ಎದೆಬಗೆದರೆ ಈಗ ನಾನು ಕಾಣಲ್ವಾ: ಎಂಟಿಬಿ ನಾಗರಾಜ್‌ಗೆ ಸಿದ್ದರಾಮಯ್ಯ ಪ್ರಶ್ನೆ

ಬೆಂಗಳೂರು: ಎಂ.ಟಿ.ಬಿ.ನಾಗರಾಜ್‌ಗೆ ಈಗ ಎದೆ ಬಗೆದ್ರೆ ನಾನು ಕಾಣಲ್ಲಾ ಅನಿಸುತ್ತೆ..! ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಿರುವ ವಸತಿ ಸಚಿವ ಎಂ.ಟಿ.ಬಿ.ನಾಗರಾಜ್‌ ಅವರಿಗೆ ಮಾಜಿ ಸಿಎಂ ಸಿದ್ದರಾಮಯ್ಯ ಈ ರೀತಿ ಟಾಂಗ್‌ ನೀಡಿದ್ದಾರೆ.

''ನನ್ನ ಎದೆ ಬಗೆದರೆ ಸಿದ್ದರಾಮಯ್ಯ ಕಾಣ್ತಾರೆ ಅಂತಾ ಎಂಟಿಬಿ ಹೇಳ್ತಿದ್ರು. ಹಾಗೇ ಹೇಳ್ತಿದ್ದವರೇ ರಾಜೀನಾಮೆ ಕೊಟ್ಟಿದ್ದಾರೆ. ಈಗ ಎದೆ ಬಗೆಯೋಕೆ ಆಗಲ್ಲಾ ಅನಿಸುತ್ತೆ ಅಲ್ವಾ...'' ಎಂದು ವ್ಯಂಗ್ಯವಾಡಿದರು. ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ''ರಾಜೀನಾಮೆ ಕೊಟ್ಟಿದ್ದರೂ ಡಾ.ಸುಧಾಕರ್‌, ಎಂ.ಟಿ.ಬಿ.ನಾಗರಾಜ್‌ ಮುಂಬೈಗೆ ಹೋಗಿಲ್ಲ. ಸರಕಾರಕ್ಕೆ ಅಪಾಯ ಇಲ್ಲ. ವಿಶ್ವಾಸವಿರುವ ಕಾರಣಕ್ಕೇ ನಾವೆಲ್ಲಾ ಚರ್ಚಿಸಿ ವಿಶ್ವಾಸಮತ ಕೋರಲು ನಿರ್ಧಾರ ಕೈಗೊಂಡಿದ್ದೇವೆ'' ಎಂದರು.