ಆ್ಯಪ್ನಗರ

ಮೈಸೂರಲ್ಲಿ ಮುಂದುವರಿದ ಕಮಲ ಕಲಹ

ರಾಜ್ಯ ಬಿಜೆಪಿ ಅಧ್ಯಕ್ಷ ಬಿ.ಎಸ್‌.ಯಡಿಯೂರಪ್ಪ ಹಾಗೂ ವಿಧಾನಪರಿಷತ್‌ ಪ್ರತಿಪಕ್ಷ ನಾಯಕ ಕೆ.ಎಸ್‌.ಈಶ್ವರಪ್ಪ ಅವರ ಬಣಗಳ ನಡುವೆ ನಡೆದಿರುವ ಕಲಹ ಮೈಸೂರಿನಲ್ಲಿ ಮುಂದುವರಿದಿದೆ.

Vijaya Karnataka Web 30 Apr 2017, 8:10 am

ಮೈಸೂರು: ರಾಜ್ಯ ಬಿಜೆಪಿ ಅಧ್ಯಕ್ಷ ಬಿ.ಎಸ್‌.ಯಡಿಯೂರಪ್ಪ ಹಾಗೂ ವಿಧಾನಪರಿಷತ್‌ ಪ್ರತಿಪಕ್ಷ ನಾಯಕ ಕೆ.ಎಸ್‌.ಈಶ್ವರಪ್ಪ ಅವರ ಬಣಗಳ ನಡುವೆ ನಡೆದಿರುವ ಕಲಹ ಮೈಸೂರಿನಲ್ಲಿ ಮುಂದುವರಿದಿದೆ.

ರಾಜ್ಯ ಬಿಜೆಪಿ ಹಿಂದುಳಿದ ವರ್ಗಗಳ ಮೋರ್ಚಾ ಅಧ್ಯಕ್ಷ ಪುಟ್ಟಸ್ವಾಮಿ ಅವರಿಗೆ ಈಶ್ವರಪ್ಪ ಬೆಂಬಲಿಗರು ಶುಕ್ರವಾರ ಮೈಸೂರಿನಲ್ಲಿ ಘೇರಾವ್‌ ಮಾಡಿದ ನಂತರ ಶನಿವಾರ ಯಡಿಯೂರಪ್ಪ ಅವರ ಬೆಂಬಲಿಗ, ವಿಧಾನಪರಿಷತ್‌ ಮಾಜಿ ಸದಸ್ಯ ಗೋ.ಮಧುಸೂದನ್‌ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.

Vijaya Karnataka Web misunderstanding in bjp pary leader in karnataka
ಮೈಸೂರಲ್ಲಿ ಮುಂದುವರಿದ ಕಮಲ ಕಲಹ


ರಾಜ್ಯ ಬಿಜೆಪಿ ಸಂಘಟನಾ ಕಾರ್ಯದರ್ಶಿ ಸಂತೋಷ್‌ ವಿರುದ್ಧ ಮಧುಸೂದನ್‌ ಮಾಡಿರುವ ಆರೋಪ ನಿರಾಧಾರ. ಈ ಕೂಡಲೇ ಮಧುಸೂದನ್‌ ಅವರು ಸಂತೋಷ್‌ ಅವರ ಕ್ಷಮೆ ಕೇಳಬೇಕೆಂದು ಈಶ್ವರಪ್ಪ ಬೆಂಬಲಿಗರಾದ ಮಾಜಿ ವಿಧಾನಪರಿಷತ್‌ ಸದಸ್ಯ ಸಿದ್ದರಾಜು ಶನಿವಾರ ಪತ್ರಿಕಾಗೋಷ್ಠಿಯಲ್ಲಿ ಆಗ್ರಹಿಸಿದರು.

'ಮಧುಸೂದನ್‌ ಅವರನ್ನು ಪರಿಷತ್‌ ಚುನಾವಣೆಗೆ ನಿಲ್ಲಿಸಿ ಗೆಲ್ಲಿಸಿದವರೇ ಸಂತೋಷ್‌. ಇದನ್ನು ಮಧುಸೂದನ್‌ ನೆನಪು ಮಾಡಿಕೊಳ್ಳಬೇಕು. ಬಿಜೆಪಿ ಸಂಘಟನೆಗೆ ಮಧುಸೂದನ್‌ ಕೊಡುಗೆ ಏನು? ದಕ್ಷಿಣ ಪದವೀಧರರ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿ ಸೋಲಿಗೆ ಮಧುಸೂದನ್‌ ಕಾರಣ, ರಾಮದಾಸ್‌ ಸೋಲಿಗೂ ಮಧುಸೂದನ್‌ ಕಾರಣವಾಗಿದ್ದಾರೆ. ಮಧುಸೂದನ್‌ ಅವರನ್ನು ಪಕ್ಷದ ವಕ್ತಾರ ಹುದ್ದೆಯಿಂದ ವಜಾಗೊಳಿಸಬೇಕು' ಎಂದು ಒತ್ತಾಯಿಸಿದರು.

'ಸಂತೋಷ್‌ ವಿರುದ್ಧ ತಪ್ಪುಗ್ರಹಿಕೆಗಳಿಂದ ಯಡಿಯೂರಪ್ಪ ಆರೋಪ ಮಾಡಿದ್ದಾರೆ. ಯಡಿಯೂರಪ್ಪ ಅವರನ್ನು ಮಧುಸೂದನ್‌ ತಪ್ಪು ದಾರಿಗೆ ಎಳೆಯುತ್ತಿದ್ದಾರೆ' ಎಂದು ಅವರು ದೂರಿದರು.

ಸಿದ್ದರಾಜು ಆರೋಪಕ್ಕೆ ಗೋ.ಮಧುಸೂದನ್‌ ತಿರುಗೇಟು ನೀಡಿದ್ದಾರೆ. ಬಿಜೆಪಿ ಸಂಘಟನೆಗೆ ತಮ್ಮ ಕೊಡುಗೆ ಏನು ಎಂಬುದು ಮೈಸೂರಿನ ಜನತೆಗೆ ಗೊತ್ತಿದೆ ಎಂದು ಹೇಳಿದ್ದಾರೆ. ಸಂತೋಷ್‌ ಹಾಗೂ ಈಶ್ವರಪ್ಪ ವಿರುದ್ಧ ತಮ್ಮ ವಾಗ್ದಾಳಿಯನ್ನು ಮಧುಸೂದನ್‌ ಮುಂದುವರಿಸಿದ್ದಾರೆ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ