3 ಸುಮಲತಾರಿಗೆ 20,563 ಮತ

ನಿಖಿಲ್‌ ಕುಮಾರಸ್ವಾಮಿ ಅವರನ್ನು ಗೆಲ್ಲಿಸಲೇ ಬೇಕೆಂದು ಜೆಡಿಎಸ್‌ ಹಲವು ತಂತ್ರಗಳನ್ನು ಮಾಡಿತ್ತು. ಅದರಲ್ಲಿ ಸುಮಲತಾ ಹೆಸರಿನ ಮೂವರು ಮಹಿಳೆಯರನ್ನು ಕಣಕ್ಕಿಳಿಸಲಾಗಿತ್ತು. ಮತಯಂತ್ರದಲ್ಲಿ ಸುಮಲತಾ ಅಂಬರೀಷ್‌ ಹೆಸರಿನ ಮೇಲೆ ಹಾಗೂ ಕೆಳಗೆ ನಮೂದಾಗಿದ್ದ ಈ ಹೆಸರುಗಳಿಂದ ಮತದಾರರಲ್ಲಿ ಗೊಂದಲ ಮೂಡಿಸುವುದು ಇದರ ಹಿಂದಿನ ಉದ್ದೇಶವಾಗಿತ್ತು.

ಜೆಡಿಎಸ್‌ ತಂತ್ರಗಾರಿಕೆಗೆ ಮೀರಿದ ಬೆಂಬಲವನ್ನು ಮಂಡ್ಯದ ಜನ ಸುಮಲತಾ ಅಂಬರೀಷ್‌ಗೆ (7,03,660) ನೀಡಿದ್ದರೂ, ಉಳಿದ ಮೂವರು ಸುಮಲತಾ ಅವರಿಗೂ ಗಮನಾರ್ಹ ಮತ ಲಭಿಸಿವೆ. ಮೊದಲ ಸುಮಲತಾ 8902 ಪಡೆದರೆ, ಎಂ.ಸುಮಲತಾ 8542 ಮತ ಪಡೆದರೆ, ಮತ್ತೊಬ್ಬ ಸುಮಲತಾ 3119 ಮತ ಪಡೆದು ಗಮನ ಸೆಳೆದಿದ್ದಾರೆ.