ಬರಲಿದೆ ಕಲರ್‌ಫುಲ್‌ ವೋಟರ್‌ ಐಡಿ ಕಾರ್ಡ್‌: ಮೊದಲ ಬಾರಿಗೆ ಬಾರ್‌ ಕೋಡ್‌ ಬಳಕೆ!

ಸಿರಾಜ್‌ ಅಹಮದ್‌ ಕೆ.ಎ. ಕೊಡಿಗೇನಹಳ್ಳಿ

Vijaya Karnataka Web

ತುಮಕೂರು: ಚುನಾವಣಾ ಆಯೋಗವೂ ಈಗ ಕಲರ್‌ಫುಲ್‌ ಆಗುತ್ತಿದೆ. ಲ್ಯಾಮಿನೇಟೆಡ್‌ ಕಪ್ಪು ಬಿಳುಪಿನ ಮತದಾರರ ಗುರುತಿನ ಚೀಟಿಗೆ ಗುಡ್‌ ಬೈ ಹೇಳಲು ಹೊರಟಿದೆ.

ಇದರ ಜತೆಯಲ್ಲಿನಕಲಿ ಮತದಾರರ ಗುರುತಿಸಲು, ನಕಲಿ ಮತದಾನಕ್ಕೆ ಕಡಿವಾಣ ಹಾಕಲು ಬಾರ್‌ ಕೋಟ್‌ ವ್ಯವಸ್ಥೆ ಪ್ರಯೋಗಕ್ಕೂ ಚುನಾವಣೆ ಆಯೋಗ ಮುಂದಾಗಿದೆ.

ವೋಟರ್‌ ಐಡಿಗಳಿಗೆ ಸ್ಮಾರ್ಟ್‌ ಕಾರ್ಡ್‌ ಸ್ಪರ್ಶ ನೀಡಿದೆ. ಎಟಿಎಂ ಕಾರ್ಡ್‌ ರೀತಿಯಲ್ಲಿಮತದಾರರ ಚೀಟಿ ಹಾಗೂ ವಿಶೇಷವಾಗಿ ಬಾರ್‌ಕೋಡ್‌ ಹೊಂದಿರುವುದು ವರ್ಣಮಯ ಗುರುತಿನ ಚೀಟಿ ವಿತರಿಸಲು ಆಯೋಗವು ಸಕಲ ಸಿದ್ಧತೆ ಮಾಡಿಕೊಂಡಿದೆ.

ಆಯೋಗದ ಹೊಸ ಕ್ರಮದಿಂದ ನಕಲಿ ಮತದಾನ ಇಳಿಮುಖವಾಗಲಿದೆ. ನಮ್ಮ ಮತ ಯಾರೋ ಹಾಕಿದ್ದಾರೆಂದು ಪ್ರತಿ ಚುನಾವಣೆಯಲ್ಲಿಕೇಳಿ ಬರುವ ದೂರುಗಳಿಗೂ ಪರಿಹಾರ ದೊರಕಿಲಿದೆ ಎಂಬ ವಿಶ್ವಾಸ ಮತದಾರರಲ್ಲಿಮೂಡಿದೆ.

ಆಯೋಗ ನೀಡುವ ಗುರುತಿನ ಚೀಟಿಯಲ್ಲಿನ ಭಾವಚಿತ್ರಗಳು ಸ್ಪಷ್ಟವಾಗಿ ಕಾಣಿಸದೇ ಇರುವುದೂ ಸೇರಿದಂತೆ ಅಸ್ಪಷ್ಟವಾದ ಮಾಹಿತಿಗಳು ಈ ರೀತಿಯ ಅವಕಾಶಗಳಿಗೆ ದಾರಿ ಮಾಡಿಕೊಡುತ್ತವೆ. ಏಕೆಂದರೆ, ಆಯೋಗ ನೀಡುವ ಕಪ್ಪು ಬಿಳುಪಿನ ಗುರುತಿನ ಚೀಟಿಯಲ್ಲಿಮುದ್ರಣ ದೋಷಗಳೇ ಹೆಚ್ಚು. ನೂತನ ಎಪಿಕ್‌ ಕಾರ್ಡ್‌ ಆಕರ್ಷಣೀಯವಾಗಿದ್ದು, ಆಧಾರ್‌ ಕಾರ್ಡ್‌ನಂತೆ ಯೂನಿಕ್‌ ಕಾರ್ಡ್‌ ಆಗಿ ರೂಪಿಸಲಾಗಿದೆ. ಇದೀಗ ಕೇವಲ ಬಾರ್‌ ಕೋಡ್‌ ಸ್ಕಾತ್ರ್ಯನ್‌ ಮಾಡಿದರೆ ಕ್ಷಣದಲ್ಲೇ ಮತದಾರ ಅಸಲಿಯೋ ಅಥವಾ ನಕಲಿಯೋ ಎಂಬ ಮಾಹಿತಿಯೂ ಲಭ್ಯವಾಗಲಿದೆ. ಕಳೆದ ವರ್ಷ ಹೈಬ್ರೀಡ್‌ ಆ್ಯಪ್‌ ಮೂಲಕ ಜಿಪಿಎಸ್‌ ಸಹಾಯದೊಂದಿಗೆ ಪ್ರತಿಯೊಬ್ಬ ಮತದಾರನ ಆಧಾರ್‌ ಮತ್ತು ಸ್ಥಳದ ಮಾಹಿತಿ ಸಂಗ್ರಹಿಸಲಾಗಿತ್ತು.

ಕಾರ್ಡ್‌ ಮಾದರಿ

ಮುಂಭಾಗ

• *ಬಾರ್‌ ಕೋಡ್‌
• *ಮತದಾರನ ಫೋಟೊ
• *ತಂದೆಯ ಹೆಸರು

ಹಿಂಭಾಗ

• * ವ್ಯಕ್ತಿಯ ವಿಳಾಸ
• *ವಯಸ್ಸು

"ಆಯೋಗವು ಎಪಿಕ್‌ ಕಾರ್ಡ್‌ನ್ನು ಯೂನಿಕ್‌ ಕಾರ್ಡ್‌ನಂತೆ ತಯಾರಿಸಿದೆ. ಇದು ಪಾರದರ್ಶಕವಾಗಿರಲಿದ್ದು, ಹೆಚ್ಚು ಆಕರ್ಷಣೀಯವಾಗಿ ರೂಪಿಸಿದೆ. ಈ ಹಿಂದೆ ಬೆಂಗಳೂರಿನ ಆರ್‌ಆರ್‌ ನಗರದಲ್ಲಿಲಕ್ಷ ಲಕ್ಷ ನಕಲಿ ಮತದಾರರ ಗುರುತಿನ ಚೀಟಿಗಳು ಪತ್ತೆಯಾಗಿದ್ದವು. ಹಾಗಾಗಿ, ಪಾರದರ್ಶಕತೆ ಮತ್ತು ತಾಂತ್ರಿಕ ಬೆಳವಣಿಗೆಯೊಂದಿಗೆ ಬಾರ್‌ ಕೋಡ್‌ ಎಪಿಕ್‌ ಕಾರ್ಡ್‌ ಅನ್ನು ದೇಶಾದ್ಯಂತ ಜಾರಿಗೆ ತರಲಾಗಿದೆ."
- ಎಲ್‌.ಎಂ. ನಂದೀಶ್‌. ತಹಸೀಲ್ದಾರ್‌, ಮಧುಗಿರಿ.