ಅತೃಪ್ತರಿಗೆ ಕೈನಾಯಕರ ಮನವಿ

ಬೆಂಗಳೂರು: ಅತೃಪ್ತರ ಮನವೊಲಿಸುವ ಎಲ್ಲ ಯತ್ನ ವಿಫಲವಾದದ್ದರಿಂದ ಕಡೆಯದಾಗಿ ಮನವಿ ಮಾಡಿಕೊಂಡಿರುವ ಕಾಂಗ್ರೆಸ್‌ ನಾಯಕರು ವಾಪಸ್‌ ಬರುವಂತೆ ಮುಂಬಯಿನಲ್ಲಿರುವ ಶಾಸಕರಿಗೆ ಸಂದೇಶ ರವಾನಿಸಿದ್ದಾರೆ.

ಸೋಮವಾರ ರಾತ್ರಿ ಖಾಸಗಿ ಹೋಟೆಲ್‌ನಲ್ಲಿ ನಡೆದ ಸಭೆ ಬಳಿಕ ಕೈನಾಯಕರು ಈ ಮನವಿ ಮಾಡಿಕೊಂಡರು. ಶಾಸಕರು ವಾಪಸ್‌ ಬರುವ ವಿಶ್ವಾಸವಿರುವುದಾಗಿಯೂ ಕೆಪಿಸಿಸಿ ಅಧ್ಯಕ್ಷ ದಿನೇಶ್‌ ಗುಂಡೂರಾವ್‌ ತಿಳಿಸಿದರು.

ಬೆದರಿಕೆಯಿದೆ: ''ನಮ್ಮ ಶಾಸಕರಿಗೆ ಬಿಜೆಪಿಯಿಂದ ಬೆದರಿಕೆಯಿದೆ. ಹಾಗಾಗಿ ಸೂಕ್ತ ರಕ್ಷಣೆ ನೀಡುವಂತೆ ಗೃಹ ಸಚಿವರು ಹಾಗೂ ಡಿಜಿಗೆ ಮನವಿ ಮಾಡಿಕೊಳ್ಳಲಾಗಿದೆ,'' ಎಂದು ಗುಂಡೂರಾವ್‌ ಹೇಳಿದ್ದಾರೆ.

ವಾಸ್ತವ್ಯ ಬದಲು: ಯಶವಂತಪುರ ಬಳಿಯ ಹೋಟೆಲ್‌ನಲ್ಲಿದ್ದ ಕಾಂಗ್ರೆಸ್‌ ಶಾಸಕರನ್ನು ಇದೀಗ ವಿಮಾನ ನಿಲ್ದಾಣ ರಸ್ತೆಯ ರೆಸಾರ್ಟ್‌ಗೆ ಸ್ಥಳಾಂತರಿಸಲು ಕೈನಾಯಕರು ನಿರ್ಧಾರ ಕೈಗೊಂಡಿದ್ದಾರೆ.