ಬಡ್ತಿ ಮೀಸಲು: ನ್ಯಾಯಾಲಯಕ್ಕೆ ಮೊರೆ

ಬೆಂಗಳೂರು: ಪರಿಶಿಷ್ಟರ ಬಡ್ತಿ ಮೀಸಲಾತಿ ರದ್ದುಪಡಿಸಿದ ಸುಪ್ರೀಂಕೋರ್ಟ್‌ ತೀರ್ಪು ಹಾಗೂ ನಂತರ ರಾಜ್ಯ ಸರಕಾರ ರೂಪಿಸಿರುವ ಶಾಸನ ಜಾರಿಯಿಂದಾಗಿ ಸೃಷ್ಟಿಯಾಗಿರುವ ಗೊಂದಲ ತಿಳಿಗೊಳಿಸಲು ಮತ್ತೆ ನ್ಯಾಯಾಲಯದ ತೀರ್ಮಾನವನ್ನು ಎದುರು ನೋಡುವಂತಾಗಿದೆ.

ಈ ಸಂಬಂಧದ ಅರ್ಜಿ ಕಳೆದ ಜು.4 ರಂದು ಸುಪ್ರೀಂಕೋರ್ಟ್‌ನಲ್ಲಿ ವಿಚಾರಣೆಗೆ ಬಂತಾದರೂ, ಮುಂದಿನ ವಾರಕ್ಕೆ ಮುಂದೂಡಿಕೆಯಾಗಿತ್ತು. ಆದರೆ, ವಾರದ ಬದಲಿಗೆ ಜು.27ಕ್ಕೆ ವಿಚಾರಣೆ ನಿಗದಿಯಾಗಿದೆ. ಹೀಗಾಗಿ, ಬೇಗ ವಿಚಾರಣೆ ನಡೆಸುವಂತೆ ಪರಿಶಿಷ್ಟ ನೌಕರರ ಸಂಘಟನೆ ಪರವಾಗಿ ಅರ್ಜಿದಾರರು ಸುಪ್ರೀಂಕೋರ್ಟ್‌ ಕೋರಲು ಚಿಂತನೆ ನಡೆಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.