ಬೆಂಗಳೂರು: ಗುಜರಾತ್ ಚುನಾವಣೆಗೆ ತೆರೆ ಬಿದ್ದಿರುವ ಹಿನ್ನೆಲೆಯಲ್ಲಿ ಬಿಜೆಪಿ ವರಿಷ್ಠರು ಕರ್ನಾಟಕದತ್ತ ಮುಖ ಮಾಡುವುದು ಖಚಿತವಾಗಿದೆ.
ಮತದಾನೋತ್ತರ ಸಮೀಕ್ಷೆಗಳ ಪ್ರಕಾರ ಗುಜರಾತ್‌ನಲ್ಲಿ ಪುನಃ ಬಿಜೆಪಿ ಅಧಿಕಾರಕ್ಕೆ ಬರಲಿದೆ. ಅದರಂತೆ ಬಿಜೆಪಿ ಗೆಲುವು ದಾಖಲಿಸಿದರೆ ಅಲ್ಲಿನ ಸರಕಾರ ರಚನೆಗೆ ಹೆಚ್ಚು ಸಮಯ ಹಿಡಿಯಲಾರದು. ಈ ಲೆಕ್ಕಾಚಾರದಂತೆ ನಡೆದರೆ ಮುಂದಿನ ವಾರದಿಂದಲೇ ಹೈಕಮಾಂಡ್ ನಿಯೋಜಿತ 'ಟಾಸ್ಕ್‌ ಮಾಸ್ಟರ್‌'ಗಳು ರಾಜ್ಯ ಬಿಜೆಪಿಗೆ ಕ್ಲಾಸ್‌ ತೆಗೆದುಕೊಳ್ಳುವ ನಿರೀಕ್ಷೆಯಿದೆ.
ಟಫ್‌ ಟಾಸ್ಕ್‌
ನರೇಂದ್ರ ಮೋದಿ ಮತ್ತು ಅಮಿತ್‌ ಶಾ ಜೋಡಿ ಕರ್ನಾಟಕ ಚುನಾವಣೆಯನ್ನು ಈಗಾಗಲೇ ಗಂಭೀರವಾಗಿ ಪರಿಗಣಿಸಿದೆ. ಇತ್ತೀಚೆಗೆ ಮೂರು ಬಾರಿ ರಾಜ್ಯಕ್ಕೆ ಭೇಟಿ ನೀಡಿದ್ದ ಪ್ರಧಾನಿ ಮೋದಿ ಹಲವು ಕಾರ್ಯಕ್ರಮಗಳಲ್ಲಿ ಭಾಗಿಯಾಗಿದ್ದರು. ಹಳೆ ಮೈಸೂರು ಪ್ರಾಂತ್ಯದಲ್ಲಿ ಕಮಲ ಅರಳಿಸಲು ವಿಶೇಷ ಲಕ್ಷ್ಯ ಕೊಡಬೇಕು ಎಂಬ ಆಲೋಚನೆಯೂ ಹೈಕಮಾಂಡ್‌ನಲ್ಲಿದೆ.
ಹಾಗಾಗಿ ಮೋದಿ ಕಾರ್ಯಕ್ರಮಗಳಲ್ಲಿಈ ಭಾಗದಲ್ಲೇ ಹೆಚ್ಚಾಗಿ ನಡೆದಿದ್ದವು. ಇನ್ನು ಉತ್ತರ ಕರ್ನಾಟಕ, ಕರಾವಳಿ-ಮಲೆನಾಡು ಇನ್ನಿತರ ಭಾಗದಲ್ಲೂ ಸಂಘಟನೆಗೆ ಇನ್ನಷ್ಟು ಶಕ್ತಿ ತುಂಬುವ ಕಾರ್ಯ ನಡೆಯುತ್ತಿದೆ. ಸಿಎಂ ಬಸವರಾಜ ಬೊಮ್ಮಾಯಿ, ಮಾಜಿ ಸಿಎಂ ಬಿ.ಎಸ್‌.ಯಡಿಯೂರಪ್ಪ ನೇತೃತ್ವದ ಜನ ಸಂಕಲ್ಪ ಯಾತ್ರೆ ಈ ನಿಟ್ಟಿನಲ್ಲಿಒಂದು ವಾತಾವರಣ ನಿರ್ಮಿಸುತ್ತಿದೆ. ಇದರ ಮುಂದುವರಿದ ಭಾಗವಾಗಿ ಗುಜರಾತ್ ಫಲಿತಾಂಶದ ಬಳಿಕ ಇನ್ನಷ್ಟು ಜನಾಕರ್ಷಣೆಯ ಸಮಾವೇಶಗಳು ನಡೆಯಲಿವೆ. ಪ್ರಮುಖವಾಗಿ ಮೋದಿ, ಅಮಿತ್‌ ಶಾ ಅವರೇ ಬಿಗಿ ಟಾಸ್ಕ್‌ ನೀಡಲಿದ್ದಾರೆ ಎಂದು ಹೇಳಲಾಗುತ್ತಿದೆ.
ಭಾರಿ ನಿರೀಕ್ಷೆ
ಹೈಕಮಾಂಡ್ ನಿರ್ದೇಶಿತ ಚುನಾವಣಾ ರಣತಂತ್ರದ ಬಗ್ಗೆ ರಾಜ್ಯ ಬಿಜೆಪಿ ವಲಯದಲ್ಲೆ ನಾನಾ ರೀತಿಯ ಚರ್ಚೆಯಾಗುತ್ತಿದೆ. ಮುಖ್ಯವಾಗಿ ಹೈಕಮಾಂಡ್ ಎಲ್ಲವನ್ನೂ ಸರಿ ಮಾಡಿ ಬಿಡುತ್ತದೆ. ಗೆಲುವಿನ ಸೂತ್ರವನ್ನು ವರಿಷ್ಠರೇ ಸಿದ್ಧ ಪಡಿಸುತ್ತಾರೆ. ಅದರಂತೆ ಕಾರ್ಯ ನಿರ್ವಹಿಸಿದರೆ ಪಕ್ಷ ಪುನಃ ಅಧಿಕಾರಕ್ಕೆ ಬರುವುದು ನಿಶ್ಚಿತ. ಈ ಬಾರಿ ಸುಲಭವಾಗಿ ಸರಳ ಬಹುಮತದ ಗಡಿ ದಾಟಬಹುದು ಎಂದು ಪಕ್ಷದ ಮುಖಂಡರೇ ಹೇಳುತ್ತಾರೆ.
ಆದರೆ ಹೈಕಮಾಂಡ್‌ನದು ಯಾವ ರೀತಿಯ ತಂತ್ರಗಾರಿಕೆ, ಯಾವೆಲ್ಲ ಟಾಸ್ಕ್‌ ನೀಡಬಹುದು ಎಂಬುದರ ಬಗ್ಗೆ ರಾಜ್ಯ ಬಿಜೆಪಿಯ ಪ್ರಮುಖರಿಗೇ ಮಾಹಿತಿಯಿಲ್ಲ. ಡಿಸೆಂಬರ್‌ 8ರ ಬಳಿಕವೇ ಈ ಕುರಿತ ಸ್ಪಷ್ಟ ಚಿತ್ರಣ ದೊರಕುವ ನಿರೀಕ್ಷೆಯಿದೆ.
ಮತದಾನೋತ್ತರ ಸಮೀಕ್ಷೆಗಳ ಪ್ರಕಾರ ಗುಜರಾತ್‌ನಲ್ಲಿ ಪುನಃ ಬಿಜೆಪಿ ಅಧಿಕಾರಕ್ಕೆ ಬರಲಿದೆ. ಅದರಂತೆ ಬಿಜೆಪಿ ಗೆಲುವು ದಾಖಲಿಸಿದರೆ ಅಲ್ಲಿನ ಸರಕಾರ ರಚನೆಗೆ ಹೆಚ್ಚು ಸಮಯ ಹಿಡಿಯಲಾರದು. ಈ ಲೆಕ್ಕಾಚಾರದಂತೆ ನಡೆದರೆ ಮುಂದಿನ ವಾರದಿಂದಲೇ ಹೈಕಮಾಂಡ್ ನಿಯೋಜಿತ 'ಟಾಸ್ಕ್‌ ಮಾಸ್ಟರ್‌'ಗಳು ರಾಜ್ಯ ಬಿಜೆಪಿಗೆ ಕ್ಲಾಸ್‌ ತೆಗೆದುಕೊಳ್ಳುವ ನಿರೀಕ್ಷೆಯಿದೆ.
ಟಫ್‌ ಟಾಸ್ಕ್‌
ನರೇಂದ್ರ ಮೋದಿ ಮತ್ತು ಅಮಿತ್‌ ಶಾ ಜೋಡಿ ಕರ್ನಾಟಕ ಚುನಾವಣೆಯನ್ನು ಈಗಾಗಲೇ ಗಂಭೀರವಾಗಿ ಪರಿಗಣಿಸಿದೆ. ಇತ್ತೀಚೆಗೆ ಮೂರು ಬಾರಿ ರಾಜ್ಯಕ್ಕೆ ಭೇಟಿ ನೀಡಿದ್ದ ಪ್ರಧಾನಿ ಮೋದಿ ಹಲವು ಕಾರ್ಯಕ್ರಮಗಳಲ್ಲಿ ಭಾಗಿಯಾಗಿದ್ದರು. ಹಳೆ ಮೈಸೂರು ಪ್ರಾಂತ್ಯದಲ್ಲಿ ಕಮಲ ಅರಳಿಸಲು ವಿಶೇಷ ಲಕ್ಷ್ಯ ಕೊಡಬೇಕು ಎಂಬ ಆಲೋಚನೆಯೂ ಹೈಕಮಾಂಡ್‌ನಲ್ಲಿದೆ.
ಹಾಗಾಗಿ ಮೋದಿ ಕಾರ್ಯಕ್ರಮಗಳಲ್ಲಿಈ ಭಾಗದಲ್ಲೇ ಹೆಚ್ಚಾಗಿ ನಡೆದಿದ್ದವು. ಇನ್ನು ಉತ್ತರ ಕರ್ನಾಟಕ, ಕರಾವಳಿ-ಮಲೆನಾಡು ಇನ್ನಿತರ ಭಾಗದಲ್ಲೂ ಸಂಘಟನೆಗೆ ಇನ್ನಷ್ಟು ಶಕ್ತಿ ತುಂಬುವ ಕಾರ್ಯ ನಡೆಯುತ್ತಿದೆ. ಸಿಎಂ ಬಸವರಾಜ ಬೊಮ್ಮಾಯಿ, ಮಾಜಿ ಸಿಎಂ ಬಿ.ಎಸ್‌.ಯಡಿಯೂರಪ್ಪ ನೇತೃತ್ವದ ಜನ ಸಂಕಲ್ಪ ಯಾತ್ರೆ ಈ ನಿಟ್ಟಿನಲ್ಲಿಒಂದು ವಾತಾವರಣ ನಿರ್ಮಿಸುತ್ತಿದೆ. ಇದರ ಮುಂದುವರಿದ ಭಾಗವಾಗಿ ಗುಜರಾತ್ ಫಲಿತಾಂಶದ ಬಳಿಕ ಇನ್ನಷ್ಟು ಜನಾಕರ್ಷಣೆಯ ಸಮಾವೇಶಗಳು ನಡೆಯಲಿವೆ. ಪ್ರಮುಖವಾಗಿ ಮೋದಿ, ಅಮಿತ್‌ ಶಾ ಅವರೇ ಬಿಗಿ ಟಾಸ್ಕ್‌ ನೀಡಲಿದ್ದಾರೆ ಎಂದು ಹೇಳಲಾಗುತ್ತಿದೆ.
ಭಾರಿ ನಿರೀಕ್ಷೆ
ಹೈಕಮಾಂಡ್ ನಿರ್ದೇಶಿತ ಚುನಾವಣಾ ರಣತಂತ್ರದ ಬಗ್ಗೆ ರಾಜ್ಯ ಬಿಜೆಪಿ ವಲಯದಲ್ಲೆ ನಾನಾ ರೀತಿಯ ಚರ್ಚೆಯಾಗುತ್ತಿದೆ. ಮುಖ್ಯವಾಗಿ ಹೈಕಮಾಂಡ್ ಎಲ್ಲವನ್ನೂ ಸರಿ ಮಾಡಿ ಬಿಡುತ್ತದೆ. ಗೆಲುವಿನ ಸೂತ್ರವನ್ನು ವರಿಷ್ಠರೇ ಸಿದ್ಧ ಪಡಿಸುತ್ತಾರೆ. ಅದರಂತೆ ಕಾರ್ಯ ನಿರ್ವಹಿಸಿದರೆ ಪಕ್ಷ ಪುನಃ ಅಧಿಕಾರಕ್ಕೆ ಬರುವುದು ನಿಶ್ಚಿತ. ಈ ಬಾರಿ ಸುಲಭವಾಗಿ ಸರಳ ಬಹುಮತದ ಗಡಿ ದಾಟಬಹುದು ಎಂದು ಪಕ್ಷದ ಮುಖಂಡರೇ ಹೇಳುತ್ತಾರೆ.
ಆದರೆ ಹೈಕಮಾಂಡ್‌ನದು ಯಾವ ರೀತಿಯ ತಂತ್ರಗಾರಿಕೆ, ಯಾವೆಲ್ಲ ಟಾಸ್ಕ್‌ ನೀಡಬಹುದು ಎಂಬುದರ ಬಗ್ಗೆ ರಾಜ್ಯ ಬಿಜೆಪಿಯ ಪ್ರಮುಖರಿಗೇ ಮಾಹಿತಿಯಿಲ್ಲ. ಡಿಸೆಂಬರ್‌ 8ರ ಬಳಿಕವೇ ಈ ಕುರಿತ ಸ್ಪಷ್ಟ ಚಿತ್ರಣ ದೊರಕುವ ನಿರೀಕ್ಷೆಯಿದೆ.