ಸ್ನೇಹಿತ: 347 ಪ್ರಕರಣಗಳು ಪರಿಹಾರ

ಕಾಸರಗೋಡು: ಮಹಿಳೆಯರಿಗೆ ಸಾಂತ್ವನ ಒದಗಿಸಲು ಕುಟುಂಬಶ್ರೀ ಜಿಲ್ಲಾ ಮಿಶನ್‌ನ ನೇತೃತ್ವದಲ್ಲಿ ರಚಿಸಿದ ಸ್ನೇಹಿತದ ಮೂಲಕ 347 ಪ್ರಕರಣಗಳನ್ನು ಪರಿಹರಿಸಲಾಗಿದೆ.

ಕಳೆದ ವರ್ಷ ಆರಂಭಿಸಿದ ಸ್ನೇಹಿತ ಸಾರ್ವಜನಿಕ ಸ್ಥಳಗಳಲ್ಲಿ ಕಿರುಕುಳ, ಪತಿಯಿಂದ ದೌರ್ಜನ್ಯ, ಕೌಟುಂಬಿಕ ದೌರ್ಜನ್ಯ ಮೊದಲಾದ ಎಲ್ಲ ರೀತಿಯ ಸಂದಿಗ್ಧ ಪರಿಸ್ಥಿತಿಗಳಲ್ಲಿ ಮಹಿಳೆಯರಿಗೆ ಸಹಾಯಹಸ್ತವಾಗಿ ಜತೆಯಾಗಿದೆ. ಯಾವುದೇ ಸಂದಿಗ್ಧ ಪರಿಸ್ಥಿತಿಯಲ್ಲೂ ಸ್ನೇಹಿತದ ಅಧೀನದ ಶೆಲ್ಟರ್‌ ಹೋಂನಲ್ಲಿ ಮಹಿಳೆಯರಿಗೆ ಅಭಯ ಪಡೆಯಬಹುದಾಗಿದೆ. ಮೂರು ದಿನಗಳೊಳಗೆ ಅವರ ಮಾನಸಿಕ ಹಾಗೂ ಶಾರೀರಿಕ ಸಮಸ್ಯೆಗಳನ್ನು ಮನವರಿಕೆ ಮಾಡಿಕೊಂಡು ಪರಿಹಾರ ಕಲ್ಪಿಸಲಾಗುತ್ತಿದೆ ಎಂಬುದು ಸ್ನೇಹಿತದ ವಿಶೇಷತೆಯಾಗಿದೆ.

ಇಲ್ಲಿ ಮಹಿಳೆಯರಿಗೆ ಅಗತ್ಯವಿರುವ ಕೌನ್ಸಿಲಿಂಗ್‌ ನೀಡಲಾಗುತ್ತಿದೆ. ಮಹಿಳಾ ಮಂದಿರಕ್ಕೆ ಸ್ಥಳಾಂತರಿÓಬೇಕಾದವರನ್ನು ಅಲ್ಲಿಗೆ ಸ್ಥಳಾಂತರಿಸಲಾಗುತ್ತದೆ. ಜಿಲ್ಲೆಯಲ್ಲಿ ಕಾಞಂಗಾಡು ಆವಿಕ್ಕೆರೆಯಲ್ಲಿ ಸ್ನೇಹಿತ ಶೆಲ್ಟರ್‌ ಹೋಂ ಇದೆ.

ಸ್ನೇಹಿತದ ಮೂಲಕ ಪರಿಗಣಿಸಿದ ಐವತ್ತರಷ್ಟು ವಿವಾಹ ವಿಚ್ಛೇದನ ಪ್ರಕರಣಗಳಲ್ಲಿ 48 ಪ್ರಕರಣಗಳನ್ನು ಪರಿಹರಿಸಲು ಸಾಧ್ಯವಾಗಿದೆ. ಇದಲ್ಲದೆ ಮಾನಸಿಕ ಅಸ್ವಸ್ಥತೆ ಎದುರಿಸುತ್ತಿರುವವರಿಗೆ ಅಗತ್ಯ ಚಿಕಿತ್ಸೆ ನೀಡಲಾಗುತ್ತಿದೆ. ಮಾನಸಿಕ ಕೇಂದ್ರಕ್ಕೆ ಬಂದ ರೋಗಿಗಳು ಬಳಿಕ ಸ್ನೇಹಿತದ ನಿರಂತರ ನಿರೀಕ್ಷ ಣೆಯಲ್ಲಿರುತ್ತಾರೆ. ಅವರನ್ನು ರೋಗವಿಮುಕ್ತರನ್ನಾಗಿಸುವ ವರೆಗೆ ಸ್ನೇಹಿತ ಜತೆಯಾಗಿ ನಿಲ್ಲುತ್ತದೆ. ಈ ರೀತಿ ಹದಿನೇಳು ಮಂದಿಯನ್ನು ಬದುಕಿಗೆ ಮರಳಿಸಲು ಸ್ನೇಹಿತಕ್ಕೆ ಸಾಧ್ಯವಾಗಿದೆ. ಇವುಗಳೆಲ್ಲದರ ಹೊರತು ಮಾನಸಿಕ-ಶಾರೀರಿಕ ದೌರ್ಜನ್ಯಗಳನ್ನು ಅನುಭವಿಸಿದ ಮಕ್ಕಳಿಗೆ ಕೌನ್ಸಿಲಿಂಗ್‌ ನೀಡಲಾಗುತ್ತಿದೆ.

ಜಿಲ್ಲೆಯ ನಾನಾ ಪಂಚಾಯಿತಿ, ನಗರಸಭೆ ಸ್ನೇಹಿತ ಮೂಲಕ ಪರಿಹರಿಸಿದ ಪ್ರಕರಣಗಳ ಸಂಖ್ಯೆ ಈ ರೀತಿ ಇದೆ:-

ಕಾಞಂಗಾಡು ನಗರಸಭೆ-45, ಮೀಂಜ ಪಂಚಾಯಿತಿ 1, ಅಜಾನೂರು ಪಂಚಾಯಿತಿ 20, ಮಡಿಕೈ ಪಂಚಾಯಿತಿ 12, ಪಳ್ಳಿಕ್ಕೆರೆ ಪಂಚಾಯಿತಿ 10, ಪುಲ್ಲೂರು-ಎರಿಯ ಪಂಚಾಯಿತಿ 3, ಉದುಮ ಪಂಚಾಯಿತಿ 10, ಚೆರುವತ್ತೂರು ಪಂಚಾಯಿತಿ 10, ಚೀಮೇನಿ ಪಂಚಾಯಿತಿ 8, ಪಡನ್ನ ಪಂಚಾಯಿತಿ 17, ಪಿಲಿಕ್ಕೋಡು ಪಂಚಾಯಿತಿ 6, ತೃಕ್ಕರಿಪುರ ಪಂಚಾಯಿತಿ 12, ವಲಿಯಪರಂಬ ಪಂಚಾಯಿತಿ 2, ನೀಲೇಶ್ವರ ನಗರಸಭೆ 20, ಕಾಸರಗೋಡು ನಗರಸಭೆ 20, ಬದಿಯಡ್ಕ ಪಂಚಾಯಿತಿ 10, ಚೆಮ್ನಾಡ್‌ ಪಂಚಾಯಿತಿ 13, ಚೆಂಗಳ ಪಂಚಾಯಿತಿ 5, ಕುಂಬಳೆ ಪಂಚಾಯಿತಿ 8, ಮಧೂರು ಪಂಚಾಯಿತಿ 10, ಮೊಗ್ರಾಳ್‌ಪುತ್ತೂರು ಪಂಚಾಯಿತಿ 9, ಕಾರಡ್ಕ ಪಂಚಾಯಿತಿ 8, ಬೆರ್ಳಳೂರು ಪಂಚಾಯಿತಿ 7, ದೇಲಂಪಾಡಿ ಪಂಚಾಯಿತಿ 6, ಕುಂಬ್ಡಾಜೆ ಪಂಚಾಯಿತಿ 5, ಕುತ್ತಿಕ್ಕೋಲು ಪಂಚಾಯಿತಿ 12, ಬೇಡಡ್ಕ ಪಂಚಾಯಿತಿ 5, ಮುಳಿಯಾರು ಪಂಚಾಯಿತಿ 4, ಬಳಾಲ್‌ ಪಂಚಾಯಿತಿ 12, ಕೋಡೋಂಬೇಳೂರು ಪಂಚಾಯಿತಿ 3, ಈಸ್ಟ್‌ಎಳೇರಿ ಪಂಚಾಯಿತಿ 2, ಕರಿಂದಳ ಪಂಚಾಯಿತಿ 10, ಕರ್ಳಳಾರ್‌ ಪಂಚಾಯಿತಿ 2, ಪನತ್ತಡಿ ಪಂಚಾಯಿತಿ 6, ವೆಸ್ಟ್‌ ಎಳೇರಿ ಪಂಚಾಯಿತಿ 5, ಮಂಗಲ್ಪಾಡಿ ಪಂಚಾಯಿತಿ 2, ಮಂಜೇಶ್ವರ ಪಂಚಾಯಿತಿ 2, ಪುತ್ತಿಗೆ ಪಂಚಾಯಿತಿ 2, ವರ್ಕಾಡಿ ಪಂಚಾಯಿತಿ 2, ಎಣ್ಮಕಜೆ ಪಂಚಾಯಿತಿ 0.