60 ಸಾವಿರ ಗಡಿ ದಾಟಿದ ಶಿಕ್ಷಣ ವರ್ಗಾವಣೆ ಅರ್ಜಿಗಳು

ಬೆಂಗಳೂರು: ಶಿಕ್ಷರ ವರ್ಗಾವಣೆಗೆ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಲು ಇನ್ನು ಒಂದು ದಿವಸ ಬಾಕಿ ಇರುವಂತೆ, ಮಂಗಳವಾರದ ವೇಳೆಗೆ ಒಟ್ಟು 60,004 ಅರ್ಜಿಗಳು ಸಲ್ಲಿಕೆಯಾಗಿವೆ.

ಘಟಕದ ಒಳಗೆ ನಡೆಯುವ ವರ್ಗಾವಣೆಗೆ ಒಟ್ಟು 48,908 ಅರ್ಜಿಗಳು, ಘಟಕದ ಒಳಗಿನಿಂದ ಹೊರ ವಲಯಕ್ಕೆ ವರ್ಗಾವಣೆ ಕೋರಿ 6,082, ಘಟಕದ ಹೊರಗಿನಿಂದ ಒಳ ವಲಯಕ್ಕೆ 5,014 ಅರ್ಜಿಗಳು ಸಲ್ಲಿಕೆಯಾಗಿವೆ.

2018ರ ಅಕ್ಟೋಬರ್‌ ತಿಂಗಳಲ್ಲಿ ಸ್ಥಗಿತಗೊಂಡಿದ್ದ ವರ್ಗಾವಣೆ ಪ್ರಕ್ರಿಯೆಗಳ ವೇಳೆ ಒಟ್ಟು 50 ಸಾವಿರ ಶಿಕ್ಷಕರು ಅರ್ಜಿಗಳನ್ನು ಸಲ್ಲಿಸಿದ್ದರು. 2019ರ ಶಿಕ್ಷಕರ ವರ್ಗಾವಣೆಗೆ ಅರ್ಜಿ ಸಲ್ಲಿಕೆಗೆ ಜೂ.19ರ ಬುಧವಾರ ಕಡೆಯ ದಿನಾಂಕವಾಗಿದೆ.