ಬೆಳಗಾವಿಯಲ್ಲಿ ಮತ್ತೆ ಉದ್ಧಟತನ: ಪಾಕಿಸ್ತಾನ ಪರ ಹಾಡು ಬಳಕೆ

ಬೆಳಗಾವಿ: ಬೆಳಗಾವಿಯಲ್ಲಿ ಮತ್ತೊಂದು ಗಡಿ ವಿವಾದವಾಗಿದೆ. ಈ ಬಾರಿ ನೆರೆ ರಾಜ್ಯದ ಗಡಿ ವಿವಾದ ಅಲ್ಲ, ರಾಷ್ಟ್ರದ ಗಡಿ ವಿವಾದ ಭುಗಿಲೆದ್ದಿದೆ. ಬೆಳಗಾವಿಯಲ್ಲಿ ಪಾಕಿಸ್ತಾನ ಸೈನ್ಯದ ಪರವಾಗಿರುವ ಹಾಡು ಬಳಕೆಯಾಗಿ ಭಾರಿ ವಿವಾದ ಸೃಷ್ಟಿಯಾಗಿದೆ.

ನಗರದಲ್ಲಿ ಈದ್ ಮಿಲಾದ್ ಹಬ್ಬದ ಮೆರವಣಿಗೆಯಲ್ಲಿ ಪಾಕಿಸ್ತಾನದ ಸೇನೆಯ ಹಾಡು ಬಳಕೆಯಾಗಿದೆ ಎಂದು ಬಿಜೆಪಿ ಮಹಾನಗರ ಘಟಕದ ಪ್ರಾಧಾನ ಕಾರ್ಯದರ್ಶಿ ರಾಜಕುಮಾರ ಟೋಪಣ್ಣವರ ಆರೋಪ ಮಾಡಿದ್ದಾರೆ.

ಶತ್ರು ದೇಶದ ಸೈನ್ಯದ ಹಾಡು ಮೆರವಣಿಗೆಯಲ್ಲಿ ಬಳಕೆ ಮಾಡಲಾಗಿದೆ. ಈ ಹಾಡಿಗೆ ಪಾಲಿಕೆ ಸದಸ್ಯರಾದ ಮಾತೀನ್ ಶೇಖ್, ಬಂದಿನವಾಜ್ ಬಾಳೆಕುಂದ್ರಿ, ಮಾಜಿ ಸದಸ್ಯ ಅಜಿಂ ಪಟವೇಗಾರ ನೃತ್ಯ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ.

ಹಬ್ಬ ಆಚರಣೆಗೆ ಯಾವುದೇ ವಿರೋಧವಿಲ್ಲ. ಆದರೆ ಶತ್ರು ದೇಶದ ಹಾಡನ್ನು ಇಲ್ಲಿ ಬಳಸಿದ್ದು ಯಾಕೆ? ಇದು ರಾಷ್ಟ್ರದ್ರೋಹ ಆರೋಪದಡಿ ಕ್ರಮ ಕೈಗೊಳ್ಳಬೇಕು. ಇಷ್ಟೆಲ್ಲ ನಡೆದರು ಪೊಲೀಸ ಇಲಾಖೆ ಯಾಕೆ ಕ್ರಮ ಕೈಗೊಂಡಿಲ್ಲ ಎಂದು ಅವರು ಹೇಳಿದ್ದಾರೆ.

ತಕ್ಷಣ ಮೂರು ಜನರನ್ನು ಪೊಲೀಸರು ಬಂಧಿಸಬೇಕು. ಪಾಕಿಸ್ತಾನದ ಹಾಡು ಇಷ್ಟ ಪಡೋದಾದ್ರೆ ಅಲ್ಲಿಗೆ ಹೋಗಲಿ ಎಂದು ರಾಜಕಮಾರ ಟೋಪಣವವರ್ ಕಿಡಿಕಾರಿದ್ದಾರೆ.