ಆಧುನಿಕ ಅರಸು, ಅಂಬೇಡ್ಕರ್‌ರಂತೆ ಸಿದ್ದು, ರಮೇಶ್‌ಕುಮಾರ್‌ ಫೋಸ್‌

ಬೆಂಗಳೂರು: ಸಿದ್ದರಾಮಯ್ಯ ತಮ್ಮನ್ನು ಎರಡನೇ ದೇವರಾಜ ಅರಸು ಎಂದುಕೊಂಡಿದ್ದಾರೆ. ರಮೇಶ್‌ ಕುಮಾರ್‌ ಅವರಂತೂ ಅಂಬೇಡ್ಕರ್‌ ಬಿಟ್ಟರೆ ತಾವೇ ಸಂವಿಧಾನ ತಜ್ಞರೆಂದು ಭಾವಿಸಿದ್ದಾರೆ ಎಂದು ಗ್ರಾಮೀಣಾಭಿವೃದ್ಧಿ ಸಚಿವ ಕೆ.ಎಸ್‌.ಈಶ್ವರಪ್ಪ ಟಾಂಗ್‌ ಕೊಟ್ಟಿದ್ದಾರೆ.

ವಿಧಾನಸೌಧದಲ್ಲಿಶುಕ್ರವಾರ ಸುದ್ದಿಗಾರರೊಂದಿಗೆ ಮಾತನಾಡಿ,''ಈ ನಾಯಕರಿಬ್ಬರೂ ಪರಸ್ಪರ ಹೊಗಳಿಕೊಳ್ಳುತ್ತಾರೆ. ಹಾಗೆ ಹೊಗಳಿಕೊಳ್ಳುತ್ತಲೇ ಸುಪ್ರೀಂಕೋರ್ಟ್‌ ನಿರ್ದೇಶನಕ್ಕೆ ವ್ಯತಿರಿಕ್ತವಾಗಿ 17 ಶಾಸಕರನ್ನು ರಮೇಶ್‌ ಕುಮಾರ್‌ ಅನರ್ಹಗೊಳಿಸಿದ್ದಾರೆ. ಅವರು ಮಾಡಿರುವ ಅನ್ಯಾಯವನ್ನು ಸುಪ್ರೀಂಕೋರ್ಟ್‌ ಸರಿಪಡಿಸುವ ವಿಶ್ವಾಸವಿದೆ,'' ಎಂದರು.