ಕುಡುಕರಿಗೂ, ಸಿದ್ದರಾಮಯ್ಯರಿಗೂ ವ್ಯತ್ಯಾಸ ಇಲ್ಲ

ಶಿವಮೊಗ್ಗ : ಪಕ್ಷದ ಶಾಸಕರನ್ನು ತಮ್ಮ ಹಿಡಿತದಲ್ಲಿ ಇಟ್ಟುಕೊಳ್ಳಲು ಆಗಲ್ಲ ಎಂದ ಮೇಲೆ ಸಮನ್ವಯ ಸಮಿತಿ ಅಧ್ಯಕ್ಷ ಸ್ಥಾನಕ್ಕೆ ಸಿದ್ದರಾಮಯ್ಯ ರಾಜೀನಾಮೆ ನೀಡಲಿ ಎಂದು ಕೆ.ಎಸ್‌.ಈಶ್ವರಪ್ಪ ಕುಟುಕಿದ್ದಾರೆ.

ಸುದ್ದಿಗೋಷ್ಠಿಯಲ್ಲಿ ಸೋಮವಾರ ಮಾತನಾಡಿದ ಅವರು,''ರಾಜ್ಯ ಸರಕಾರ ಕಲಾಸಿಪಾಳ್ಯ ಸರಕಾರವಾಗಿದೆ. ಕುಡಿದು ಅವರ ಶಾಸಕರೇ ಹೊಡೆದಾಡಿಕೊಳ್ಳುತ್ತಿದ್ದಾರೆ. ಇತ್ತ ಸಿದ್ದರಾಮಯ್ಯ ಅವರು ಬಾಯಿಗೆ ಬಂದಂತೆ ಮಾತನಾಡುತ್ತಿದ್ದಾರೆ. ಅವರಿಗೂ ಕುಡುಕರಿಗೂ ಏನೂ ವ್ಯತ್ಯಾಸ ಇಲ್ಲ,''ಎಂದು ಲೇವಡಿ ಮಾಡಿದರು.

ಸಿದ್ದರಾಮಯ್ಯ ಮತ್ತೊಂದು ಮದ್ವೆ ಆಗ್ತಿದ್ದಾರೆ !

''ಬಿ.ಎಸ್‌.ಯಡಿಯೂರಪ್ಪ ವಿರುದ್ಧ ಮಾತನಾಡುವಾಗ ಸಿದ್ದರಾಮಯ್ಯ ಅವರು ಎಚ್ಚರಿಕೆಯಿಂದ ಮಾತನಾಡಬೇಕು. ವಯಸ್ಸಾದರೂ ಬುದ್ಧಿಬಂದಿಲ್ಲ , ರೆಸಾರ್ಟ್‌ ಸಂಸ್ಕೃತಿ, ಸುಳ್ಳಿನ ಸರಕಾರ ಎಂದೆಲ್ಲ ಬಾಯಿಗೆ ಬಂದಂತೆ ಮಾತನಾಡುವುದನ್ನು ಬಿಡಬೇಕು. ಯಡಿಯೂರಪ್ಪರಿಗೆ ವಯಸ್ಸಾಗಿದೆ. ಆದರೆ, ಸಿದ್ದರಾಮಯ್ಯರಿಗೆ ಇನ್ನೂ ವಯಸ್ಸಾಗಿಲ್ಲ. ಅವರ ಮಕ್ಕಳು ಅವರಿಗೆ ಇನ್ನೊಂದು ಮದ್ವೆ ಮಾಡಲು ಹೆಣ್ಣು ಹುಡುಕುತ್ತಿದ್ದಾರೆ,'' ಎಂದು ವ್ಯಂಗ್ಯವಾಡಿದರು.