ಕನಿಷ್ಠ ವೇತನ, ಗರಿಷ್ಠ ವಿಳಂಬ ಮಾಡಿದ ಸರಕಾರ

ಬೆಂಗಳೂರು: ಹಂಗಾಮಿ ನೌಕರರಿಗೆ 13,200 ರೂ. ಕನಿಷ್ಠ ವೇತನ ನೀಡಬೇಕೆಂದು 3 ವರ್ಷದ ಹಿಂದೆಯೇ ರಾಜ್ಯಪತ್ರದಲ್ಲಿ ಪ್ರಕಟಿಸಿದ್ದರೂ ಜಾರಿ ಮಾಡಿಲ್ಲವೆಂದು ಮೇಲ್ಮನೆ ಪ್ರತಿಪಕ್ಷದ ನಾಯಕ ಕೋಟ ಶ್ರೀನಿವಾಸ ಪೂಜಾರಿ ಆಕ್ಷೇಪಿಸಿದ್ದಾರೆ.

ರೇವಣ್ಣ ಕುಮಾರ್‌ ಆತ್ಮಹತ್ಯೆ ಯತ್ನ ಪ್ರಕರಣದ ಹಿನ್ನೆಲೆಯಲ್ಲಿ ಸುದ್ದಿಗಾರರಿಗೆ ಪ್ರತಿಕ್ರಿಯಿಸಿ,''ತನ್ನ ಆದೇಶದಂತೆ ಸರಕಾರ ಕನಿಷ್ಟ ವೇತನ ನೀಡಿದ್ದರೆ ಇಂಥ ಘಟನೆ ನಡೆಯುತ್ತಿರಲಿಲ್ಲ. 6 ಸಾವಿರ ನೌಕರರಿಗೆ ಈ ಸೌಲಭ್ಯ ನೀಡಬೇಕಿದ್ದು ಸರಕಾರ 24 ಗಂಟೆಯೊಳಗೆ ಕ್ರಮ ಕೈಗೊಳ್ಳಬೇಕು,'' ಎಂದು ಒತ್ತಾಯಿಸಿದ್ದಾರೆ.