ಸರಕಾರದ ಆಕ್ಷೇಪಣಾ ಪತ್ರ ನೈಸ್‌ ಕಂಪನಿಗೆ ಪೂರಕ

ಬೆಂಗಳೂರು: ನೈಸ್‌ ಕಂಪನಿಯ ಅಕ್ರಮ ಭೂ ಕಬಳಿಕೆ ಸಂಬಂಧ ಸುಪ್ರೀಂಕೋರ್ಟ್‌ನ ನ್ಯಾಯಪೀಠಕ್ಕೆ ಸರಕಾರ ಸಲ್ಲಿಸಿರುವ ಹೆಚ್ಚುವರಿ ಆಕ್ಷೇಪಣಾ ಪತ್ರ ಕಂಪನಿಗೆ ಸಹಾಯಕವಾದಂತಿದೆ ಎಂದು ಸಾಮಾಜಿಕ ಕಾರ್ಯಕರ್ತ ಟಿ.ಜೆ.ಅಬ್ರಹಂ ಆರೋಪಿಸಿದರು.

''ಸರಕಾರದ ಆರೋಪಕ್ಕೆ ಸಂಬಂಧಿಸಿದಂತೆ 12 ಅಂಶಗಳಿಗೆ ಉತ್ತರಿಸಿರುವಂತೆ ನೈಸ್‌ ಸಂಸ್ಥೆಗೆ ಸುಪ್ರೀಕೋರ್ಟ್‌ ಸೂಚನೆ ನೀಡಿತ್ತು. ಈ ಮಧ್ಯೆ (ಸೆ. 5ರಂದು) ರಾಜ್ಯ ಸರಕಾರ ಹೆಚ್ಚುವರಿ ಆಕ್ಷೇಪಣೆ ಸಲ್ಲಿಸಿದ್ದು, ಅದು ನೈಸ್‌ ಸಂಸ್ಥೆಗೆ ಪೂರಕವಾದಂತಿದೆ,'' ಎಂದು ಪತ್ರಿಕಾಗೋಷ್ಠಿಯಲ್ಲಿ ಶನಿವಾರ ದೂರಿದರು.

''ಹೆಚ್ಚುವರಿ ಆಕ್ಷೇಪಣೆ ಸಲ್ಲಿಸುವಂತೆ ಸುಪ್ರೀಂಕೋರ್ಟ್‌ನಿಂದ ರಾಜ್ಯ ಸರಕಾರಕ್ಕೆ ಯಾವುದೇ ಸೂಚನೆ ಇರಲಿಲ್ಲ. ಆದರೂ, ಸ್ವಯಂ ಪ್ರೇರಿತವಾಗಿ ರಾಜ್ಯ ಅಡ್ವೋಕೇಟ್‌ ಜನರಲ್‌ ಮುಖಾಂತರ ಹೆಚ್ಚುವರಿ ಆಕ್ಷೇಪಣೆ ಸಲ್ಲಿಸಲಾಗಿದೆ,'' ಎಂದರು.