ಮಾನನಷ್ಟ ಪ್ರಕರಣ: ದೇವೇಗೌಡರ ಅರ್ಜಿಯನ್ನು ವಜಾಗೊಳಿಸಿದ ಹೈಕೋರ್ಟ್‌..!

ಬೆಂಗಳೂರು: ನೈಸ್‌ ಸಂಸ್ಥೆ ಹೂಡಿದ್ದ ಮಾನನಷ್ಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಾಕ್ಷ್ಯ ವಿಚಾರಣೆ ಮುಕ್ತಾಯಗೊಳಿಸಿದ್ದರ ವಿರುದ್ಧ ಮಾಜಿ ಪ್ರಧಾನಿ ದೇವೇಗೌಡ ಸಲ್ಲಿಸಿದ್ದ ಅರ್ಜಿಯನ್ನು ಹೈಕೋರ್ಟ್‌ ವಜಾಗೊಳಿಸಿದೆ.

ಒಕ್ಕಲಿಗ ಸಮುದಾಯಕ್ಕೆ ಅಧಿಕಾರ ಪೂರೈಸಲಾಗದ ಶಾಪ ಇದೆ; ಎಚ್‌ಡಿ ಕುಮಾರಸ್ವಾಮಿ
ನ್ಯಾಯಮೂರ್ತಿ ಕೃಷ್ಣ ಎಸ್‌.ದೀಕ್ಷಿತ್‌ ಅವರಿದ್ದ ಪೀಠ ಈ ಆದೇಶ ಹೊರಡಿಸಿದ್ದು, ಒಂಬತ್ತು ತಿಂಗಳಲ್ಲಿ ಪ್ರಕರಣ ಇತ್ಯರ್ಥಪಡಿಸುವಂತೆ ಸೂಚಿಸಿದೆ. ತಮ್ಮ ವಿರುದ್ಧ ನಿರಾಧಾರ ಆಪಾದನೆ ಮಾಡಿದ್ದಾರೆ ಎಂದು ಆರೋಪಿಸಿ ನೈಸ್‌ ಸಂಸ್ಥೆ 2012ರಲ್ಲಿ ಎಚ್‌.ಡಿ.ದೇವೇಗೌಡ ಅವರ ವಿರುದ್ಧ ಹೈಕೋರ್ಟ್‌ನಲ್ಲಿ ಮಾನನಷ್ಟ ಮೊಕದ್ದಮೆ ದಾಖಲಿಸಿ, 10 ಕೋಟಿ ರೂ. ಪರಿಹಾರ ಕೋರಿತ್ತು.

ಅಮಾಯಕರಿಂದ ಹಣ ಸುಲಿಯಲು ಆನ್‌ಲೈನ್ ತಂತ್ರ..! ಯುವಜನತೆ, ವಿದ್ಯಾರ್ಥಿಗಳೇ ಖದೀಮರ ಟಾರ್ಗೆಟ್‌..!
ಪ್ರಕರಣದ ವಿಚಾರಣೆ ನಡೆಸಿದ ಹೈಕೋರ್ಟ್‌, ಆರೋಪ ಸಮರ್ಥನೆಗೆ ಸೂಕ್ತ ದಾಖಲೆಗಳನ್ನು ಒದಗಿಸಲು ದೇವೇಗೌಡರಿಗೆ ಅವಕಾಶ ಕಲ್ಪಿಸಿತ್ತು. ಅಲ್ಲದೆ, ದೇವೇಗೌಡರು ಪ್ರತಿವಾದಿ ಸಾಕ್ಷ್ಯ ವಿಚಾರಣೆಗೆ ಅವಕಾಶ ಕೋರಿದ್ದರು. ಹಲವು ಅವಕಾಶ ನೀಡಿದರೂ ಸಾಕ್ಷ್ಯ ವಿಚಾರಣೆ ನಡೆಯಲಿಲ್ಲ. ಹಾಗಾಗಿ, ಎಚ್‌.ಡಿ.ದೇವೇಗೌಡರ ಸಾಕ್ಷ್ಯವನ್ನು ಕೋರ್ಟ್‌ ಮುಕ್ತಾಯಗೊಳಿಸಿತ್ತು.