ಅಕ್ಟೋಬರ್‌ 14 ರಿಂದ 21ರ ವರೆಗೆ ಅಧಿವೇಶನ

ಬೆಂಗಳೂರು: ಅಕ್ಟೋಬರ್‌ನಲ್ಲಿರಾಜ್ಯ ಸರಕಾರ ಪೂರಕ ಬಜೆಟ್‌ ಮಂಡಿಸಲು ಉದ್ದೇಶಿಸಿದ್ದು, ಅಕ್ಟೋಬರ್‌ 14ರಿಂದ 21ರ ವರೆಗೆ ಬೆಂಗಳೂರಿನಲ್ಲೇ ವಿಧಾನಮಂಡಲ ಅಧಿವೇಶನ ನಡೆಯಲಿದೆ.

ಸಿಎಂ ಯಡಿಯೂರಪ್ಪ ನೇತೃತ್ವದಲ್ಲಿ ನಡೆದ ಹಿರಿಯ ಸಚಿವರ ಸಭೆಯಲ್ಲಿಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಬೆಳಗಾವಿ ಜಿಲ್ಲೆಪ್ರವಾಹ ಪೀಡಿತವಾಗಿದ್ದು, ಅಧಿವೇಶನ ನಡೆಸಿದರೆ ಪರಿಹಾರ ಕಾರ್ಯಕ್ಕೆ ತೊಂದರೆಯಾಗುತ್ತದೆ ಎಂಬ ಕಾರಣಕ್ಕೆ ಬೆಂಗಳೂರಿನಲ್ಲೇ ಅಧಿವೇಶನ ನಡೆಸಲಾಗುತ್ತದೆ. ಹೀಗಾಗಿ ಮುಂದಿನ ವರ್ಷದ ನವೆಂಬರ್‌ ವರೆಗೂ ಬೆಳಗಾವಿ ಸುವರ್ಣಸೌಧ ಸರಕಾರದ ಯಾವುದೇ ಚಟುವಟಿಕೆಗೂ ಬಳಕೆಯಾಗುವುದಿಲ್ಲ.

ಪೂರಕ ಬಜೆಟ್‌ ಮಂಡಿಸಲು ಯಡಿಯೂರಪ್ಪ ನಿರ್ಧರಿಸಿದ ಹಿನ್ನೆಲೆಯಲ್ಲಿ ಹೊಸ ಬಜೆಟ್‌ ನಿರೀಕ್ಷೆ ಹುಸಿಯಾಗಿದೆ. ಸೆ.18ರಂದು ನಡೆಯುವ ಸಂಪುಟ ಸಭೆಯಲ್ಲಿಈ ಬಗ್ಗೆ ಅಧಿಕೃತ ನಿರ್ಧಾರ ಪ್ರಕಟವಾಗುತ್ತದೆ.