ಬೆಂಗಳೂರು: ರಾಜ್ಯದೆಲ್ಲೆಡೆ ಸೋಮವಾರ ಇಡೀ ದಿನ ಔಷಧ ಮಳಿಗೆಗಳು ಬಂದ್ ಆಗಿರಲಿವೆ. ಮೇ 29ರ ರಾತ್ರಿ 12ರಿಂದ ಮೇ 30ರ ರಾತ್ರಿ 12ರವರೆಗೆ ಮೆಡಿಕಲ್‌ ಶಾಪ್‌ಗಳು ಬಂದ್ ಆಗಿರುತ್ತವೆ.
ಕೇಂದ್ರ ಸರಕಾರವು ವೈದ್ಯರು ನೀಡುವ ಪ್ರತಿ ಪ್ರಿಸ್ಕ್ರಿಪ್ಷನ್‌ ಅನ್ನು ಸ್ಕ್ಯಾ‌ನ್‌ ಮಾಡಿ ಆಯಾ ಮೆಡಿಕಲ್‌ ಸ್ಟೋರ್‌ನವರು ಸೆಂಟ್ರಲ್‌ ಇ-ಪೋರ್ಟಲ್‌ಗೆ ಅಪ್‌ಲೋಡ್‌ ಮಾಡಬೇಕೆಂಬ ವ್ಯವಸ್ಥೆ ಜಾರಿಗೆ ಮುಂದಾಗಿರುವುದನ್ನು ಕೈಬಿಡಬೇಕು ಎಂದು ಒತ್ತಾಯಿಸಿ ಮತ್ತು ಆನ್‌ಲೈನ್‌ನಲ್ಲಿ ಔಷಧ ಮಾರಾಟಕ್ಕೆ ವಿರೋಧಿಸಿ ಮೆಡಿಕಲ್‌ ಶಾಪ್‌ಗಳನ್ನು ಮುಚ್ಚಲು ನಿರ್ಧರಿಸಲಾಗಿದೆ.
ಬೆಂಗಳೂರಿನಲ್ಲಿ ಹೋಟೆಲ್‌ ಬಂದ್: ಈ ನಡುವೆ, ಬೆಂಗಳೂರಿನಲ್ಲಿ ತಿನಿಸುಗಳ ಮೇಲಿನ ಸೇವಾ ತೆರಿಗೆ ಹೆಚ್ಚಳ ಪ್ರತಿಭಟಿಸಿ ಹೋಟೆಲ್‌, ರೆಸ್ಟೋರೆಂಟ್‌ಗಳನ್ನು ಮೇ 30ರಂದು ಮುಚ್ಚಲು ಹೋಟೆಲ್‌ ಮಾಲೀಕರ ಸಂಘ ನಿರ್ಧರಿಸಿದೆ.