ಆಪರೇಷನ್‌ ಕಲಿಗಳು ದೂರ

ಬೆಂಗಳೂರು : ಒಂದೆಡೆ ಅನರ್ಹ ಶಾಸಕರ ವಿಚಾರದಲ್ಲಿಬಿಜೆಪಿ ತಲೆಕೆಡಿಸಿಕೊಂಡಿದ್ದರೆ ಇನ್ನೊಂದೆಡೆ ಆಪರೇಷನ್‌ ಕಮಲದ ರೂವಾರಿಗಳು ಮಾತ್ರ ಈ ಎಲ್ಲಬೆಳವಣಿಗೆಗಳಿಂದ ಅಂತರ ಕಾಯ್ದುಕೊಂಡಿದ್ದಾರೆ.

ಆಪರೇಷನ್‌ ಕಮಲ ಸಂದರ್ಭದಲ್ಲಿಮುಂಚೂಣಿಯಲ್ಲಿದ್ದ ಮಾಜಿ ಸಚಿವರಾದ ಅರವಿಂದ ಲಿಂಬಾವಳಿ, ಸಿ.ಪಿ.ಯೋಗೀಶ್ವರ್‌ ಹಾಗೂ ಸಿಎಂ ಬಿಎಸ್‌ವೈ ಆಪ್ತ ಸಹಾಯಕ ಎನ್‌.ಆರ್‌.ಸಂತೋಷ್‌ ಈಗಿನ ಬೆಳವಣಿಗೆಗಳಿಂದ ಅಂತರ ಕಾಯ್ದುಕೊಂಡಿದ್ದಾರೆ. ಸರಕಾರ ಬಂದ ನಂತರ ತಮ್ಮನ್ನು ನಿರ್ಲಕ್ಷಿಸಲಾಗಿದೆ ಎಂಬ ಕಾರಣಕ್ಕೆ ಈ ಮೂವರು ಮುನಿಸಿಕೊಂಡಿದ್ದಾರೆ ಎನ್ನಲಾಗಿದೆ.

ಚುನಾವಣೆ ನಿಗದಿಯಾಗುತ್ತಿದ್ದಂತೆ ಕೆಲ ಅನರ್ಹ ಶಾಸಕರು ಅರವಿಂದ ಲಿಂಬಾವಳಿ ಅವರನ್ನು ಸಂಪರ್ಕಿಸಿದ್ದರೂ ನಿರೀಕ್ಷಿತ ಪ್ರತಿಕ್ರಿಯೆ ಲಭಿಸಿಲ್ಲ. ಲಿಂಬಾವಳಿ ಹಾಗೂ ಯೋಗೀಶ್ವರ ಬಿಎಸ್‌ವೈ ಜತೆ ದಿಲ್ಲಿಗೆ ತೆರಳಿಲ್ಲ. ಭಾನುವಾರ ಅರಮನೆ ಮೈದಾನದಲ್ಲಿನಡೆದ ಕಾರ್ಯಕ್ರಮದಲ್ಲಿಭಾಗಿಯಾಗಿದ್ದ ಲಿಂಬಾವಳಿ ಮಾಧ್ಯಮದ ಜತೆಗೂ ಮಾತನಾಡಿಲ್ಲ.