ಬೆಂಗಳೂರು: ವರ್ಗಾವಣೆ ಕೋರಿದ ಗರ್ಭಿಣಿ ಶಿಕ್ಷಕಿಯರು ಹಾಗೂ ಒಂದು ವರ್ಷದೊಳಗಿನ ಮಗು ಹೊಂದಿರುವ ಶಿಕ್ಷಕಿಯರು ಜಿಲ್ಲಾ ವೈದ್ಯಕೀಯ ಮಂಡಳಿಯಿಂದ ವೈದ್ಯಕೀಯ ಪ್ರಮಾಣ ಪತ್ರಗಳನ್ನು ಪಡೆಯಲು ಪರದಾಡುವಂತಾಗಿದೆ.
ವರ್ಗಾವಣೆ ನಿಯಮಗಳ ಪ್ರಕಾರ ಗರ್ಭಿಣಿ ಶಿಕ್ಷಕಿಯರು ಮತ್ತು ಒಂದು ವರ್ಷ ಮಗು ಇರುವ ಶಿಕ್ಷಕಿಯರೂ ಜಿಲ್ಲಾ ವೈದ್ಯ ಮಂಡಳಿಯಿಂದ ಪ್ರಮಾಣ ಪತ್ರ ಸಲ್ಲಿಸಬೇಕಿದೆ. ಹೀಗಾಗಿ ಜಿಲ್ಲಾಸ್ಪತ್ರೆಗಳ ಬಳಿ ಅಲೆಯುವಂತಾಗಿದೆ ಎಂದು ವರ್ಗಾವಣೆ ಬಯಸಿರುವ ಶಿಕ್ಷಕಿಯರು ಅಳಲು ತೋಡಿಕೊಂಡಿದ್ದಾರೆ.
ಪ್ರಮಾಣ ಪತ್ರ ನೀಡಲು ತೊಡಕು:
''ಆನ್ಲೈನ್ನಲ್ಲಿ ವರ್ಗಾವಣೆಗೆ ಅರ್ಜಿ ಸಲ್ಲಿಸುವುದಕ್ಕೆ ಜೂನ್ 19 ಕಡೇ ದಿನವಾಗಿದೆ. ಕೆಲ ಜಿಲ್ಲೆಗಳಲ್ಲಿ ವಾರಕ್ಕೆರಡು ಮಾತ್ರ ಜಿಲ್ಲಾ ವೈದ್ಯಕೀಯ ಮಂಡಳಿ ಪ್ರಮಾಣ ಪತ್ರಗಳ ನೈಜತೆಯನ್ನು ಪರಿಶೀಲಿಸಿ ದೃಢೀಕರಿಸಲಿದೆ. ಇದರಿಂದ ಸಕಾಲದಲ್ಲಿ ವೈದ್ಯಕೀಯ ಪ್ರಮಾಣ ಪತ್ರ ಸಲ್ಲಿಸಲು ಸಾಧ್ಯವಾಗುತ್ತಿಲ್ಲ,'' ಎಂದು ಶಿಕ್ಷಕಿಯರು ದೂರಿದ್ದಾರೆ.
ಇನ್ನು, ಕಳೆದ ವರ್ಷ ಅರ್ಜಿ ಸಲ್ಲಿಸಿದ ಗರ್ಭಿಣಿ ಶಿಕ್ಷಕಿಯರಿಗೂ ಹೊಸದಾಗಿ ಅರ್ಜಿ ಸಲ್ಲಿಸುವಂತೆ ಸೂಚಿಸಲಾಗಿದೆ. ಇದರಿಂದ ಮಗು ಜನಿಸಿದ ವರ್ಷದ ನಂತರ ಮತ್ತೆ ಆ ಶಿಕ್ಷಕಿಯರು ತಪಾಸಣೆಗೊಳಪಟ್ಟು ಪ್ರಮಾಣ ಪತ್ರ ಸಲ್ಲಿಸುವ ಸ್ಥಿತಿ ನಿರ್ಮಾಣವಾಗಿದೆ.
ನಕಲಿ ದಾಖಲೆ ಅಸಾಧ್ಯ
''ಗರ್ಭಿಣಿ ಅಥವಾ ಶಿಶು ಇರುವ ಶಿಕ್ಷಕಿಯರು ನಕಲಿ ಪ್ರಮಾಣ ಪತ್ರಗಳನ್ನು ಸಲ್ಲಿಸಲು ಸಾಧ್ಯವೇ ಇಲ್ಲ. ಹೀಗಾಗಿ, ಈಗಾಗಲೇ ಸಲ್ಲಿಸಿರುವ ವೈದ್ಯಕೀಯ ಪ್ರಮಾಣ ಪತ್ರಗಳನ್ನೇ ಸರಕಾರ ಪರಿಗಣಿಸಬೇಕು'' ಎಂದು ಶಿಕ್ಷಕಿಯೊಬ್ಬರು ಸರಕಾರವನ್ನು ಆಗ್ರಹಿಸಿದ್ದಾರೆ.
ನಿಗದಿಯಂತೆ ವರ್ಗಾವಣೆ ನಡೆಸಬೇಕಿದೆ. ಅರ್ಜಿ ಸಲ್ಲಿಕೆ ದಿನಾಂಕ ಮುಂದೂಡುವುದರಿಂದ ಪ್ರಕ್ರಿಯೆಯಲ್ಲಿ ಏರು-ಪೇರಾಗಲಿದೆ. ಈ ಹಿನ್ನೆಲೆಯಲ್ಲಿ ಕಳೆದ ವರ್ಷದ ಅರ್ಜಿ ಹಾಗೂ ದಾಖಲೆ ಪರಿಗಣಿಸುವುದೇ ಸಮಸ್ಯೆಗೆ ಸೂಕ್ತ ಪರಿಹಾರ.
- ಚಂದ್ರಶೇಖರ್ ನುಗ್ಲಿ, ಪ್ರಧಾನ ಕಾರ್ಯದರ್ಶಿ, ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘ
ವರ್ಗಾವಣೆ ನಿಯಮಗಳ ಪ್ರಕಾರ ಗರ್ಭಿಣಿ ಶಿಕ್ಷಕಿಯರು ಮತ್ತು ಒಂದು ವರ್ಷ ಮಗು ಇರುವ ಶಿಕ್ಷಕಿಯರೂ ಜಿಲ್ಲಾ ವೈದ್ಯ ಮಂಡಳಿಯಿಂದ ಪ್ರಮಾಣ ಪತ್ರ ಸಲ್ಲಿಸಬೇಕಿದೆ. ಹೀಗಾಗಿ ಜಿಲ್ಲಾಸ್ಪತ್ರೆಗಳ ಬಳಿ ಅಲೆಯುವಂತಾಗಿದೆ ಎಂದು ವರ್ಗಾವಣೆ ಬಯಸಿರುವ ಶಿಕ್ಷಕಿಯರು ಅಳಲು ತೋಡಿಕೊಂಡಿದ್ದಾರೆ.
ಪ್ರಮಾಣ ಪತ್ರ ನೀಡಲು ತೊಡಕು:
''ಆನ್ಲೈನ್ನಲ್ಲಿ ವರ್ಗಾವಣೆಗೆ ಅರ್ಜಿ ಸಲ್ಲಿಸುವುದಕ್ಕೆ ಜೂನ್ 19 ಕಡೇ ದಿನವಾಗಿದೆ. ಕೆಲ ಜಿಲ್ಲೆಗಳಲ್ಲಿ ವಾರಕ್ಕೆರಡು ಮಾತ್ರ ಜಿಲ್ಲಾ ವೈದ್ಯಕೀಯ ಮಂಡಳಿ ಪ್ರಮಾಣ ಪತ್ರಗಳ ನೈಜತೆಯನ್ನು ಪರಿಶೀಲಿಸಿ ದೃಢೀಕರಿಸಲಿದೆ. ಇದರಿಂದ ಸಕಾಲದಲ್ಲಿ ವೈದ್ಯಕೀಯ ಪ್ರಮಾಣ ಪತ್ರ ಸಲ್ಲಿಸಲು ಸಾಧ್ಯವಾಗುತ್ತಿಲ್ಲ,'' ಎಂದು ಶಿಕ್ಷಕಿಯರು ದೂರಿದ್ದಾರೆ.
ಇನ್ನು, ಕಳೆದ ವರ್ಷ ಅರ್ಜಿ ಸಲ್ಲಿಸಿದ ಗರ್ಭಿಣಿ ಶಿಕ್ಷಕಿಯರಿಗೂ ಹೊಸದಾಗಿ ಅರ್ಜಿ ಸಲ್ಲಿಸುವಂತೆ ಸೂಚಿಸಲಾಗಿದೆ. ಇದರಿಂದ ಮಗು ಜನಿಸಿದ ವರ್ಷದ ನಂತರ ಮತ್ತೆ ಆ ಶಿಕ್ಷಕಿಯರು ತಪಾಸಣೆಗೊಳಪಟ್ಟು ಪ್ರಮಾಣ ಪತ್ರ ಸಲ್ಲಿಸುವ ಸ್ಥಿತಿ ನಿರ್ಮಾಣವಾಗಿದೆ.
ನಕಲಿ ದಾಖಲೆ ಅಸಾಧ್ಯ
''ಗರ್ಭಿಣಿ ಅಥವಾ ಶಿಶು ಇರುವ ಶಿಕ್ಷಕಿಯರು ನಕಲಿ ಪ್ರಮಾಣ ಪತ್ರಗಳನ್ನು ಸಲ್ಲಿಸಲು ಸಾಧ್ಯವೇ ಇಲ್ಲ. ಹೀಗಾಗಿ, ಈಗಾಗಲೇ ಸಲ್ಲಿಸಿರುವ ವೈದ್ಯಕೀಯ ಪ್ರಮಾಣ ಪತ್ರಗಳನ್ನೇ ಸರಕಾರ ಪರಿಗಣಿಸಬೇಕು'' ಎಂದು ಶಿಕ್ಷಕಿಯೊಬ್ಬರು ಸರಕಾರವನ್ನು ಆಗ್ರಹಿಸಿದ್ದಾರೆ.
ನಿಗದಿಯಂತೆ ವರ್ಗಾವಣೆ ನಡೆಸಬೇಕಿದೆ. ಅರ್ಜಿ ಸಲ್ಲಿಕೆ ದಿನಾಂಕ ಮುಂದೂಡುವುದರಿಂದ ಪ್ರಕ್ರಿಯೆಯಲ್ಲಿ ಏರು-ಪೇರಾಗಲಿದೆ. ಈ ಹಿನ್ನೆಲೆಯಲ್ಲಿ ಕಳೆದ ವರ್ಷದ ಅರ್ಜಿ ಹಾಗೂ ದಾಖಲೆ ಪರಿಗಣಿಸುವುದೇ ಸಮಸ್ಯೆಗೆ ಸೂಕ್ತ ಪರಿಹಾರ.
- ಚಂದ್ರಶೇಖರ್ ನುಗ್ಲಿ, ಪ್ರಧಾನ ಕಾರ್ಯದರ್ಶಿ, ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘ