ಪೊಲೀಸ್‌ ಸಿಬ್ಬಂದಿಗೆ ಪರಿಷ್ಕೃತ ವೇತನ ಡೌಟು

ಬೆಂಗಳೂರು: ವೇತನ ಹೆಚ್ಚಳ ಸಂಬಂಧ ಔರಾದ್ಕರ್‌ ವರದಿ ಆಧರಿಸಿದ ಪರಿಷ್ಕೃತ ವೇತನ ಈ ಬಾರಿಯೂ ಪೊಲೀಸರಿಗೆ ಸಿಗುವುದು ಅನುಮಾನವಾಗಿದೆ. ಪೊಲೀಸ್‌ ಇಲಾಖೆಗೆ ವೇತನ ಶ್ರೇಣಿ ನಿಗದಿಪಡಿಸಿ ಸೆ.13ರಂದು ಹೊರಡಿಸಿದ್ದ ಆದೇಶಕ್ಕೆ ಮಂಗಳವಾರ ತಡೆ ನೀಡಲಾಗಿದೆ.

ಪೊಲೀಸ್‌ ಮಹಾ ನಿರ್ದೇಶಕಿ ನೀಲಮಣಿ ಎನ್‌. ರಾಜು ಹೊರಡಿಸಿದ್ದ ಆದೇಶದಲ್ಲಿ ಸಬ್‌ ಇನ್ಸ್‌ಸ್ಪೆಕ್ಟರ್‌ ಮತ್ತು ಎಸಿಪಿ ದರ್ಜೆ ಅಧಿಕಾರಿಗಳ ವೇತನಪಟ್ಟಿ ನಿಗದಿಪಡಿಸಿರಲಿಲ್ಲ. ಈ ನಡುವೆ ಹೆಚ್ಚುವರಿ ಪೊಲೀಸ್‌ ಮಹಾನಿರ್ದೇಶಕ (ಆಡಳಿತ) ಡಾ.ಎಂ.ಎ. ಸಲೀಂ ಹಿಂದಿನ ಆದೇಶಕ್ಕೆ ಮಂಗಳವಾರ ತಡೆ ನೀಡಿದ್ದಾರೆ.

''ಪರಿಷ್ಕೃತ ವೇತನಪಟ್ಟಿ ಸಿದ್ಧಪಡಿಸುವಾಗ ಅಂಕಿ-ಅಂಶಗಳಲ್ಲಿತಾಂತ್ರಿಕ ಸಮಸ್ಯೆ ಕಾಣಿಸಿದೆ. ಅದನ್ನು ಸರಿಪಡಿಸಿದ ನಂತರ ಪರಿಷ್ಕೃತ ವೇತನ ನೀಡಲು ಆದೇಶಿಸಲಾಗುವುದು. ಅದಕ್ಕೆ ಕೆಲವು ದಿನ ಬೇಕಾಗಬಹುದು'' ಎಂದು ಸಲೀಂ ತಿಳಿಸಿದ್ದಾರೆ.