ಹಾರೋಹಳ್ಳಿ (ಕನಕಪುರ ತಾ.): ಮಗಳು ಪ್ರಿಯಕರನೊಂದಿಗೆ ಹೋದಳೆಂದು ನೊಂದ ತಾಯಿ ಆತ್ಮಹತ್ಯೆ ಮಾಡಿಕೊಂಡಿದ್ದು, ಈ ಸುದ್ದಿ ತಿಳಿದ ಪ್ರೇಮಿಗಳೂ ಸಾವಿಗೆ ಶರಣಾದ ಮನಕಲಕುವ ಘಟನೆ ಕಗ್ಗಲಿಪುರ ಪೊಲೀಸ್‌ ಠಾಣೆ ವ್ಯಾಪ್ತಿಯ ನಾಕಂಬ ಕ್ರಾಸ್‌ ಬಳಿ ನಡೆದಿದೆ.
ಪ್ರೇಮಿಗಳಾದ ವೇಣು(26) ,ದಿವ್ಯಾ (22) ಹಾಗೂ ಹುಡುಗಿಯ ತಾಯಿ ಶಾಂತಮ್ಮ () ಆತ್ಮಹತ್ಯೆ ಮಾಡಿಕೊಂಡವರು.
ಮೂಲತಃ ಕುಣಿಗಲ್‌ ತಾಲೂಕಿನ ಹುಲಿಯೂರುದುರ್ಗದ ಹಳೆಯೂರು ಗ್ರಾಮ ಪಂಚಾಯಿತಿಯ ಬಿಲ್‌ ಕಲೆಕ್ಟರ್‌ ವೇಣು ಮತ್ತು ಅದೇ ಗ್ರಾಮದ ದಿವ್ಯಾ ಇಬ್ಬರೂ ಪರಸ್ಪರ ಪ್ರೀತಿಸುತ್ತಿದ್ದರು.ಮದುವೆಗೆ ಮನೆಯವರ ವಿರೋಧವಿದ್ದ ಕಾರಣ ಮನೆ ತ್ಯಜಿಸಿದ್ದರು. ಮಗಳ ಈ ತೀರ್ಮಾನದಿಂದ ಆಘಾತಗೊಂಡ ಆಕೆಯ ತಾಯಿ ಶಾಂತಮ್ಮ ಭಾನುವಾರ ಬೆಳಗಿನ ಜಾವ ಹುಲಿಯೂರುದುರ್ಗದ ತಮ್ಮ ಮನೆಯಲ್ಲಿ ವಿಷ ಕುಡಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಪ್ರೇಯಸಿಯ ತಾಯಿ ಸತ್ತ ವಿಷಯ ತಿಳಿದ ವೇಣು ಹಾಗೂ ದಿವ್ಯಾ ತೀವ್ರ ಮನನೊಂದಿದ್ದು ತಾವು ತಂಗಿದ್ದ ಹಳೆಯೂರಿನ ಸ್ನೇಹಿತನ ಮನೆ ಫ್ಯಾನಿಗೆ ನೇಣು ಬಿಗಿದುಕೊಂಡು ಸಾವಿಗೀಡಾಗಿದ್ದಾರೆ.