ವಿಮಾನ ಪ್ರಯಾಣ ಭಾರಿ ಏರಿಕೆ

ಕಾಸರಗೋಡು: ಜೆಟ್‌ ಏರ್‌ವೇಸ್‌ನ ವಿಮಾನಗಳು ಸೇವೆ ಸ್ಥಗಿತಗೊಂಡ ಹಿನ್ನೆಲೆಯಲ್ಲಿ ಅಂತರಾಷ್ಟ್ರೀಯ ಮತ್ತು ದೇಶೀಯ ವಿಮಾನ ಪ್ರಯಾಣ ದರ ಭಾರಿ ಏರಿಕೆಯಾಗಿದೆ.

ನಾನ್‌ ಸ್ಟಾಪ್‌ ವಿಮಾನ ಟಿಕೆಟ್‌ಗಳ ಅಲಭ್ಯವೂ, ಉಳಿದ ಎರಡು ಅಥವಾ ಅದಕ್ಕಿಂತ ಹೆಚ್ಚು ಸ್ಟಾಪ್‌ಗಳನ್ನು ಹೊಂದಿರುವ ಟಚ್‌ ಫ್ಲ್ಯಾಟ್‌ಗಳಿಗೆ ನಾಲ್ಕು ಪಟ್ಟು ದರ ಹೆಚ್ಚಾಗಿದೆ. ರಜಾ ದಿನಗಳಲ್ಲಿ ವಿದೇಶಗಳಿಂದ ಹಾಗೂ ದೂರ ಪ್ರದೇಶಗಳಿಂದ ಆಗಮಿಸುವರಿಗೆ ಈ ಏರಿಕೆಯ ಬಿಸಿ ತಟ್ಟಿದೆ.

ದುಬೈಯಿಂದ ಮಂಗಳೂರಿಗೆ ಬರುವ ಏರ್‌ ಇಂಡಿಯಾ ವಿಮಾನ ಟಿಕೆಟ್‌ಗಳಲ್ಲೆವೂ ಈಗಾಗಲೇ ಮುಂಗಡ ಬುಕ್ಕಿಂಗ್‌ ಮುಕ್ಕಾಯಗೊಂಡಿದೆ. ಮೇ 29ರ ತನಕ ಬುಕ್ಕಿಂಗ್‌ ನಡೆಯುವುದಿಲ್ಲ. ರಜಾವಧಿಯಲ್ಲಿ ಊರಿಗೆ ಬರುವವರಿಗೂ ದರ ಟಿಕೆಟ್‌ ಲಭಿಸದಿರುವುದು ಮತ್ತು ದರ ಏರಿಕೆಯು ಸಮಸ್ಯೆಯಾಗಿರುವುದು. ಟಿಕೆಟ್‌ ದರ ಸಹ 29,000ರೂ. ಆಗಿದೆ. ಅದೇ ರೀತಿಯಲ್ಲಿ ಮಂಗಳೂರು ಮೂಲಕ ದುಬೈಗೆ ತೆರಳುವುದಕ್ಕೂ ಮೇ 29ರ ತನಕ ಏರ್‌ ಇಂಡಿಯಾ ಎಕ್ಸ್‌ಪ್ರೆಸ್‌ ವಿಮಾನದಲ್ಲಿ ಟಿಕೆಟ್‌ ಎಲ್ಲವೂ ಮಾರಾಟವಾಗಿದೆ. ಜೂನ್‌ ತಿಂಗಳಲ್ಲಿ ಮಾತ್ರ ಟಿಕೆಟ್‌ಲಭಿಸುವುದು.

ಕೋಝಿಕೋಡ್‌ ಮೂಲಕ ದುಬೈಗೆ ತೆರಳುವುದಕ್ಕಾಗಿ ಸರಾಸರಿ 6000ರೂ. ಆಗಿದ್ದ ದರವು ಇದೀಗ 19,000ರೂ. ಹೆಚ್ಚಾಗಿದೆ. ಅದೇ ರೀತಿಯಲ್ಲಿ ಕೇರಳದ ಕೊಚ್ಚಿ-ದುಬೈ ವಿಮಾನ ದರವು ಸಹ 21,000ಕ್ಕಿಂತಲೂ ಹೆಚ್ಚಾಗಿದೆ.

ಉಳಿದಂತೆ ಕೇರಳದ ವಿವಿಧ ವಿಮಾನ ನಿಲ್ದಾಣಗಳಿಗೆ ವಿದೇಶಗಳಿಂದ ಸಂಚಾರ ನಡೆಸುವ ವಿಮಾನ ದರದಲ್ಲೂ ಭಾರೀ ಏರಿಕೆಯಾಗಿದೆ. ಕೊಚ್ಚಿಗೆ ಆಗಮಿಸುವ ಇಂಡಿಗೋ, ಏರ್‌ ಅರೇಬಿಯಾ, ಎತ್ತಿಹಾದ್‌, ಏರ್‌ ಇಂಡಿಯಾ ಎಕ್ಸ್‌ಪ್ರೆಸ್‌, ಸ್ಪೈಸ್‌ ಜೆಟ್‌, ಗಲ್ಫ್‌ ಏರ್‌, ಎಮಿರೇಟ್ಸ್‌ ಎಲ್ಲ ವಿಮಾನಗಳ ದರವು 20,000ರೂ. ಕ್ಕಿಂತಲೂ ಮೇಲಿದೆ. ಜೂನ್‌ ಬಳಿಕವಷ್ಟೇ ಈ ಸೆಕ್ಟರ್‌ನಲ್ಲಿ ಸರಾಸರಿ ದರ 7000-8000ರೂ.ಗೆ ಟಿಕೆಟ್‌ಗಳು ಲಭ್ಯವಾಗಲಿದೆ.

ದೇಶೀಯ ಯಾತ್ರೆಗೂ ಬಿಸಿ ತಟ್ಟಿದ ಟಿಕೆಟ್‌ ದರ: ಚೆನ್ನೈ, ಬೆಂಗಳೂರು, ದೆಹಲಿ ಸಹಿತ ವಿವಿಧ ಕಡೆಗಳಿಂದ ಬರುವ ವಿಮಾನಗಳ ಟಿಕೆಟ್‌ದರವು ಭಾರೀ ಏರಿಕೆಯಾಗಿದೆ. ಚೆನ್ನೆಯಿಂದ ಕೊಚ್ಚಿಗೆ ಆಗಮಿಸಲು ಬರೋಬರಿ 27,000ರೂ. ನೀಡಬೇಕು. ಸಾಧಾರಣವಾಗಿ 3000ರೂ.ಗೆ ಲಭಿಸುವ ಟಿಕೆಟ್‌ ದರಗಳು ಏರಿಕೆಯಾಗಿರುವುದು. ಚೆನ್ನೈಯಿಂದ ಬೆಂಗಳೂರು ಮೂಲಕ ಕೊಚ್ಚಿಗೆ ಆಗಮಿಸಲು ಸಹ 7000ರೂ. ನಿಂದ 18000ರೂ. ತನಕ ನೀಡಬೇಕು.

ಮುಂಬೈಯಿಂದ ಕೊಚ್ಚಿಗೆ ಆಗಮಿಸಲು ಸರಾಸರಿ 4000ರೂ. ನೀಡಿದರೆ ಸಾಕಾಗುವುದು, ಅದರೆ ಇದೀಗ 25,000ಕ್ಕಿಂತಲೂ ಹೆಚ್ಚು ದರ ನೀಡಬೇಕಾಗಿದೆ. ಅದೇ ರೀತಿಯಲ್ಲಿ ಬೆಂಗಳೂರಿನಿಂದ ಕೊಚ್ಚಿಗೆ ಸಾಧಾರಣ ದರವು ಸರಾಸರಿ 3000ರೂ. ಆಗಿತ್ತು. ಇದೀಗ 8658ರಿಂದ 17647ರೂ. ನೀಡಬೇಕಾಗಿದೆ.

ದೆಹಲಿಯಿಂದ ಕೊಚ್ಚಿಗೆ ಆಗಮಿಸುವ ಏರ್‌ ಏಷ್ಯಾ ವಿಮಾನ ಟಿಕೆಟ್‌ ದರವು 10000ರೂ. ಗಡಿ ದಾಟಿದೆ. ಸಾಧಾರಣ 6000ರೂ. ಆಗಿತ್ತು. ಏರ್‌ಇಂಡಿಯಾದ ದರವು 15124 ರೂ. ಆಗಿದೆ.