ಕೊರೊನಾದಿಂದ ಗುಣಮುಖರಾದ ರೋಗಿಯ ಬಿಡುಗಡೆಯ ಮಾರ್ಗಸೂಚಿ ಬದಲಿಸಿದ ಸರ್ಕಾರ! ಹೀಗೆ ಮಾಡಲೇಬೇಕು

ಬೆಂಗಳೂರು: ಗುಣಮುಖನಾದ ಕೊರೊನಾ ರೋಗಿಯನ್ನು ಆಸ್ಪತ್ರೆಯಿಂದ ಬಿಡುಗಡೆ ಮಾಡುವುದಕ್ಕೆ ಸಂಬಂಧಿಸಿದಂತೆ ರಾಜ್ಯ ಸರಕಾರ ಮಾರ್ಗಸೂಚಿಯಲ್ಲಿ ಕೆಲ ಬದಲಾವಣೆ ತಂದಿದೆ. ಬಿಡುಗಡೆಯಾಗುವುದಕ್ಕೆ ಮುನ್ನ ಮೂರು ದಿನಗಳವರೆಗೆ ಸೋಂಕಿನ ಯಾವುದೇ ಲಕ್ಷಣ ಇರಬಾರದು.

ಆಕ್ಸಿಜನ್‌ ಸಪೋರ್ಟ್‌ ಇಲ್ಲದೆಯೇ ಕನಿಷ್ಠ ನಾಲ್ಕು ದಿನಗಳು ಕಳೆದಿರಬೇಕು. ಉಸಿರಾಟದ ತೊಂದರೆ ಇರಬಾರದು. ಲಕ್ಷಣ ರಹಿತವಾದ ಮೂರು ದಿನಗಳ ನಂತರ ಗಂಟಲ ದ್ರವದ ಮಾದರಿ ಪಡೆದು ಪರೀಕ್ಷಿಸಬೇಕು. ಅದು ಪಾಸಿಟಿವ್‌ ಆದರೆ 72 ಗಂಟೆಗಳ ನಂತರ ಮತ್ತೊಮ್ಮೆ ಪರೀಕ್ಷೆ ಮಾಡಬೇಕು ಎಂದು ತನ್ನ ಹೊಸ ಮಾರ್ಗಸೂಚಿಯಲ್ಲಿ ತಿಳಿಸಿದೆ.

ಅಲ್ಲದೇ ಮನೆಗೆ ಹೋದ ಬಳಿಕ 14 ದಿನಗಳ ಕಾಲ ಕಡ್ಡಾಯವಾಗಿ ಕ್ವಾರಂಟೈನ್‌ಗೆ ಒಳಪಡಬೇಕು ಎಂದು ಮಾರ್ಗಸೂಚಿಯಲ್ಲಿ ತಿಳಿಸಲಾಗಿದೆ.ಎ ಸಿಂಪ್ಟಮೆಟಿಕ್‌ ಆಗಿದ್ದು, ಆಸ್ಪತ್ರೆಗೆ ದಾಖಲಾದ ರೋಗಿಗೆ ಬಿಡುಗಡೆಯಾಗುವ ಮುನ್ನ ಪರೀಕ್ಷೆ ಮಾಡಿ ನೆಗೆಟಿವ್‌ ಆಗಿರುವುದನ್ನು ಖಚಿತಪಡಿಸಿಕೊಳ್ಳಬೇಕು.

ಆನ್‌ಲೈನ್ ಶಿಕ್ಷಣಕ್ಕೆ ಸರ್ಕಾರ ಒತ್ತು, ಗ್ರಾಮೀಣ ಭಾಗದ ವಿದ್ಯಾರ್ಥಿಗಳ ಭವಿಷ್ಯಕ್ಕೆ ಕುತ್ತು!

7 ದಿನಗಳ ನಂತರ ಮತ್ತೊಮ್ಮೆ ಪರೀಕ್ಷೆ ಮಾಡಿ ನೆಗೆಟಿವ್‌ ಇರುವುದನ್ನು ದೃಢಪಡಿಸಿಕೊಳ್ಳಬೇಕು ಎಂದು ಸೂಚಿಸಲಾಗಿದೆ. ರೋಗಿ ಸಂಪೂರ್ಣವಾಗಿ ಗುಣಮುಖನಾಗಿದ್ದಾನೆ ಅನ್ನುವುದನ್ನ ದೃಢಪಡಿಸುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗುತ್ತಿದೆ. ಎಲ್ಲಾದರೂ ಸರಿಯಾಗಿ ಗುಣಮುಖನಾಗದೆ ಹೊರಬಂದು ಬೇರೆಯವರಿಗೆ ಸೋಂಕು ಹರಡಿದರೆ ಅದೊಂದು ದೊಡ್ಡ ಸಮಸ್ಯೆಯಾಗಲಿದೆ.