ನಮ್ಮ ಸರಕಾರ ಐದು ವರ್ಷ ಗ್ಯಾರಂಟಿ ಎಂದ ರೇವಣ್ಣ

ಹಾಸನ: ನಮ್ಮ ಸರಕಾರ ಐದು ವರ್ಷ ಗ್ಯಾರಂಟಿ ಇರುತ್ತದೆ. ಬಿಜೆಪಿ ಶಾಸಕರ ವಿಚಾರವನ್ನು ಸಿಎಂ ಕುಮಾರಸ್ವಾಮಿ, ಜಿ ಪರಮೇಶ್ವರ್ ನೋಡಿಕೊಳ್ಳುತ್ತಾರೆ, ಪರೋಕ್ಷವಾಗಿ ಬಿಜೆಪಿ ಶಾಸಕರು ಸಂಪರ್ಕದಲ್ಲಿದ್ದಾರೆ ಎಂದು ರೇವಣ್ಣ ಹೇಳಿದರು.

ನಿಮ್ಮ ಸಂಪರ್ಕದಲ್ಲಿ ಬಿಜೆಪಿ ಶಾಸಕರು ಇದ್ದಾರೆ ಅನ್ನುವ ಮಾಹಿತಿ ಇದೆ ಎಂಬ ಪತ್ರಕರ್ತರ ಮಾತಿಗೆ ರೇವಣ್ಣ ಹೀಗೆ ಉತ್ತರಿಸಿದರು.

ಜಾರಕಿಹೊಳಿ ಸೋದರರು ಸಿದ್ಧರಾಮಯ್ಯ ಅವರ ಬರುವಿಕೆಗೆ ಕಾಯುತ್ತಿದ್ದಾರೆ ಅನ್ನುವ ಬಗ್ಗೆ ಪ್ರತಿಕ್ರಿಯಿಸಿದ ರೇವಣ್ಣ, ಸಿದ್ದರಾಮಯ್ಯ ಬೇರೆಯವರಲ್ಲ, ಅವರು ನಮ್ಮವರು, ನಮ್ಮ ಸರಕಾರದವರು. ಇದೆಲ್ಲ ಮಾಧ್ಯಮದವರ ಸೃಷ್ಟಿ , ನಾವು ಐದು ವರ್ಷ ಸರಕಾರ ನಡೆಸುವುದಿಲ್ಲ ಅಂತ ನಿಮಗೆ ಡೌಟ್‌ ಇದೆ. ನಮ್ಮದೇ ಸರಕಾರ, ನಾವೇ ನಡೆಸುತ್ತೇವೆ ಎಂದು ಹೇಳಿದರು.