ಪೀಠೋಪಕರಣ ವಿವಾದದಲ್ಲಿ ಸಿಲುಕಿದ ಕೋಳಿವಾಡ
ಮಾಜಿ ಸ್ಪೀಕರ್‌ ಕೆ.ಬಿ.ಕೋಳಿವಾಡ್‌ ಅವರು ಈಗ ಪೀಠೋಪಕರಣದ ವಿವಾದದ ಮೂಲಕ ಸುದ್ದಿಯಾಗಿದ್ದಾರೆ.
Vijaya Karnataka 24 Jul 2018, 8:30 pm
ಬೆಂಗಳೂರು: ಮಾಜಿ ಸಿಎಂ ಸಿದ್ದರಾಮಯ್ಯ ವಿರುದ್ಧ ನಿರಂತರ ವಾಗ್ದಾಳಿಯಿಂದ ಇತ್ತೀಚೆಗೆ ಸುದ್ದಿಯಲ್ಲಿರುವ ಮಾಜಿ ಸ್ಪೀಕರ್‌ ಕೆ.ಬಿ.ಕೋಳಿವಾಡ್‌ ಅವರು ಈಗ ಪೀಠೋಪಕರಣದ ವಿವಾದದ ಮೂಲಕ ಸುದ್ದಿಯಾಗಿದ್ದಾರೆ.
ಸ್ಪೀಕರ್‌ ಆಗಿದ್ದ ಅವಧಿಯಲ್ಲಿ ವಾಸವಿದ್ದ ಕ್ರೆಸೆಂಟ್‌ ರಸ್ತೆಯ ಸರಕಾರಿ ವಸತಿಗೃಹದಲ್ಲಿ ಅಳವಡಿಸಿದ್ದ ಪೀಠೋಪಕರಣಗಳನ್ನು ಸ್ವಂತ ಮನೆಗೆ ತೆಗೆದುಕೊಂಡು ಹೋಗಿದ್ದಾರೆ ಎಂಬುದು ಈಗ ವಿವಾದ. ಈ ಸಂಬಂಧ ವಿಧಾನಸಭಾ ಸಚಿವಾಲಯದ ಕಾರ್ಯದರ್ಶಿ ಅವರು ಬರೆದಿದ್ದ ಪತ್ರಕ್ಕೆ ಜುಲೈ 20 ರಂದು ಪ್ರತಿಯಾಗಿ ಕಾರ್ಯದರ್ಶಿಗೆ ಪತ್ರ ಬರೆದಿರುವ ಕೋಳಿವಾಡ್‌ ಅವರು ''ಮಸಾಜ್‌ ಚೇರ್‌ ಹಾಗೂ ಪೀಜನ್‌ ಬಾಕ್ಸ್‌ಗಳನ್ನು ಈಗಾಗಲೇ ಸಚಿವಾಲಯಕ್ಕೆ ಹಿಂದಿರುಗಿಸಲಾಗಿದೆ'' ಎಂದು ತಿಳಿಸಿದ್ದಾರೆ.
''ನ್ಯಾಚುರಲ್‌ವುಡ್‌ ಎಂಡಿಎಫ್‌ ಬೋರ್ಡ್‌ ಸ್ಟೋರೇಜ್‌ ಸೌಲಭ್ಯವುಳ್ಳ 2 ಮಂಚಗಳು, ನ್ಯಾಚುರಲ್‌ವುಡ್‌ ಎಂಡಿಎಫ್‌ ಬೋರ್ಡ್‌ ಸ್ಟೋರೇಜ್‌ ಸೌಲಭ್ಯವುಳ್ಳ 1 ಕಿಂಗ್‌ ಸೈಜ್‌ ಮಂಚ ಹಾಗೂ ಇಟಾಲಿಯನ್‌ ಸೋಫಾ ಸೆಟ್‌ಗೆ ಎಷ್ಟು ಹಣ ಪಾವತಿಸಬೇಕೆಂದು ತಿಳಿಸಿದ್ದಲ್ಲಿ ಹಣ ಪಾವತಿಸುತ್ತೇನೆ,'' ಎಂದು ತಿಳಿಸಿದ್ದಾರೆ. ಅಂದರೆ ಕಾರ್ಯದರ್ಶಿಯವರು ಪತ್ರ ಬರೆದ ಮೇಲಷ್ಟೇ ಕೋಳಿವಾಡ್‌ ಅವರು ಹಣ ಪಾವತಿಗೆ ಮುಂದಾಗಿದ್ದಾರೆ ಎಂದು ಹೇಳಲಾಗುತ್ತಿದೆ.
''ಸಾಮಾನ್ಯವಾಗಿ ಸಚಿವರು, ವಿಧಾನಸಭಾಧ್ಯಕ್ಷರು ವಸತಿಗೃಹಗಳಲ್ಲಿ ಬಳಸಿದ್ದ ಪೀಠೋಪಕರಣಗಳನ್ನು ಹೊಸಬರು ಬಳಸುವುದಿಲ್ಲ. ಹಳಬರು ತೆಗೆದುಕೊಂಡು ಹೋಗಲು ಇಷ್ಟಪಟ್ಟು ಹಣಪಾವತಿಸಿದರೆ ಕೊಡುತ್ತೇವೆ ಇಲ್ಲವೇ ಗೋದಾಮಿಗೆ ಹಾಕುತ್ತೇವೆ'' ಎಂದು ವಿಧಾನಸಭೆ ಕಾರ್ಯದರ್ಶಿ ಮೂರ್ತಿ ತಿಳಿಸಿದರು.
ಸ್ಪೀಕರ್‌ ಆಗಿದ್ದ ಅವಧಿಯಲ್ಲಿ ವಾಸವಿದ್ದ ಕ್ರೆಸೆಂಟ್‌ ರಸ್ತೆಯ ಸರಕಾರಿ ವಸತಿಗೃಹದಲ್ಲಿ ಅಳವಡಿಸಿದ್ದ ಪೀಠೋಪಕರಣಗಳನ್ನು ಸ್ವಂತ ಮನೆಗೆ ತೆಗೆದುಕೊಂಡು ಹೋಗಿದ್ದಾರೆ ಎಂಬುದು ಈಗ ವಿವಾದ. ಈ ಸಂಬಂಧ ವಿಧಾನಸಭಾ ಸಚಿವಾಲಯದ ಕಾರ್ಯದರ್ಶಿ ಅವರು ಬರೆದಿದ್ದ ಪತ್ರಕ್ಕೆ ಜುಲೈ 20 ರಂದು ಪ್ರತಿಯಾಗಿ ಕಾರ್ಯದರ್ಶಿಗೆ ಪತ್ರ ಬರೆದಿರುವ ಕೋಳಿವಾಡ್‌ ಅವರು ''ಮಸಾಜ್‌ ಚೇರ್‌ ಹಾಗೂ ಪೀಜನ್‌ ಬಾಕ್ಸ್‌ಗಳನ್ನು ಈಗಾಗಲೇ ಸಚಿವಾಲಯಕ್ಕೆ ಹಿಂದಿರುಗಿಸಲಾಗಿದೆ'' ಎಂದು ತಿಳಿಸಿದ್ದಾರೆ.
''ನ್ಯಾಚುರಲ್‌ವುಡ್‌ ಎಂಡಿಎಫ್‌ ಬೋರ್ಡ್‌ ಸ್ಟೋರೇಜ್‌ ಸೌಲಭ್ಯವುಳ್ಳ 2 ಮಂಚಗಳು, ನ್ಯಾಚುರಲ್‌ವುಡ್‌ ಎಂಡಿಎಫ್‌ ಬೋರ್ಡ್‌ ಸ್ಟೋರೇಜ್‌ ಸೌಲಭ್ಯವುಳ್ಳ 1 ಕಿಂಗ್‌ ಸೈಜ್‌ ಮಂಚ ಹಾಗೂ ಇಟಾಲಿಯನ್‌ ಸೋಫಾ ಸೆಟ್‌ಗೆ ಎಷ್ಟು ಹಣ ಪಾವತಿಸಬೇಕೆಂದು ತಿಳಿಸಿದ್ದಲ್ಲಿ ಹಣ ಪಾವತಿಸುತ್ತೇನೆ,'' ಎಂದು ತಿಳಿಸಿದ್ದಾರೆ. ಅಂದರೆ ಕಾರ್ಯದರ್ಶಿಯವರು ಪತ್ರ ಬರೆದ ಮೇಲಷ್ಟೇ ಕೋಳಿವಾಡ್‌ ಅವರು ಹಣ ಪಾವತಿಗೆ ಮುಂದಾಗಿದ್ದಾರೆ ಎಂದು ಹೇಳಲಾಗುತ್ತಿದೆ.
''ಸಾಮಾನ್ಯವಾಗಿ ಸಚಿವರು, ವಿಧಾನಸಭಾಧ್ಯಕ್ಷರು ವಸತಿಗೃಹಗಳಲ್ಲಿ ಬಳಸಿದ್ದ ಪೀಠೋಪಕರಣಗಳನ್ನು ಹೊಸಬರು ಬಳಸುವುದಿಲ್ಲ. ಹಳಬರು ತೆಗೆದುಕೊಂಡು ಹೋಗಲು ಇಷ್ಟಪಟ್ಟು ಹಣಪಾವತಿಸಿದರೆ ಕೊಡುತ್ತೇವೆ ಇಲ್ಲವೇ ಗೋದಾಮಿಗೆ ಹಾಕುತ್ತೇವೆ'' ಎಂದು ವಿಧಾನಸಭೆ ಕಾರ್ಯದರ್ಶಿ ಮೂರ್ತಿ ತಿಳಿಸಿದರು.