ಸಿಎನ್‌ಆರ್‌ ರಾವ್‌ ಅವರಿಗೆ ಶೇಖ್‌ ಸೌದ್‌ ಪ್ರಶಸ್ತಿ

ಬೆಂಗಳೂರು: ವಸ್ತು ವಿಜ್ಞಾನ ಸಂಶೋಧನೆಗಾಗಿ ಬೆಂಗಳೂರಿನ ಜವಹಾರ್‌ಲಾಲ್‌ ನೆಹರು ಸೆಂಟರ್‌ ಫಾರ್‌ ಅಡ್ವಾನ್ಸಡ್‌ ಸೈಂಟಿಫಿಕ್‌ ರಿಸರ್ಚ್‌ನ ಹಿರಿಯ ವಿಜ್ಞಾನಿ, ಭಾರತ ರತ್ನ ಸಿಎನ್‌ಆರ್‌ ರಾವ್‌ ಅವರಿಗೆ ಪ್ರಥಮ 'ಶೇಖ್‌ ಸೌದ್‌ ಇಂಟರ್‌ನ್ಯಾಷನಲ್‌ ಪ್ರೈಜ್‌ ಫಾರ್‌ ಮೆಟಿರಿಯಲ್‌ ರಿಸರ್ಚ್‌' ಪ್ರಶಸ್ತಿ ಸಂದಿದೆ.

ಯುನೈಟೆಡ್‌ ಅರಬ್‌ ಎಮಿರೈಟ್ಸ್‌ನ 'ಸೆಂಟರ್‌ ಫಾರ್‌ ಅಡ್ವಾನ್ಸಡ್‌ ಮೆಟಿರಿಯಲ್ಸ್‌'ನಿಂದ ಈ ಪ್ರಶಸ್ಸಿ ನೀಡಲಾಗಿದೆ. ಪುರಸ್ಕಾರ ಆಯ್ಕೆ ಸಮಿತಿಯ ಅವಿರೋಧವಾಗಿ ಪ್ರಶಸ್ತಿ ನೀಡಲು ತೀರ್ಮಾನಿಸಿದೆ. ಪ್ರಶಸ್ತಿಯು ಫಲಕ, ಪದಕ, ಹಾಗೂ 1 ಲಕ್ಷ ಡಾಲರ್‌ ನಗದು ಬಹುಮಾನ ಒಳಗೊಂಡಿದೆ.

ಫೆ.25ರಂದು ಯುಎಇನ ರಸ್‌ ಅಲ್‌ ಖೈಮ್ಹಾ ನಗರದಲ್ಲಿ ಶೇಖ್‌ ಸೌದ್‌ ಅವರು ಪ್ರೊ. ರಾವ್‌ ಅವರಿಗೆ ಪ್ರಶಸ್ತಿ ಪ್ರದಾನ ಮಾಡಲಿದ್ದಾರೆ ಎಂದು ಜೆಎನ್‌ಸಿಎಎಸ್‌ಆರ್‌ನ ಆಡಳಿತಾಧಿಕಾರಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.