ಮಳೆ ಅವಾಂತರ ಎದುರಿಸಲು ಸರ್ಕಾರ ಸಿದ್ದ, ತಜ್ಞರ ಜೊತೆ ಆರ್‌.ಅಶೋಕ್ ಸಭೆ

ಬೆಂಗಳೂರು: ರಾಜ್ಯದಲ್ಲಿ ಮಳೆ ಅವಾಂತರವನ್ನು ಎದುರಿಸಲು ಸರ್ಕಾರ ಸಜ್ಜಾಗಿದೆ ಎಂದು ಕಂದಾಯ ಸಚಿವ ಆರ್. ಅಶೋಕ್‌ ಹೇಳಿದ್ದಾರೆ. ವಿಧಾನಸೌಧದಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು ಈ ಬಾರಿ ರಾಜ್ಯದಲ್ಲಿ ಸಾಧಾರಣ ಮಳೆಯಾಗುವ ಸಾಧ್ಯತೆ ಇದ್ದು ಮುಂಜಾಗರೂಕತಾ ಕ್ರಮವಾಗಿ ಮಳೆ ಅವಾಂತರ ಎದುರಿಸಲು ಸರ್ಕಾರ ಸಿದ್ಧತೆಳನ್ನು ಮಾಡುಕೊಳ್ಳುತ್ತಿದೆ ಎಂದರು.

ಮಳೆ ಅವಾಂತರವನ್ನು ಎದುರಿಸಲು ಕೇಂದ್ರ ಸರ್ಕಾರ ಈಗಾಗಲೇ ಮುಂಗಡವಾಗಿ ಹಣ ಬಿಡುಗಡೆ ಮಾಡಿದೆ. ಸ್ಟೇಟ್‌ ಡಿಸಾಸ್ಟರ್‌ ಮಿಟಿಗೇಷನ್ ಫಂಡ್ ಅಡಿಯಲ್ಲಿ 201.8 ಕೋಟಿ ಬಿಡುಗಡೆಗೊಳಿಸಿದೆ. ಈ ಹಣವನ್ನು ಬಳಸಿಕೊಂಡು ಮಳೆಯಿಂದ ಅವಾಂತರ ಆಗುವ ಪ್ರದೇಶಗಳಲ್ಲಿ ಮುಂಜಾಗರೂಕತಾ ಕ್ರಮಗಳನ್ನು ಕೈಗೊಳ್ಳಲಾಗುವುದು ಎಂದು ಮಾಹಿತಿ ನೀಡಿದರು.

ಬೆಂಗಳೂರು ಲಾಕ್‌ಡೌನ್‌ Live: ನಗರದಲ್ಲಿ ಐವರಿಗೆ ಕೊರೊನಾ; ಸೋಂಕಿತರ ಸಂಖ್ಯೆ 261ಕ್ಕೆ ಏರಿಕೆ

ಇದೇ ವೇಳೆ ಕಳೆದ ವರ್ಷ ಮಳೆಯಿಂದಾಗಿರುವ ಹಾನಿಯ ಕುರಿತಾಗಿ ಮಾಹಿತಿ ನೀಡಿದ ಅವರು, ಮಳೆಹಾನಿಯಾದ ಕುಟುಂಬಕ್ಕೆ ರಾಜ್ಯ ಸರ್ಕಾರ ಸ್ಪಂದಿಸಿದ್ದು 32, 482 ಮನೆ ನಿರ್ಮಾಣಕ್ಕೆ ಹಣವನ್ನು ನೀಡಲಾಗಿದೆ ಎಂದು ಮಾಹಿತಿ ನೀಡಿದರು. 32,424 ಮನೆಗಳಿಗೆ 1 ಲಕ್ಷ ರೂಪಾಯಿ ಹಣವನ್ನು ನೀಡಲಾಗಿದೆ.

11,035 ಮನೆಗಳಿಗೆ 2 ಲಕ್ಷ ಹಣವನ್ನು ನೀಡಲಾಗಿದೆ. 4,572 ಕುಟುಂಬಗಳಿಗೆ 3 ಲಕ್ಷ ಹಣವನ್ನು ನೀಡಲಾಗಿದೆ ಹಾಗೂ ಸಂಪೂರ್ಣ ಹಾನಿಗೊಂಡ 47 ಮನೆಗಳ ನಿರ್ಮಾಣಕ್ಕೆ 5 ಲಕ್ಷವನ್ನು ಸರ್ಕಾರ ನೀಡಿದೆ ಎಂದರು.