ರಾಜೀವ್ ಚಂದ್ರಶೇಖರ್ ಕನ್ನಡಪರ ಹೋರಾಟಗಾರ: ಬಿಎಸ್‌ವೈ

ಬೆಂಗಳೂರು: ರಾಜೀವ್ ಚಂದ್ರಶೇಖರ್ ಕನ್ನಡದವರೇ, ಕನ್ನಡಪರ ವಿಷಯಗಳಿಗೆ ಹೋರಾಟ ಮಾಡಿದವರು. ಕರ್ನಾಟಕದಲ್ಲಿಯೇ ಬಹಳ ವರ್ಷಗಳಿಂದ ನೆಲೆಸಿದ್ದಾರೆ. ಬೆಂಗಳೂರು ನಗರದಲ್ಲಿ ಹಲವು ಜನಪರ ವಿಷಯಗಳ ಕುರಿತು ಹೋರಾಟ ನಡೆಸಿದವರು ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ಯಡಿಯೂರಪ್ಪ ಹೇಳಿದ್ದಾರೆ.

ರಾಜ್ಯಸಭೆಗೆ ಅಭ್ಯರ್ಥಿಗಳ ಆಯ್ಕೆಯಲ್ಲಿ ಕನ್ನಡದವರಿಗೆ ಯಾಕೆ ಬಿಜೆಪಿ ಆದ್ಯತೆ ಕೊಡಲಿಲ್ಲ ಎಂಬ ಪ್ರಶ್ನೆಗೆ ಯಡಿಯೂರಪ್ಪ ಈ ಪ್ರತಿಕ್ರಿಯೆ ನೀಡಿದ್ದಾರೆ.

ನಾಮಪತ್ರ ಸಲ್ಲಿಕೆ

ರಾಜ್ಯ ಸಭೆ ಚುನಾವಣೆಗೆ ಬಿಜೆಪಿ ಅಭ್ಯರ್ಥಿ ರಾಜೀವ್ ಚಂದ್ರಶೇಖರ್ ರಾಜ್ಯ ಸಭಾ ಚುನಾವಣೆಗೆ ನಾಮಪತ್ರ ಸಲ್ಲಿಸಿದ್ದಾರೆ. ಚುನಾವಣಾಧಿಕಾರಿ ಎಸ್. ಮೂರ್ತಿಗೆ ನಾಮ ಪತ್ರ ಸಲ್ಲಿಸಿದಾಗ ಅವರ ತಂದೆ ತಾಯಿ, ಯಡಿಯೂರಪ್ಪ ,ಶೋಭಾ ಕರಂದ್ಲಾಜೆ, ಜಗದೀಶ್ ಶೆಟ್ಟರ್ ಜತೆಗಿದ್ದರು.

ಕಾಂಗ್ರೆಸ್ ಮುಕ್ತ ಭಾರತ ಮಾಡುವುದೇ ನನ್ನ ಉದ್ದೇಶ. ನನ್ನ ನಿಲುವು ಬಿಜೆಪಿಗೆ ಹೊಂದಿಕೆಯಾಗುವುದರಿಂದ ಇಂದು ಬಿಜೆಪಿ ಸೇರಿದ್ದೇನೆ ಮೋದಿಯ ಉದ್ದೇಶ ಸಾಕಾರಗೊಳಿಸುವ ಉದ್ದೇಶವಿದೆ ಎಂದು ರಾಜೀವ್‌ ಚಂದ್ರಶೇಖರ್‌ ಹೇಳಿದರು.

ರಾಜೀವ್‌ ಚಂದ್ರಶೇಖರ್‌12 ವರ್ಷದಿಂದ 'ಬೆಂಗಳೂರು ರಕ್ಷಿಸಿ' ಹೋರಾಟ ಮಾಡುತ್ತಿದ್ದಾರೆ. ಜನರ ರಕ್ಷಣೆ, ಸ್ವಚ್ಛತೆ ಬಗ್ಗೆ ನ್ಯಾಯಲಯದ ಒಳಗೆ ಹಾಗೂ ಹೊರಗೆ ಹೋರಾಡುತ್ತಿದ್ದಾರೆ. ನಾನು ಮುಖ್ಯಮಂತ್ರಿಯಾಗಿದ್ದ ವೇಳೆ, ನೆರೆ ಹಾವಳಿ ಸಂತ್ರಸ್ತರಿಗೆ ಅಪಾರ ಸಹಾಯಧನ ಮಾಡಿದ್ದರು. ಅವರಿಂದು ಪಕ್ಷ ಸೇರಿರುವುದು ಉತ್ತಮ ಬೆಳವಣಿಗೆ ಎಂದರು.