ಕೇಂದ್ರದಿಂದ 40 ಟನ್‌ ಔಷಧ

ಹೊಸದಿಲ್ಲಿ: ನೆರೆ ಹಾವಳಿಯ ಅಸೌಖ್ಯ ಪೀಡಿತ ಜನರ ಚಿಕಿತ್ಸೆಗಾಗಿ ಔಷಧ ಒದಗಿಸುವಂತೆ ರಾಜ್ಯ ಸರಕಾರದ ಮನವಿಗೆ ಸ್ಪಂದಿಸಿರುವ ಕೇಂದ್ರ ಸರಕಾರ ತುರ್ತಾಗಿ 40 ಮೆಟ್ರಿಕ್‌ ಟನ್‌ ಔಷಧ ಸಾಮಗ್ರಿಗಳನ್ನು ಪೂರೈಕೆ ಮಾಡಿದೆ. ಇದಕ್ಕೆ ಎಚ್‌ಎಲ್‌ಎಲ್‌ಎನ್‌ ಕೇರ್‌ ಲಿಮಿಟೆಡ್‌ ಸಹಯೋಗ ನೀಡಿದೆ. ಅಗತ್ಯ ಬಿದ್ದಲ್ಲಿ ಮತ್ತಷ್ಟು ಸಾಮಗ್ರಿಗಳನ್ನು ರವಾನಿಸುವುದಾಗಿ ಭರವಸೆ ನೀಡಿದೆ.

ಪ್ರಾಥಮಿಕ ಚಿಕಿತ್ಸೆಗೆ ಅವಶ್ಯವಿರುವ 18 ರೀತಿಯ ಔಷಧಗಳನ್ನು ವಿಮಾನದಲ್ಲಿ ರಾಜ್ಯಕ್ಕೆ ಕಳುಹಿಸುವ ವ್ಯವಸ್ಥೆ ಮಾಡಲಾಗಿದೆ ಎಂದು ಕರ್ನಾಟಕ ಭವನ ನಿವಾಸಿ ಆಯುಕ್ತ ನಿಲಯ್‌ ಮಿತಾಶ್‌ ತಿಳಿಸಿದ್ದಾರೆ.