ತುಮಕೂರಿನಲ್ಲಿ 14 ಮತ್ತು ಶಿವಮೊಗ್ಗದಲ್ಲಿ 13 ಸೋಂಕು ಪ್ರಕರಣಗಳು ಪತ್ತೆಯಾಗಿವೆ.

ಇನ್ನುಳಿದಂತೆ ಕೊಡಗಿನಲ್ಲಿ 7, ಮಂಡ್ಯದಲ್ಲಿ 6, ಕೋಲಾರ ಹಾಗೂ ಉತ್ತರ ಕನ್ನಡದಲ್ಲಿ ತಲಾ 5, ಚಿತ್ರದುರ್ಗದಲ್ಲಿ 4, ಚಿಕ್ಕಮಗಳೂರು ಹಾಗೂ ಬೆ.ಗ್ರಾಮಾಂತರ ಹಾಗೂ ಉಡುಪಿ ಜಿಲ್ಲೆಯಲ್ಲಿ ತಲಾ 3 ಕೋವಿಡ್ ಸೋಂಕು ಪ್ರಕರಣಗಳು ದಾಖಲಾಗಿವೆ. ಅಂತೆಯೇ ಚಾಮರಾಜನಗರದಲ್ಲಿ 2 ಮತ್ತು ಬೀದರ್, ಬಳ್ಳಾರಿ ಜಿಲ್ಲೆಗಳಲ್ಲಿ ತಲಾ 1 ಹೊಸ ಕೊರೊನಾ ಸೋಂಕು ಪ್ರಕರಣಗಳು ಪತ್ತೆಯಾಗಿವೆ.

ಕೊಪ್ಪಳ, ಧಾರವಾಡ, ಹಾವೇರಿ, ರಾಮನಗರ, ಚಿಕ್ಕಬಳ್ಳಾಪುರ, ದಾವಣಗೆರೆ, ಬಾಗಲಕೋಟೆ, ರಾಯಚೂರು, ವಿಜಯಪುರ, ಯಾದಗಿರಿ, ಬೆಳಗಾವಿ, ಗದಗ ಜಿಲ್ಲೆಗಳಲ್ಲಿ ಒಂದೂ ಹೊಸ ಕೊರೊನಾ ಸೋಂಕು ಪ್ರಕಣ ಪತ್ತೆಯಾಗಿಲ್ಲ.

ಹೊಸ ಕೋವಿಡ್‌ ಮಾರ್ಗಸೂಚಿ ಪ್ರಕಟ: 1ರಿಂದ 5ನೇ ತರಗತಿ, ಸ್ವಿಮ್ಮಿಂಗ್‌ ಪೂಲ್‌ ಆರಂಭಕ್ಕೆ ಅನುಮತಿ!
ಒಟ್ಟಿನಲ್ಲಿ ರಾಜ್ಯದ ಕೋವಿಡ್ ಪರಿಸ್ಥಿತಿಯನ್ನು ಗಮನಿಸುವುದಾದರೆ, ರಾಜಧಾನಿ ಬೆಂಗಳೂರಿನಲ್ಲಿ ಅತಿಹೆಚ್ಚು ಕೋವಿಡ್ ಸೋಂಕು ಪ್ರಕರಣಗಳು ಕಂಡುಬರುತ್ತಿವೆ. ಸರ್ಕಾರ ಈ ನಿಟ್ಟಿನಲ್ಲಿ ಗಮನಹರಿಸಬೇಕಿರುವುದು ಸತ್ಯ.