ಸಲೂನ್‌, ಪಾರ್ಲರ್‌ ನಿರ್ವಹಣೆಗೆ ಸರ್ಕಾರದ 14 ಷರತ್ತು, ಈ ರೀತಿ ಮಾಡಿ!

ಬೆಂಗಳೂರು: ರಾಜ್ಯದಲ್ಲಿ ಲಾಕ್‌ಡೌನ್‌ನ ಲಾಕ್‌ ಒಪನ್‌ ಮಾಡುತ್ತಿದ್ದಂತೆ ಕೆಲವು ಅಗತ್ಯ ಸೇವೆಗಳಿಗೆ ಸರ್ಕಾರ ಅವಕಾಶ ನೀಡಿದೆ. ಈ ಪೈಕಿ ಸಲೂನ್‌ ಹಾಗೂ ಪಾರ್ಲರ್‌ಗಳು ಕಾರ್ಯನಿರ್ವಹಿಸಲು ಅನುಮತಿ ಸಿಕ್ಕಿದೆ. ಆದ್ರೆ ಕೊರೊನಾ ಸೋಂಕು ಹೆಚ್ಚಾಗಿ ಹರಡಲು ಸಾಧ್ಯತೆ ಇರುವ ಸಲೂನ್‌ ಹಾಗೂ ಪಾರ್ಲರ್‌ಗಳು ಕೆಲವು ಷರತ್ತುಗಳನ್ನ ಪಾಲಿಸುವುದರೊಂದಿಗೆ ಕಾರ್ಯನಿರ್ವಹಿಸಬೇಕು ಎಂದು ಸರ್ಕಾರ ಆದೇಶಿಸಿದೆ.

ಸರಕಾರದ 14 ಷರತ್ತುಗಳು ಇಲ್ಲಿವೆ

• ಜ್ವರ, ಶೀತ, ಕೆಮ್ಮು, ಗಂಟಲು ನೋವು ಇರುವ ವ್ಯಕ್ತಿಗಳಿಗೆ ಸಲೂನ್‌ ಪ್ರವೇಶವಿಲ್ಲ
• ಮಾಸ್ಕ್‌ ಇಲ್ಲದ ವ್ಯಕ್ತಿಗಳಿಗೆ ಪ್ರವೇಶ ನಿಷೇಧಿಸಬೇಕು
• ಪ್ರವೇಶ ದ್ವಾರದಲ್ಲಿ ಹ್ಯಾಂಡ್‌ ಸ್ಯಾನಿಟೈಸರ್‌ ಇಡಬೇಕು
• ಸಿಬ್ಬಂದಿ ಸದಾ ಕಡ್ಡಾಯವಾಗಿ ಮಾಸ್ಕ್‌, ತಲೆಗೆ ಟೋಪಿ ಹಾಗೂ ಏಪ್ರನ್‌ ಧರಿಸಬೇಕು
• ಪ್ರತಿಯೊಬ್ಬ ಗ್ರಾಹಕನಿಗೂ ಪ್ರತ್ಯೇಕವಾಗಿ ಬಳಸಿ ಎಸೆಯುವ ಟವೆಲ್‌/ಪೇಪರ್‌ ಶೀಟ್‌ ಬಳಕೆ
• ಸಲೂನ್‌ನ ಎಲ್ಲಾಸಾಧನಗಳನ್ನು 30 ನಿಮಿಷ ಶೇ.7ರ ಲೈಸೋಲ್‌ ಬಳಸಿ ಸೋಂಕು ನಿವಾರಿಸಬೇಕು
• ಒಂದು ಸೆಟ್‌ ಸಾಧನಗಳು ಬಳಕೆಯಲ್ಲಿದ್ದಾಗ ಇನ್ನೊಂದು ಸೆಟ್‌ ಸೋಂಕು ನಿವಾರಣೆಗಿಡಬೇಕು
• ಪ್ರತಿ ಹೇರ್‌ ಕಟ್‌ ಮಾಡಿದ ಬಳಿಕ ಸಿಬ್ಬಂದಿ ತಮ್ಮ ಕೈಗಳನ್ನು ಸ್ಯಾನಿಟೈಸ್‌ ಮಾಡಿಕೊಳ್ಳಬೇಕು
• ಹೆಚ್ಚಿನ ಗ್ರಾಹಕರು ಪ್ರವೇಶ ತಡೆಗೆ ಬುಕ್ಕಿಂಗ್‌ ಇಲ್ಲವೇ ಟೋಕನ್‌ ವ್ಯವಸ್ಥೆ ಮಾಡಬೇಕು
• ಆಸನಗಳ ನಡುವೆ ಸಾಕಷ್ಟು ಅಂತರ (ಒಂದು ಮೀಟರ್‌) ಇರುವಂತೆ ನೋಡಿಕೊಳ್ಳಬೇಕು
• ನೆಲ, ಲಿಫ್ಟ್‌, ಲಾಂಜ್‌/ಸುತ್ತಲಿನ ಪ್ರದೇಶ, ಮೆಟ್ಟಿಲು ಮತ್ತು ಕೈಹಿಡಿಕೆಗಳು ಜಾಗಗಳನ್ನು ದಿನಕ್ಕೆ ಕನಿಷ್ಟ 2 ಬಾರಿ ಶೇ.1 ಸೋಡಿಯಂ ಹೈಪೋಕ್ಲೋರೈಟ್‌ ದ್ರಾವಣದ ಮೂಲಕ ಸೋಂಕು ನಿವಾರಿಸಬೇಕು
• ಕಾರ್ಪೆಟ್‌ಗಳು ಮತ್ತು ಕೊಠಡಿಯ ನೆಲ ಭಾಗವನ್ನು ಪದೇ ಪದೇ ಸ್ವಚ್ಚಗೊಳಿಸಬೇಕು
• ಪ್ರವೇಶ ದ್ವಾರದಲ್ಲಿ ಕೆಮ್ಮು ಮತ್ತು ಸಾಮಾಜಿಕ ಅಂತರ ಬಗೆಗಿಗ ಶಿಷ್ಟಾಚಾರಗಳಿಗೆ ಸಂಬಂಧಿಸಿದ ಪೋಸ್ಟರ್‌ ಅಂಟಿಸಬೇಕು
• ಸಲೂನ್‌ ಶಾಪ್‌ಗಳಿಗೆ ಬರುವ ವ್ಯಕ್ತಿಗಳಿಗೆ ಕೋವಿಡ್‌ ಲಕ್ಷಣಗಳಿದ್ದರೆ ಅವರಿಗೆ ಆಸ್ಪತ್ರೆಗಳಿಗೆ ತೆರಳಲು ಸಲಹೆ ನೀಡಬೇಕು

WHO: ಅಮೆರಿಕ-ಚೀನಾ ವಾರ್, ಚೀನಾ ಸಂಚನ್ನು ಖಂಡಿಸಲಿಲ್ಲ ಏಕೆ?