ಅತ್ಯಾಚಾರ: ತೆಲಂಗಾಣ ಜಡ್ಜ್‌ ಬಂಧನ

ಹೈದರಾಬಾದ್‌: ವಕೀಲೆ ಮೇಲೆ ಅತ್ಯಾಚಾರ ಮಾಡಿದ ಆರೋಪದ ಮೇರೆಗೆ ತೆಲಂಗಾಣದ ಸೂರ್ಯಪೇಟ್‌ ಜಿಲ್ಲಾ ಸಿವಿಲ್‌ ಕೋರ್ಟ್‌ನ ಕಿರಿಯ ನ್ಯಾಯಾಧೀಶರೊಬ್ಬರನ್ನು ಪೊಲೀಸರು ಗುರುವಾರ ಬಂಧಿಸಿದ್ದಾರೆ.

ನ್ಯಾಯಾಧೀಶ ಸತ್ಯನಾರಾಯಣ ಬಂಧಿತ ಆರೋಪಿ.''ಮದುವೆ ಮಾಡಿಕೊಳ್ಳುವುದಾಗಿ ಭರವಸೆ ನೀಡಿ ಬಳಿಕ ನನ್ನನ್ನು ಲೈಂಗಿಕವಾಗಿ ದುರ್ಬಳಕೆ ಮಾಡಿಕೊಂಡಿದ್ದಾರೆ,'' ಎಂದು ಸಂತ್ರಸ್ತ ವಕೀಲೆ ದೂರು ನೀಡಿ 11 ದಿನಗಳ ತರುವಾಯ ಪೊಲೀಸರು ಸತ್ಯನಾರಾಯಣ ಅವರನ್ನು ಬಂಧಿಸಿ, ಬಳಿಕ ನ್ಯಾಯಾಂಗ ವಶಕ್ಕೆ ಒಪ್ಪಿಸಿದ್ದಾರೆ. ಐಪಿಸಿಯ ಹಲವು ಸೆಕ್ಷನ್‌ಗಳಡಿ ಜಜ್‌ ವಿರುದ್ಧ ವಂಚನೆ, ಅತ್ಯಾಚಾರ ಆರೋಪ ದೂರು ದಾಖಲಿಸಲಾಗಿದೆ.