ವಿದೇಶಿಗರಿಗಿನ್ನು ಕಷ್ಟವಲ್ಲ ಭಾರತ ಪ್ರವಾಸ

ರಾಮನಗರ: ರಾಜ್ಯಕ್ಕೆ ಬರುವ ವಿದೇಶಿ ಪ್ರವಾಸಿಗರು ಅವರ ಮಾತೃಭಾಷೆಯಲ್ಲೇ ಮಾಹಿತಿ ಪಡೆಯುವ ಸೌಲಭ್ಯವನ್ನು ಭಾರತದ ಪ್ರವಾಸೋದ್ಯಮ ಇಲಾಖೆ ಕಲ್ಪಿಸಿದೆ. ಹಿಂದಿ, ಇಂಗ್ಲಿಷ್‌ ಮಾತ್ರವಲ್ಲದೆ, ಅರೇಬಿಕ್‌, ಸ್ಪ್ಯಾನಿಷ್‌, ಪೋರ್ಚುಗೀಸ್‌ ಸೇರಿ ಹತ್ತು ಭಾಷೆಗಳನ್ನು ವಿದೇಶಿ ಪ್ರವಾಸಿಗರ ವ್ಯವಹಾರ ಭಾಷೆಗಳ ಪಟ್ಟಿಗೆ ಕೇಂದ್ರ ಪ್ರವಾಸೋದ್ಯಮ ಸಚಿವಾಲಯ ಸೇರಿಸಿದೆ. ವಿದೇಶಿ ಪ್ರವಾಸಿಗರು ಭಾರತದ ಯಾವುದೇ ಮೂಲೆಯಲ್ಲಿದ್ದರೂ ತಮ್ಮ ಮುಂದಿನ ಪ್ರವಾಸ ಸ್ಥಳ, ಹೋಟೆಲ್‌ಗಳ ವಿವರಕ್ಕೆ ತಮ್ಮದೇ ಭಾಷೆಗಳಲ್ಲಿ ಪಡೆಯಬಹುದು.

ಆದೇಶದ ಮಾಹಿತಿ: ಇಂಟರ್‌ನ್ಯಾಷನಲ್‌ ಕನೆಕ್ಟಿವಿಟಿ ಮೂಲಕ ಈ ಯೋಜನೆ ಸಿದ್ಧಗೊಂಡಿದ್ದು, ಎರಡು ದಿನಗಳ ಹಿಂದೆ ಎಲ್ಲ ರಾಜ್ಯಗಳ ಪ್ರವಾಸೋದ್ಯಮ ಇಲಾಖೆಗಳಿಗೆ ಕೇಂದ್ರ ಸರಕಾರ ಮಾಹಿತಿ ನೀಡಿದೆ.

ಟೋಲ್‌ ಫ್ರೀ ಸಂಪರ್ಕ: ಕೇಂದ್ರ ಸರಕಾರ 24 ಗಂಟೆಗಳ ಟೋಲ್‌ ಫ್ರೀ (180011-1363) ಸಹಾಯವಾಣಿಯನ್ನ ವಿದೇಶಿ ಪ್ರವಾಸಿಗರಿಗೆ ನೀಡಿದೆ. ಇಂಗ್ಲಿಷ್‌ ಹಾಗೂ ಹಿಂದಿ ಭಾಷೆಯಲ್ಲಿ ಮಾತ್ರ ಸೇವ ಸಿಗುತ್ತಿದ್ದ ಸಹಾಯವಾಣಿ ಇನ್ನೂ ಹತ್ತು ಭಾಷೆಗಳಲ್ಲೂ ದೊರೆಯಲಿದೆ.