ಬೆಂಗಳೂರು: ಒಂದೆರಡು ದಿನಗಳಲ್ಲಿ ಅಭ್ಯರ್ಥಿಗಳ ಪಟ್ಟಿ ಬಿಡುಗಡೆ ಮಾಡಲಾಗುವುದು ಎಂದು ಆಲ್ ಇಂಡಿಯಾ ಮಹಿಳಾ ಎಂಪವರ್ಮೆಂಟ್ ಪಾರ್ಟಿ (ಎಂಇಪಿ) ಅಧ್ಯಕ್ಷೆ ಡಾ.ನೌಹೀರಾ ಶೇಕ್ ಹೇಳಿದ್ದಾರೆ.
ನಗರದಲ್ಲಿ ಶುಕ್ರವಾರ ನರ್ಸ್ ಜಯಲಕ್ಷ್ಮಿ ಅವರನ್ನು ಪಕ್ಷಕ್ಕೆ ಸೇರ್ಪಡೆ ಮಾಡಿಕೊಂಡ ಬಳಿಕ ಮಾತನಾಡಿದ ಅವರು ''ರಾಜ್ಯದ ಎಲ್ಲ 224 ಕ್ಷೇತ್ರಗಳಲ್ಲೂ ಎಂಇಪಿ ಸ್ಪರ್ಧೆ ಮಾಡಲಿದ್ದು, ಈ ಪೈಕಿ ಶೇ.35 ಕ್ಷೇತ್ರಗಳಲ್ಲಿ ಮಹಿಳೆಯರನ್ನು ಪಕ್ಷದ ಅಭ್ಯರ್ಥಿಗಳಾಗಿ ಕಣಕ್ಕಿಳಿಸಲಾಗುವುದು,'' ಎಂದು ತಿಳಿಸಿದರು.
''ಬೇರೆ ಪಕ್ಷಗಳ ನಾಯಕರೂ ಎಂಇಪಿ ಸೇರ್ಪಡೆಗೆ ಆಸಕ್ತಿ ವಹಿಸಿ ಸಂಪರ್ಕಿಸುತ್ತಿದ್ದಾರೆ. ರಾಜ್ಯದಲ್ಲಿನ ಕುಡಿಯುವ ನೀರಿನ ಸಮಸ್ಯೆ, ನಿರುದ್ಯೋಗ ನಿವಾರಣೆ ಪಕ್ಷದ ಆದ್ಯತೆಗಳಾಗಿವೆ,'' ಎಂದರು.
ನರ್ಸ್ ಜಯಲಕ್ಷ್ಮಿ ಮಾತನಾಡಿ ''ನೌಹೀರಾ ಶೇಕ್ ಅವರ ಸಾಮಾಜಿಕ ಕಾಳಜಿ ಹಾಗೂ ಬದ್ಧತೆಯನ್ನು ಮೆಚ್ಚಿ ಎಂಇಪಿ ಸೇರಿದ್ದೇನೆ. ಚುನಾವಣೆಗೆ ಸ್ಪರ್ಧೆ ಮಾಡುತ್ತೇನೆ. ಕ್ಷೇತ್ರದ ಹೆಸರನ್ನು ಸದ್ಯದಲ್ಲೇ ಪ್ರಕಟಿಸುತ್ತೇನೆ,'' ಎಂದು ಹೇಳಿದರು.
ನಗರದಲ್ಲಿ ಶುಕ್ರವಾರ ನರ್ಸ್ ಜಯಲಕ್ಷ್ಮಿ ಅವರನ್ನು ಪಕ್ಷಕ್ಕೆ ಸೇರ್ಪಡೆ ಮಾಡಿಕೊಂಡ ಬಳಿಕ ಮಾತನಾಡಿದ ಅವರು ''ರಾಜ್ಯದ ಎಲ್ಲ 224 ಕ್ಷೇತ್ರಗಳಲ್ಲೂ ಎಂಇಪಿ ಸ್ಪರ್ಧೆ ಮಾಡಲಿದ್ದು, ಈ ಪೈಕಿ ಶೇ.35 ಕ್ಷೇತ್ರಗಳಲ್ಲಿ ಮಹಿಳೆಯರನ್ನು ಪಕ್ಷದ ಅಭ್ಯರ್ಥಿಗಳಾಗಿ ಕಣಕ್ಕಿಳಿಸಲಾಗುವುದು,'' ಎಂದು ತಿಳಿಸಿದರು.
''ಬೇರೆ ಪಕ್ಷಗಳ ನಾಯಕರೂ ಎಂಇಪಿ ಸೇರ್ಪಡೆಗೆ ಆಸಕ್ತಿ ವಹಿಸಿ ಸಂಪರ್ಕಿಸುತ್ತಿದ್ದಾರೆ. ರಾಜ್ಯದಲ್ಲಿನ ಕುಡಿಯುವ ನೀರಿನ ಸಮಸ್ಯೆ, ನಿರುದ್ಯೋಗ ನಿವಾರಣೆ ಪಕ್ಷದ ಆದ್ಯತೆಗಳಾಗಿವೆ,'' ಎಂದರು.
ನರ್ಸ್ ಜಯಲಕ್ಷ್ಮಿ ಮಾತನಾಡಿ ''ನೌಹೀರಾ ಶೇಕ್ ಅವರ ಸಾಮಾಜಿಕ ಕಾಳಜಿ ಹಾಗೂ ಬದ್ಧತೆಯನ್ನು ಮೆಚ್ಚಿ ಎಂಇಪಿ ಸೇರಿದ್ದೇನೆ. ಚುನಾವಣೆಗೆ ಸ್ಪರ್ಧೆ ಮಾಡುತ್ತೇನೆ. ಕ್ಷೇತ್ರದ ಹೆಸರನ್ನು ಸದ್ಯದಲ್ಲೇ ಪ್ರಕಟಿಸುತ್ತೇನೆ,'' ಎಂದು ಹೇಳಿದರು.