ಮುನ್ನಾರ್‌ನಲ್ಲಿಜೀಪಿನಿಂದ ಹೊರ ಬಿದ್ದ ಮಗು

ಕಾಸರಗೋಡು: ಇಡುಕ್ಕಿಯ ಮುನ್ನಾರ್‌ನ ರಾಜಮಲೆ ಪ್ರಯಾಣದ ಸಂದರ್ಭದಲ್ಲಿವಾಹನದಿಂದ ಹೊರಬಿದ್ದ ಒಂದೂವರೆ ವರ್ಷದ ಮಗು ಅದ್ಭುತ ರೀತಿಯಲ್ಲಿಸುರಕ್ಷಿತವಾಗಿದೆ. ಕಂಬಿಳಿಕಂಡಂ ನಿವಾಸಿಯಾದ ಒಂದೂವರೆ ವರ್ಷದ ಮಗು, ತಾಯಿಯೊಂದಿಗೆ ಪ್ರಯಾಣಿಸುತ್ತಿದ್ದ ಸಂದರ್ಭ ರಾಜಮಾಲ ಚೆಕ್‌ಪೋಸ್ಟ್‌ ಬಳಿಯ ತಿರುವಿನಲ್ಲಿತಾಯಿಯ ಮಡಿಲಲ್ಲಿದ್ದ ಮಗು ಬಿದ್ದಿದೆ. ಪಳನಿಗೆ ತೆರಳಿ ಹಿಂತಿರುಗುತ್ತಿದ್ದಾಗ ತಾಯಿ ನಿದ್ರೆಗೆ ಜಾರಿದ್ದು ಮಗು ಜೀಪಿನಿಂದ ಬಿದ್ದಿದೆ.

ಬಿದ್ದ ಮಗು ಸಣ್ಣ ಪುಟ್ಟ ಗಾಯದೊಂದಿಗೆ ಚೆಕ್‌ಪೋಸ್ಟ್‌ನಲ್ಲಿಕಂಡ ಬೆಳಕಿನತ್ತ ಹೆಜ್ಜೆ ಹಾಕುತ್ತಿದೆ. ಚೆಕ್‌ಪೋಸ್ಟ್‌ನಲ್ಲಿದ್ದ ಸಿಸಿ ಟಿವಿಯಲ್ಲಿಯಾವುದೋ ಪ್ರಾಣಿ ಅಲುಗಾಡುತ್ತಿರುವ ರೀತಿಯಲ್ಲಿಕಂಡು ಬಂದಿತ್ತು. ಕೂಡಲೇ ಅರಣ್ಯಪಾಲಕರು ಹಾಗೂ ಪೊಲೀಸರು ತೆರಳಿ ಪರಿಶೀಲಿಸಿದಾಗ ಮಗು ಬರುತ್ತಿರುವುದನ್ನು ಗಮನಿಸಲಾಗಿದೆ.

ಮಗುವಿನ ಹೆತ್ತವರು ಕಂಬಿಳಿಕಂಡಂ ಮನೆಗೆ ತಲುಪಿದಾಗ ಮಗು ವಾಹನದಲ್ಲಿಲ್ಲಎಂದು ತಿಳಿದು ಬಂದಿದೆ. ಬಳಿಕ ಪೊಲೀಸರಿಗೆ ದೂರು ನೀಡಿದ್ದರು. ಭಾನುವಾರ ರಾತ್ರಿ ಪಳನಿಗೆ ತೆರಳಿದ್ದ ಸತೀಶ್‌ ಹಾಗೂ ಕುಟುಂಬ ವಾಪಸಾಗುತ್ತಿದ್ದಾಗ ಜೀಪಿನ ಹಿಂದಿನ ಸೀಟಿನಲ್ಲಿದ್ದ ತಾಯಿ ಮಡಿಲಿನಿಂದ ಮಗು ಹೊರಕ್ಕೆಸೆಯಲ್ಪಟ್ಟಿದೆ.

ಅರಣ್ಯ ಪಾಲಕರು ಹಾಗೂ ಪೊಲೀಸರು ಮುಖಕ್ಕೆ ಸಣ್ಣ ಪುಟ್ಟ ಗಾಯಗೊಂಡ ಮಗುವನ್ನು ಆಸ್ಪತ್ರೆಗೆ ಸಾಗಿಸಿ ಚಿಕಿತ್ಸೆ ನೀಡಿದರು. ಬಳಿಕ ಪೊಲೀಸರಿಗೆ ಮಾಹಿತಿ ನೀಡಿದಂತೆ ಹೆತ್ತವರು ಆಸ್ಪತ್ರೆಗೆ ಆಗಮಿಸಿದರು.

ರಾಜಮಾಲದ ಚೆಕ್‌ಪೋಸ್ಟ್‌ಗೆ ತಿರುವಿನಲ್ಲಿನಿದ್ರಿಸುತ್ತಿದ್ದ ತಾಯಿ ಮಡಿಲಿನಿಂದ ಮಗು ಹೊರಕ್ಕೆ ಬಿದ್ದಿದೆ. ವನ್ಯಜೀವಿಗಳಿರುವ ಈ ಪ್ರದೇಶದಲ್ಲಿರಾತ್ರಿ ಸಮಯದಲ್ಲಿರಸ್ತೆಯಿಂದ ಎದ್ದು ಮಗು ಚೆಕ್‌ಪೋಸ್ಟ್‌ನತ್ತ ಬರುತ್ತಿರುವ ದೃಶ್ಯ ಇದೀಗ ಸಾಮಾಜಿಕ ತಾಣಗಳಲ್ಲಿಹರಡುತ್ತಿದೆ.