ಬಾಪು ಚಿತ್ರ ಬಳಕೆಗೆ ಕೋರ್ಟ್‌ಗಳಿಗೆ ಆದೇಶ

ಬೆಂಗಳೂರು: ದೇಶಾದ್ಯಂತ ರಾಷ್ಟ್ರಪಿತ ಮಹಾತ್ಮಾಗಾಂಧಿಜಿ ಅವರ 150 ನೇ ಜನ್ಮ ದಿನ ಆಚರಣೆ ಹಿನ್ನೆಲೆಯಲ್ಲಿ ಹೈಕೋರ್ಟ್‌ ತನ್ನೆಲ್ಲಾ ವೆಬ್‌ಸೈಟ್‌, ಇ-ಮೇಲ್‌, ಕ್ಯಾಲೆಂಡರ್‌, ಡೈರಿ, ಜಾಹೀರಾತು ಹಾಗೂ ಮುದ್ರಣ ಸಾಮಗ್ರಿಗಳ ಮೇಲೆ ಗಾಂಧಿಜಿ ಭಾವಚಿತ್ರದ ಲೋಗೋ ಬಳಸುವಂತೆ ಆದೇಶ ನೀಡಿದೆ.

ಎರಡು ವರ್ಷಗಳ ಕಾಲ ಅಂದರೆ 2020ರ ಅ.2ರವರೆಗೆ ಎಲ್ಲ ಬಗೆಯ ಜಾಹೀರಾತು ಮತ್ತಿತರ ಮುದ್ರಿತ ಕಾಗದ ಪತ್ರಗಳ ಮೇಲೆ ಗಾಂಧೀಜಿ ಚಿತ್ರದ ಲೋಗೋ ಕಡ್ಡಾಯವಾಗಿ ಬಳಕೆ ಮಾಡಲೇಬೇಕು ಎಂದು ಹೈಕೋರ್ಟ್‌ನ ರಿಜಿಸ್ಟ್ರಾರ್‌ ಜನರಲ್‌ ಆದೇಶ ನೀಡಿದ್ದಾರೆ.

ಕೇಂದ್ರ ಸರಕಾರದ ಸೂಚನೆಯಂತೆ ಈ ಆದೇಶ ಹೊರಡಿಸಲಾಗಿದೆ. ಅದನ್ನು ಎಲ್ಲ ಅಧೀನ ನ್ಯಾಯಾಲಯಗಳು ಚಾಚೂ ತಪ್ಪದೆ ಪಾಲಿಸಬೇಕು ಎಂದು ಸೂಚಿಸಲಾಗಿದೆ.