ರೈಲ್ವೆ ಎಂಜಿನ್‌ನಲ್ಲಿ 30 ಗಂಟೆ ಇದ್ದ ವ್ಯಕ್ತಿಯ ರುಂಡ

ಬೀರೂರು: ರೈಲಿಗೆ ಸಿಲುಕಿ ಮೃತಪಟ್ಟ ವ್ಯಕ್ತಿಯ ರುಂಡ ರೈಲು ಎಂಜಿನ್‌ ಕೆಳಭಾಗದಲ್ಲಿ 30ಗಂಟೆಗಳ ಕಾಲ ಸಿಲುಕಿಕೊಂಡಿದ್ದ ಪ್ರಕರಣ ಶನಿವಾರ ರಾತ್ರಿ ಬೆಳಕಿಗೆ ಬಂದಿದೆ.

ಡಬ್ಲಿಂಗ್‌ ಕಾರ್ಯದಲ್ಲಿ ತೊಡಗಿದ್ದ ರಾಣೆಬೆನ್ನೂರು ತಾಲೂಕಿನ ಮಾಸೂರು ಗ್ರಾಮದ ಯುವಕ ಮೆಟಿರಿಯಲ್‌ ಗೂಡ್ಸ್‌ ಗಾಡಿಗೆ ಸಿಲುಕಿ ಶುಕ್ರವಾರ ಆತ್ಮಹತ್ಯೆ ಮಾಡಿಕೊಂಡಿದ್ದ. ದಾವಣಗೆರೆ ರೈಲ್ವೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಘಟನಾ ಸ್ಥಳದಲ್ಲಿ ಮೃತನ ದೇಹ ಮಾತ್ರ ದೊರೆತಿತ್ತು. ರುಂಡ ದೊರಕಿರಲಿಲ್ಲ.

ಬೀರೂರು ಸ್ಟೇಷನ್‌ಗೆ ಶನಿವಾರ ರಾತ್ರಿ ಬಂದ ಎಂಜಿನ್‌ನನ್ನು ಪೈಲಟ್‌ಗಳು ಪರೀಕ್ಷಿಸುವಾಗ ಎಂಜಿನ್‌ನ ಸ್ಟ್ರಿಂಗ್‌ ಬಳಿ ರುಂಡ ಸಿಲುಕಿಕೊಂಡಿರುವುದನ್ನು ಗಮನಿಸಿದ್ದಾರೆ. ಈ ವಿಷಯವನ್ನು ಹಿರಿಯ ಅಧಿಕಾರಿಗಳ ಗಮನಕ್ಕೆ ತಂದು, ಮೃತನ ಸಂಬಂಧಿಗೆ ರುಂಡ ಮುಟ್ಟಿಸಿದ್ದಾರೆ.