ಬೆಂಗಳೂರು: ಮೇಕೆದಾಟು ಯೋಜನೆ ಜಾರಿ ವಿಚಾರವಾಗಿ ಮುಂದಿನ ವಾರ ಸರ್ವಪಕ್ಷಗಳ ಸಭೆ ಕರೆಯುವುದಾಗಿ ಸಿಎಂ ಬಸವರಾಜ ಬೊಮ್ಮಾಯಿ ಘೋಷಣೆ ಮಾಡಿದರು. ವಿಧಾನಸಭೆಯಲ್ಲಿ ಮೇಕೆದಾಟು ಯೋಜನೆ ಜಾರಿ ಬಗ್ಗೆ ಸಿದ್ದರಾಮಯ್ಯ ಆರೋಪಕ್ಕೆ ಉತ್ತರಿಸಿದ ಸಿಎಂ, ಈ ವಿಚಾರವಾಗಿ ಚರ್ಚೆ ನಡೆಸಲು ಮುಂದಿನ ವಾರ ಸರ್ವ ಪಕ್ಷಗಳ ಸಭೆ ಕರೆಯುತ್ತೇನೆ. ನಾವೆಲ್ಲರೂ ಸೇರಿ ಅಭಿಪ್ರಾಯ ರೂಪಿಸಿ ಮುಂದುವರಿಸಬೇಕು. ಒಂದು ವಾರದ ಒಳಗಡೆ ಸಭೆ ಕರೆಯುತ್ತೇನೆ ಎಂದರು.
ಇದರೆಲ್ಲದ ನಡುವೆ ಮೇಕೆದಾಟು ಯೋಜನೆಗೆ ಡಿಪಿಆರ್ ಅಪ್ರೂವಲ್ ಹಾಗೂ ಪರಿಸರ ಅನುಮತಿ ಪಡೆಯಬೇಕಾದದ್ದು ನಮ್ಮ ಮುಂದಿರುವ ಟಾಸ್ಕ್. ಯೋಜನೆಯ ಬಗ್ಗೆ ಕಾನೂನು ಅಂಶಗಳ ಬಗ್ಗೆ ತಜ್ಞರ ಜೊತೆ ಚರ್ಚೆ ನಡೆಸಲಾಗಿದೆ. ತಮಿಳುನಾಡು ಯಾವುದೇ ಯೋಜನೆಗೂ ವಿರೋಧ ಮಾಡುತ್ತದೆ. ಅದರ ಹಿಂದೆ ರಾಜಕೀಯ ಇದೆ. ಈ ಎಲ್ಲ ಬೆಳವಣಿಗೆ ಹಿನ್ನೆಲೆಯಲ್ಲಿ ಸರ್ವ ಪಕ್ಷದ ಸಭೆಯ ನಿರ್ಣಯ ಆಧರಿಸಿ ಮುಂದಿನ ಕ್ರಮ ಕೈಗೊಳ್ಳಲಾಗುವುದು ಎಂದು ತಿಳಿಸಿದರು.
ಮೇಕೆದಾಟು ವಿಚಾರವಾಗಿ, ತಮಿಳುನಾಡು ಜೊತೆಗೆ ಮಾತುಕತೆ ವಿಚಾರ ನಮ್ಮ ಮುಂದೆ ಇಲ್ಲ. ಡಿಪಿಆರ್ ಅನುಮತಿ ಪಡೆದುಕೊಳ್ಳುವುದು ಹಾಗೂ ಪರಿಸರ ಇಲಾಖೆಯ ಅನುಮತಿ ಪಡೆದುಕೊಳ್ಳುವುದು ನಮ್ಮ ಮುಂದಿನ ಅಜೆಂಡಾ ಹಾಗೂ ಕೆಲಸ. ನಾನು ಸಿಎಂ ಆದ ಬಳಿಕ ಮೂರು ಪತ್ರ ಬರೆದಿದ್ದೇನೆ ಎಂದು ಹೇಳಿದರು.
ಮೇಕೆದಾಟು ಯೋಜನೆಯಿಂದ ತಮಿಳುನಾಡಿಗೆ ಯಾವುದೇ ಸಮಸ್ಯೆ ಇಲ್ಲ, ಇದು ಕುಡಿಯುವ ನೀರಿನ ಯೋಜನೆ ಎಂದು ಈಗಾಗಲೇ ಸ್ಪಷ್ಟಪಡಿಸಲಾಗಿದೆ. ಸರ್ವ ಪಕ್ಷದ ಸಭೆಯ ನಿರ್ಣಯವನ್ನು ಕೂಡಾ ಕೇಂದ್ರಕ್ಕೆ ಬರೆಯುತ್ತೇನೆ. ಸಭೆಯ ಬಳಿಕ ನಾನು ಹೋಗಿ ಡಿಪಿಆರ್ ಅನುಮತಿಯನ್ನು ಪಡೆದು ಕೆಲಸ ಕಾರ್ಯ ಆರಂಭಿಸುತ್ತೇನೆ ಎಂದು ಸಿಎಂ ಬಸವರಾಜ ಬೊಮ್ಮಾಯಿ ಉತ್ತರ ನೀಡಿದರು.
ರಾಜೀನಾಮೆ ನೀಡಲಿ ಎಂದಿದ್ದ ಡಿಕೆ ಶಿವಕುಮಾರ್‌!
ಮೇಕೆದಾಟು ವಿಚಾರವಾಗಿ ಸಿಎಂ ಬಸವರಾಜ ಬೊಮ್ಮಾಯಿ ಅವರ ವಿರುದ್ಧ ನಿರಂತರ ಕಿಡಿಕಾರುತ್ತಿರುವ ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್‌, ಕೇಂದ್ರ ಜಲಶಕ್ತಿ ಸಚಿವರು ಸಂಧಾನದ ಮಾತುಕತೆ ಆಡಿದಾಗ ಸಿಎಂ ಮೌನವಹಿಸಿದ್ದಾರೆ. ಅದರ ಬಗ್ಗೆ ಉತ್ತರಿಸಲಿ. ಇಲ್ಲದಿದ್ದರೆ ರಾಜೀನಾಮೆ ನೀಡಿ ಹೋಗಲಿ ಎಂದಿದ್ದರು. ಎಲ್ಲ ನಾವೇ ಮಾಡಿಕೊಳ್ಳುವ ರೀತಿ ಇದ್ದಿದ್ದರೆ, ಕೇಂದ್ರ ಸರ್ಕಾರ ಏಕೆ ಬೇಕಿತ್ತು ಎಂದು ಡಿಕೆಶಿ ಆಕ್ರೋಶ ವ್ಯಕ್ತಪಡಿಸಿದ್ದರು.
ಇದರೆಲ್ಲದ ನಡುವೆ ಮೇಕೆದಾಟು ಯೋಜನೆಗೆ ಡಿಪಿಆರ್ ಅಪ್ರೂವಲ್ ಹಾಗೂ ಪರಿಸರ ಅನುಮತಿ ಪಡೆಯಬೇಕಾದದ್ದು ನಮ್ಮ ಮುಂದಿರುವ ಟಾಸ್ಕ್. ಯೋಜನೆಯ ಬಗ್ಗೆ ಕಾನೂನು ಅಂಶಗಳ ಬಗ್ಗೆ ತಜ್ಞರ ಜೊತೆ ಚರ್ಚೆ ನಡೆಸಲಾಗಿದೆ. ತಮಿಳುನಾಡು ಯಾವುದೇ ಯೋಜನೆಗೂ ವಿರೋಧ ಮಾಡುತ್ತದೆ. ಅದರ ಹಿಂದೆ ರಾಜಕೀಯ ಇದೆ. ಈ ಎಲ್ಲ ಬೆಳವಣಿಗೆ ಹಿನ್ನೆಲೆಯಲ್ಲಿ ಸರ್ವ ಪಕ್ಷದ ಸಭೆಯ ನಿರ್ಣಯ ಆಧರಿಸಿ ಮುಂದಿನ ಕ್ರಮ ಕೈಗೊಳ್ಳಲಾಗುವುದು ಎಂದು ತಿಳಿಸಿದರು.
ಮೇಕೆದಾಟು ವಿಚಾರವಾಗಿ, ತಮಿಳುನಾಡು ಜೊತೆಗೆ ಮಾತುಕತೆ ವಿಚಾರ ನಮ್ಮ ಮುಂದೆ ಇಲ್ಲ. ಡಿಪಿಆರ್ ಅನುಮತಿ ಪಡೆದುಕೊಳ್ಳುವುದು ಹಾಗೂ ಪರಿಸರ ಇಲಾಖೆಯ ಅನುಮತಿ ಪಡೆದುಕೊಳ್ಳುವುದು ನಮ್ಮ ಮುಂದಿನ ಅಜೆಂಡಾ ಹಾಗೂ ಕೆಲಸ. ನಾನು ಸಿಎಂ ಆದ ಬಳಿಕ ಮೂರು ಪತ್ರ ಬರೆದಿದ್ದೇನೆ ಎಂದು ಹೇಳಿದರು.
ಮೇಕೆದಾಟು ಯೋಜನೆಯಿಂದ ತಮಿಳುನಾಡಿಗೆ ಯಾವುದೇ ಸಮಸ್ಯೆ ಇಲ್ಲ, ಇದು ಕುಡಿಯುವ ನೀರಿನ ಯೋಜನೆ ಎಂದು ಈಗಾಗಲೇ ಸ್ಪಷ್ಟಪಡಿಸಲಾಗಿದೆ. ಸರ್ವ ಪಕ್ಷದ ಸಭೆಯ ನಿರ್ಣಯವನ್ನು ಕೂಡಾ ಕೇಂದ್ರಕ್ಕೆ ಬರೆಯುತ್ತೇನೆ. ಸಭೆಯ ಬಳಿಕ ನಾನು ಹೋಗಿ ಡಿಪಿಆರ್ ಅನುಮತಿಯನ್ನು ಪಡೆದು ಕೆಲಸ ಕಾರ್ಯ ಆರಂಭಿಸುತ್ತೇನೆ ಎಂದು ಸಿಎಂ ಬಸವರಾಜ ಬೊಮ್ಮಾಯಿ ಉತ್ತರ ನೀಡಿದರು.
ರಾಜೀನಾಮೆ ನೀಡಲಿ ಎಂದಿದ್ದ ಡಿಕೆ ಶಿವಕುಮಾರ್‌!
ಮೇಕೆದಾಟು ವಿಚಾರವಾಗಿ ಸಿಎಂ ಬಸವರಾಜ ಬೊಮ್ಮಾಯಿ ಅವರ ವಿರುದ್ಧ ನಿರಂತರ ಕಿಡಿಕಾರುತ್ತಿರುವ ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್‌, ಕೇಂದ್ರ ಜಲಶಕ್ತಿ ಸಚಿವರು ಸಂಧಾನದ ಮಾತುಕತೆ ಆಡಿದಾಗ ಸಿಎಂ ಮೌನವಹಿಸಿದ್ದಾರೆ. ಅದರ ಬಗ್ಗೆ ಉತ್ತರಿಸಲಿ. ಇಲ್ಲದಿದ್ದರೆ ರಾಜೀನಾಮೆ ನೀಡಿ ಹೋಗಲಿ ಎಂದಿದ್ದರು. ಎಲ್ಲ ನಾವೇ ಮಾಡಿಕೊಳ್ಳುವ ರೀತಿ ಇದ್ದಿದ್ದರೆ, ಕೇಂದ್ರ ಸರ್ಕಾರ ಏಕೆ ಬೇಕಿತ್ತು ಎಂದು ಡಿಕೆಶಿ ಆಕ್ರೋಶ ವ್ಯಕ್ತಪಡಿಸಿದ್ದರು.