ಲೈನ್‌ಮ್ಯಾನ್‌ಗಳು ಇನ್ನು ಪವರ್‌ಮ್ಯಾನ್‌

ಬೆಂಗಳೂರು: ವಿದ್ಯುತ್‌ ಸರಬರಾಜು ಕಂಪನಿಗಳಲ್ಲಿನ ಸುಮಾರು 45 ಸಾವಿರ ಲೈನ್‌ಮ್ಯಾನ್‌ಗಳ (ಮಾರ್ಗದಾಳು) ಹೆಸರನ್ನು 'ಪವರ್‌ಮ್ಯಾನ್‌' ಎಂದು ಬದಲಿಸಲಾಗುತ್ತಿದೆ.
ಈ ನೌಕರರ ವೃತ್ತಿ ಗೌರವ ಹೆಚ್ಚಿಸುವ ಉದ್ದೇಶದಿಂದ ಹುದ್ದೆಯ ಹೆಸರು ಬದಲಾವಣೆ ಮಾಡಲಾಗುತ್ತಿದ್ದು, ಈ ಸಂಬಂಧ ಸದ್ಯದಲ್ಲೇ ಅಧಿಸೂಚನೆ ಹೊರಡಿಸಲಾಗುವುದು'' ಎಂದು ಶಿವಕುಮಾರ್‌ ತಿಳಿಸಿದರು.

ಪವರ್‌ ಅವಾರ್ಡ್‌

''ರಾಜ್ಯದಲ್ಲಿ 2013ರಲ್ಲಿ 14 ಸಾವಿರ ಮೆ.ವ್ಯಾ. ಇದ್ದ ವಿದ್ಯುತ್‌ ಉತ್ಪಾದನಾ ಸಾಮರ್ಥ್ಯ‌ ಪ್ರಸ್ತುತ 19,500 ಮೆ.ವ್ಯಾ.ಗೆ ಏರಿಕೆಯಾಗಿದೆ. ಸೌರಶಕ್ತಿ, ಪವನ ವಿದ್ಯುತ್‌ ಉತ್ಪಾದನೆಯಲ್ಲಿ ಇಡೀ ದೇಶದಲ್ಲೇ ಗಮನಾರ್ಹ ಸಾಧನೆ ಸಾಧ್ಯವಾಗಿದೆ.

ವಿದ್ಯುತ್‌ ಉತ್ಪಾದನೆಯಲ್ಲಿ ರಾಜ್ಯವು ಸ್ವಾವಲಂಬನೆಯತ್ತ ಸಾಗಲು ಕಾರಣರಾಗಿರುವ ಉತ್ಪಾದಕರು, ಉಳಿತಾಯಕ್ಕೆ ಕಾರಣವಾಗಿರುವ ಸಿಬ್ಬಂದಿ ವರ್ಗ ಸೇರಿ ಒಟ್ಟು 7 ವರ್ಗಗಳಲ್ಲಿ ಒಟ್ಟು 174 ಮಂದಿಗೆ ಪ್ರಥಮ ಬಾರಿಗೆ 'ಪವರ್‌ ಅವಾರ್ಡ್‌ 2017' ಹೆಸರಿನಲ್ಲಿ ಪ್ರಶಸ್ತಿಗಳನ್ನು ಪ್ರದಾನ ಮಾಡಲಾಗುವುದು.

ಅ.28 ರಂದು ಅರಮನೆ ಮೈದಾನದಲ್ಲಿ ಈ ಪ್ರಶಸ್ತಿ ಪ್ರದಾನ ಸಮಾರಂಭ ನಡೆಯಲಿದ್ದು, ಅದೇ ದಿನ ಪ್ರಶಸ್ತಿ ಪುರಸ್ಕೃತರ ಪಟ್ಟಿ ಬಿಡುಗಡೆ ಮಾಡಲಾಗುವುದು'' ಎಂದು ಸಚಿವರು ತಿಳಿಸಿದರು.

ಇಂಧನ ಭವನ

ಬಾಡಿಗೆ ಕಟ್ಟಡದಲ್ಲಿರುವ ಇಲಾಖೆಯ ವಿವಿಧ ಕಚೇರಿಗಳನ್ನು ಒಂದೆಡೆ ಸ್ವಂತ ಕಟ್ಟಡದಲ್ಲಿ ಕಾರ್ಯನಿರ್ವಹಣೆ ಮಾಡಲು ಸಾಧ್ಯವಾಗುವಂತೆ ಬೆಂಗಳೂರಿನ ರೇಸ್‌ ಕೋರ್ಸ್‌ ಪಕ್ಕದ ಎರಡು ಎಕರೆ ಜಾಗದಲ್ಲಿ ಒಟ್ಟು 130 ಕೋಟಿ ರೂ. ವೆಚ್ಚದಲ್ಲಿ 'ಇಂಧನ ಭವನ' ನಿರ್ಮಾಣ ಮಾಡಲಾಗುವುದು. ಈ ಸಂಬಂಧ ಟೆಂಡರ್‌ ಪ್ರಕ್ರಿಯೆ ಆರಂಭವಾಗಿದೆ'' ಎಂದು ಹೇಳಿದರು.

Lineman's is Called Power mans