ಆರ್‌ಜಿಯುಎಚ್‌ಎಸ್‌: ತೀರ್ಪು ಕಾಯ್ದಿರಿಸಿದ ಹೈಕೋರ್ಟ್‌

ಬೆಂಗಳೂರು: ರಾಜೀವ್‌ಗಾಂಧಿ ಆರೋಗ್ಯ ವಿಜ್ಞಾನಗಳ ವಿಶ್ವವಿದ್ಯಾಲಯ(ಆರ್‌ಜಿಯುಎಚ್‌ಎಸ್‌)ದ ಎಂಬಿಬಿಎಸ್‌ ಪದವಿ ಹಾಗೂ ಸ್ನಾತಕೋತ್ತರ ಪದವಿಗಳ ಉತ್ತರ ಪತ್ರಿಕೆಗಳ ಮೌಲ್ಯಮಾಪನ ಕ್ರಮದಲ್ಲಿ ನ್ಯೂನ್ಯತೆಗಳ ಕುರಿತು ದಾಖಲಿಸಿರುವ ಅರ್ಜಿ ವಿಚಾರಣೆ ಪೂರ್ಣಗೊಳಿಸಿರುವ ಹೈಕೋರ್ಟ್‌ ತೀರ್ಪನ್ನು ಕಾಯ್ದಿರಿಸಿದೆ.

ಮಂಗಳೂರಿನ ಅಮನ್‌ ರೈ ಸಹಿತ ಇನ್ನಿತರು ದಾಖಲಿಸಿರುವ ಅರ್ಜಿಗಳ ವಿಚಾರಣೆಯನ್ನು ನ್ಯಾ.ಕೃಷ್ಣ ಎಸ್‌ ದೀಕ್ಷಿತ್‌ ಅವರಿದ್ದ ನ್ಯಾಯಪೀಠವು ಶನಿವಾರ ಪೂರ್ಣಗೊಳಿಸಿದೆ. ಅರ್ಜಿದಾರ ಹಾಗೂ ಪ್ರತಿವಾದಿಗಳ ಅಹವಾಲು ಆಲಿಸಲಾಗಿದೆ.

ಅರ್ಜಿದಾರ ಪರ ವಕೀಲರಾದ ವಿ.ಲಕ್ಷ್ಮೇನಾರಾಯಣ, ಅಭಿಷೇಕ್‌ ಮಾಲಿ ಪಾಟೀಲ ಹಾಗೂ ವಿವಿ ಪರವಾಗಿ ಎನ್‌.ಕೆ.ರಮೇಶ್‌ ವಾದ ಮಂಡಿಸಿದರು. ವಿವಿಯ ಕುಲಸಚಿವ(ಮೌಲ್ಯಮಾಪನ ವಿಭಾಗ) ಡಾ.ಎಂ.ಕೆ.ರಮೇಶ್‌ ಕೂಡ ವಾದ ಮಂಡಿಸಿ ಗಮನ ಸೆಳೆದರು.