ಮಧ್ಯಾಹ್ನದವರೆಗೆ ಕಲಾಪಕ್ಕೆ ಬಾರದ ಸಿಎಂ

ಬೆಂಗಳೂರು: ಸಿಎಂ ಎಚ್‌.ಡಿ.ಕುಮಾರಸ್ವಾಮಿ ಅವರು ಮಂಗಳವಾರ ಮಧ್ಯಾಹ್ನದವರೆಗೆ ವಿಧಾನಸಭೆ ಕಲಾಪದಿಂದ ಹೊರಗುಳಿದು, ಮೈತ್ರಿ ಸರಕಾರ ಉಳಿಸಿಕೊಳ್ಳುವ ಕೊನೇ ಪ್ರಯತ್ನದಲ್ಲಿ ತೊಡಗಿದ್ದರು.

ಬೆಳಗ್ಗೆ ತಮ್ಮ ನಿವಾಸದಿಂದ ಹೊರಟು ಪದ್ಮನಾಭನಗರದ ಮನೆಯಲ್ಲಿ ದೇವೇಗೌಡರನ್ನು ಭೇಟಿ ಮಾಡಿ ತಾಜ್‌ ವೆಸ್ಟೆಂಡ್‌ ಹೋಟೆಲ್‌ ಸೇರಿಕೊಂಡ ಸಿಎಂ, ವಿಧಾನಸಭೆಯತ್ತ ಮುಖ ಮಾಡಲಿಲ್ಲ.

ವಿಶ್ವಾಸಮತ ಯಾಚನೆ ಪ್ರಸ್ತಾವನೆ ಮೇಲಿನ ಚರ್ಚೆಯಿಂದ ಹೊರಗುಳಿದ ಅವರು ಹೋಟೆಲ್‌ ಕೊಠಡಿಗೆ ಸಚಿವ ಡಿ.ಕೆ.ಶಿವಕುಮಾರ್‌ ಮತ್ತಿತರರನ್ನು ಕರೆಸಿಕೊಂಡು ಸಮಾಲೋಚನೆ ನಡೆಸಿದರು. ಭೋಜನ ವಿರಾಮದ ಬಳಿಕವಷ್ಟೇ ಸದನಕ್ಕೆ ಬಂದ ಸಿಎಂ ವಿಶ್ವಾಸಮತ ಯಾಚನೆ ಪ್ರಸ್ತಾವನೆ ಮೇಲೆ ಅಂತಿಮ ಭಾಷಣ ಮಾಡಿದರು.