ಕೇರಳದಲ್ಲಿ ಸಕ್ರಿಯ ಪ್ರಕರಣ ಹೆಚ್ಚಳ: ಕರ್ನಾಟಕಕ್ಕೆ ಇದು ಎಚ್ಚರಿಕೆ ಕರೆಗಂಟೆ..!
ಗುರುವಾರದ ವರದಿ ಪ್ರಕಾರ, ಕರ್ನಾಟಕದಲ್ಲೂ ಸಕ್ರಿಯ ಪ್ರಕರಣಗಳ ಸಂಖ್ಯೆಯಲ್ಲಿ ಸರಾಸರಿ 500 ಪ್ರಕರಣಗಳ ದಿಢೀರ್ ಏರಿಕೆ ದಾಖಲಾಗಿದೆ. ರಾಜ್ಯದಲ್ಲಿ ಪ್ರತಿ ದಿನ 1,500ರ ಆಸುಪಾಸಿನಲ್ಲಿ ಇರುತ್ತಿದ್ದ ಹೊಸ ಕೇಸ್ಗಳು ಗುರುವಾರ ಏಕಾಏಕಿ 2,000ದ ಗಡಿ ದಾಟಿದೆ.
Vijaya Karnataka 29 Jul 2021, 7:57 pm
ಹೈಲೈಟ್ಸ್:
- ಕೇರಳ ಗಡಿಯ ದಕ್ಷಿಣ ಕನ್ನಡ, ಕೊಡಗಿನಲ್ಲಿ ಆತಂಕ
- ಕೇರಳ ಗಡಿ ಭಾಗದ ಜಿಲ್ಲೆಗಳ ಕೊರೊನಾ ಕೇಸ್ಗಳು ರಾಜ್ಯದ ಇತರೆಡೆಗಿಂತಾ ಅಧಿಕ
- ಮೂರನೇ ಅಲೆಗೆ ಮುನ್ನುಡಿ ಬರೆಯಲಿದೆಯಾ ಕೇರಳ..?
ಕೆ. ಗಂಗಾಧರ್ ಯಾದವ್
ಕಾಸರಗೋಡು (ಕೇರಳ): ಕೇರಳ ರಾಜ್ಯದಲ್ಲಿ ಕೋವಿಡ್ ಸಕ್ರಿಯ ಪ್ರಕರಣ ಹೆಚ್ಚಳವಾಗುತ್ತಿದೆ. ಇಡೀ ದೇಶದಲ್ಲೇ ಮಹಾರಾಷ್ಟ್ರದಲ್ಲಿ ಅತೀ ಹೆಚ್ಚು ಕೋವಿಡ್ ಪ್ರಕರಣಗಳಿದ್ದರೆ, ದ್ವಿತೀಯ ಸ್ಥಾನದಲ್ಲಿ ಕೇರಳ ಇದೆ. ಗುರುವಾರದ ವರದಿ ಪ್ರಕಾರ, ಕರ್ನಾಟಕದಲ್ಲೂ ಸಕ್ರಿಯ ಪ್ರಕರಣಗಳ ಸಂಖ್ಯೆಯಲ್ಲಿ ಸರಾಸರಿ 500 ಪ್ರಕರಣಗಳ ದಿಢೀರ್ ಏರಿಕೆ ದಾಖಲಾಗಿದೆ. ರಾಜ್ಯದಲ್ಲಿ ಪ್ರತಿ ದಿನ 1,500ರ ಆಸುಪಾಸಿನಲ್ಲಿ ಇರುತ್ತಿದ್ದ ಹೊಸ ಕೇಸ್ಗಳು ಗುರುವಾರ ಏಕಾಏಕಿ 2,000ದ ಗಡಿ ದಾಟಿದೆ. ಹಾಗೆ ನೋಡಿದ್ರೆ ಕೇರಳದಲ್ಲಿ ಮಂಗಳವಾರ 22,056 ಮಂದಿಯಲ್ಲಿ ಕೋವಿಡ್ ಸಕ್ರಿಯ ಪ್ರಕರಣ ಪತ್ತೆಯಾಗಿತ್ತು. ಲಾಕ್ಡೌನ್ ನಿರ್ಬಂಧ ಸಡಿಲಿಕೆ ಬಳಿಕ ಇದು ರಾಜ್ಯದಲ್ಲಿ ಅತೀ ಹೆಚ್ಚು ಸಕ್ರಿಯ ಪ್ರಕರಣವಾಗಿದೆ. ಕೇರಳದಲ್ಲಿ ಲಾಕ್ಡೌನ್ ನಿರ್ಬಂಧ ಸಡಿಲಿಕೆಗೊಂಡಿದ್ದು, ಸಾರ್ವಜನಿಕ ಸಂಚಾರ, ಅಂಗಡಿ ಮುಂಗಟ್ಟು ಕಾರ್ಯಾಚರಿಸುತ್ತಿದ್ದು, ಎಂದಿನಂತೆ ಇದ್ದರೂ ಕೋವಿಡ್ ಸಕ್ರಿಯ ಪ್ರಕರಣಗಳು ಏರಿಕೆಯಾಗುತ್ತಲೇ ಇದೆ. ಪ್ರಸ್ತುತ ಮಹಾರಾಷ್ಟ್ರದ ಹೊರತಾಗಿ ರೂಪಾಂತರಿ ವೈರಸ್ ಬಾಧಿಸಿರುವ ಏಕೈಕ ರಾಜ್ಯ ಕೇರಳವಾಗಿದೆ.
ಆರೋಗ್ಯ ಸಚಿವಾಲಯದ ಅಂಕಿ ಅಂಶಗಳ ಪ್ರಕಾರ ಕೇರಳ ರಾಷ್ಟ್ರೀಯ ಸರಾಸರಿಗೆ ಹೋಲಿಸಿದರೆ ಅರ್ಧದಷ್ಟು ಮಂದಿ ಕೋವಿಡ್ ಪ್ರತಿರೋಧ ಶಕ್ತಿ ಹೊಂದಿದ್ದಾರೆ. ಕೇರಳದಲ್ಲಿ ಈಗಾಗಲೇ 1,89,92,042 ಮಂದಿ ಲಸಿಕೆ ಪಡೆದುಕೊಂಡಿದ್ದಾರೆ. ಇದರಲ್ಲಿ 1,32,76,811 ಮಂದಿ ಮೊದಲ ಡೋಸ್ ಹಾಗೂ 57,15,231 ಮಂದಿ ಎರಡನೇ ಡೋಸ್ ಲಸಿಕೆ ಪಡೆದುಕೊಂಡಿದ್ದಾರೆ.
ಕಳೆದ ಎರಡು ವಾರಗಳಲ್ಲಿ ಕೇರಳದ ಸರಾಸರಿ ದೈನಂದಿನ ಪಾಸಿಟಿವಿಟಿ ಶೇ. 15.2ಕ್ಕಿಂತ ಅಧಿಕವಾಗಿದೆ. ಇದು ದೇಶೀಯ ಸರಾಸರಿಗಿಂತ ಅಧಿಕವಾಗಿದೆ. ಸಂಪರ್ಕದ ಮೂಲಕ ಅತಿ ಹೆಚ್ಚು ಸೋಂಕು ಪತ್ತೆಯಾಗುತ್ತಿದೆ. ಲಾಕ್ಡೌನ್ ನಿರ್ಬಂಧ ಸಡಿಲಿಕೆ ಹಾಗೂ ಡೆಲ್ಟಾ ರೂಪಾಂತರಿ ವೈರಸ್ ಸಕ್ರಿಯ ಪ್ರಕರಣ ಹೆಚ್ಚಾಳಕ್ಕೆ ಕಾರಣವಾಗಿದೆ. ವ್ಯಾಕ್ಸಿನೇಶನ್ ಮೂಲಕ ಸಾವು ಪ್ರಕರಣ ಕಡಿಮೆಯಾಗಿದೆ. ಪ್ರಧಾನವಾಗಿ ಸಂಪರ್ಕದ ಮೂಲಕ ಸೋಂಕಿತರನ್ನು ಪತ್ತೆ ಹಚ್ಚಿ ಅವರನ್ನು ತಪಾಸಣೆಗೊಳಪಡಿಸುವುದು ಮತ್ತು ವ್ಯಾಕ್ಸಿನೇಶನ್ ಹೆಚ್ಚಳಗೊಳಿಸುವ ಮೂಲಕ ಸಕ್ರಿಯ ಪ್ರಕರಣ ಕಡಿಮೆ ಮಾಡಲು ಸಾಧ್ಯವಾಗುತ್ತದೆ.
ಕೋವಿಡ್ ನಿಗಾ, ನಿರ್ವಹಣೆಯ ಹೊರತಾಗಿಯೂ ಸಕ್ರಿಯ ಪ್ರಕರಣ ಹೆಚ್ಚಾಗುತ್ತಿರುವುದು ಆತಂಕಕಾರಿ. ಕೇರಳದಲ್ಲಿ ಒಬ್ಬ ಸೋಂಕಿತ ಕನಿಷ್ಠ ಒಬ್ಬನಿಗೆ ಸೋಂಕು ಹರಡಿಸುವುದಾದರೆ, ಭಾರತದಲ್ಲಿ ಅದು 1ಕ್ಕಿಂತಲೂ ಕಡಿಮೆ. ಕೇರಳದಲ್ಲಿ ಕೋವಿಡ್ ಸಾವಿನ ಪ್ರಕರಣ ಎರಡನೇ ಅಲೆ ಸಂದರ್ಭ ಅಧಿಕವಾಗುತ್ತಿದೆ. ದೇಶದಲ್ಲೇ ಅತೀ ಕಡಿಮೆ ಡೆತ್ ರೇಟ್ ಹೊಂದಿದ್ದ ಕೇರಳದಲ್ಲಿ ಇದೀಗ ಪ್ರತಿದಿನ ಸರಾಸರಿ 100ಕ್ಕೂ ಹೆಚ್ಚು ಮಂದಿ ಸಾವನ್ನಪ್ಪುತ್ತಿದ್ದಾರೆ. ಈ ತನಕ ಕೇರಳದಲ್ಲಿ 16,326 ಮಂದಿ ಮೃತಪಟ್ಟಿದ್ದಾರೆ. ಪ್ರಸ್ತುತ 1,49,534 ಮಂದಿ ಚಿಕಿತ್ಸೆಯಲ್ಲಿದ್ದಾರೆ. ಈ ತನಕ 31,60,804 ಮಂದಿ ಕೋವಿಡ್ನಿಂದ ಗುಣಮುಖರಾದರೆ, 33,27,245 ಮಂದಿಗೆ ಕೋವಿಡ್ ಬಾಧಿಸಿದೆ.
ಕೇರಳದಲ್ಲಿ ದೈನಂದಿನ ಕೋವಿಡ್ ಸಕ್ರಿಯ ಪ್ರಕರಣಗಳು ಅಧಿಕವಾಗುತ್ತಿರುವ ಹಿನ್ನೆಲೆಯಲ್ಲಿ ದಕ್ಷಿಣ ಕನ್ನಡ ಗಡಿಯಲ್ಲಿ ಮತ್ತೆ ನಿರ್ಬಂಧ ಹೇರುವ ಸಾಧ್ಯತೆಯಿದೆ. ದ.ಕ.ದಲ್ಲಿ ಸಕ್ರಿಯ ಪ್ರಕರಣ ಕಡಿಮೆಯಾಗುತ್ತಿದ್ದರೆ, ಕಾಸರಗೋಡು ಜಿಲ್ಲೆಯಲ್ಲಿ ಪ್ರತಿದಿನ ಸರಾಸರಿ 700ಕ್ಕೂ ಅಧಿಕ ಸಕ್ರಿಯ ಪ್ರಕರಣ ದಾಖಲಾಗುತ್ತಿದೆ. ಇದೇ ರೀತಿ ಸಕ್ರಿಯ ಪ್ರಕರಣ ಅಧಿಕವಾಗುತ್ತಿದ್ದರೆ ನಿರ್ಬಂಧ ಹೇರುವ ಸಾಧ್ಯತೆಯಿದೆ.
ಕಾಸರಗೋಡು (ಕೇರಳ): ಕೇರಳ ರಾಜ್ಯದಲ್ಲಿ ಕೋವಿಡ್ ಸಕ್ರಿಯ ಪ್ರಕರಣ ಹೆಚ್ಚಳವಾಗುತ್ತಿದೆ. ಇಡೀ ದೇಶದಲ್ಲೇ ಮಹಾರಾಷ್ಟ್ರದಲ್ಲಿ ಅತೀ ಹೆಚ್ಚು ಕೋವಿಡ್ ಪ್ರಕರಣಗಳಿದ್ದರೆ, ದ್ವಿತೀಯ ಸ್ಥಾನದಲ್ಲಿ ಕೇರಳ ಇದೆ. ಗುರುವಾರದ ವರದಿ ಪ್ರಕಾರ, ಕರ್ನಾಟಕದಲ್ಲೂ ಸಕ್ರಿಯ ಪ್ರಕರಣಗಳ ಸಂಖ್ಯೆಯಲ್ಲಿ ಸರಾಸರಿ 500 ಪ್ರಕರಣಗಳ ದಿಢೀರ್ ಏರಿಕೆ ದಾಖಲಾಗಿದೆ. ರಾಜ್ಯದಲ್ಲಿ ಪ್ರತಿ ದಿನ 1,500ರ ಆಸುಪಾಸಿನಲ್ಲಿ ಇರುತ್ತಿದ್ದ ಹೊಸ ಕೇಸ್ಗಳು ಗುರುವಾರ ಏಕಾಏಕಿ 2,000ದ ಗಡಿ ದಾಟಿದೆ.
ಆರೋಗ್ಯ ಸಚಿವಾಲಯದ ಅಂಕಿ ಅಂಶಗಳ ಪ್ರಕಾರ ಕೇರಳ ರಾಷ್ಟ್ರೀಯ ಸರಾಸರಿಗೆ ಹೋಲಿಸಿದರೆ ಅರ್ಧದಷ್ಟು ಮಂದಿ ಕೋವಿಡ್ ಪ್ರತಿರೋಧ ಶಕ್ತಿ ಹೊಂದಿದ್ದಾರೆ. ಕೇರಳದಲ್ಲಿ ಈಗಾಗಲೇ 1,89,92,042 ಮಂದಿ ಲಸಿಕೆ ಪಡೆದುಕೊಂಡಿದ್ದಾರೆ. ಇದರಲ್ಲಿ 1,32,76,811 ಮಂದಿ ಮೊದಲ ಡೋಸ್ ಹಾಗೂ 57,15,231 ಮಂದಿ ಎರಡನೇ ಡೋಸ್ ಲಸಿಕೆ ಪಡೆದುಕೊಂಡಿದ್ದಾರೆ.
ಕಳೆದ ಎರಡು ವಾರಗಳಲ್ಲಿ ಕೇರಳದ ಸರಾಸರಿ ದೈನಂದಿನ ಪಾಸಿಟಿವಿಟಿ ಶೇ. 15.2ಕ್ಕಿಂತ ಅಧಿಕವಾಗಿದೆ. ಇದು ದೇಶೀಯ ಸರಾಸರಿಗಿಂತ ಅಧಿಕವಾಗಿದೆ. ಸಂಪರ್ಕದ ಮೂಲಕ ಅತಿ ಹೆಚ್ಚು ಸೋಂಕು ಪತ್ತೆಯಾಗುತ್ತಿದೆ. ಲಾಕ್ಡೌನ್ ನಿರ್ಬಂಧ ಸಡಿಲಿಕೆ ಹಾಗೂ ಡೆಲ್ಟಾ ರೂಪಾಂತರಿ ವೈರಸ್ ಸಕ್ರಿಯ ಪ್ರಕರಣ ಹೆಚ್ಚಾಳಕ್ಕೆ ಕಾರಣವಾಗಿದೆ. ವ್ಯಾಕ್ಸಿನೇಶನ್ ಮೂಲಕ ಸಾವು ಪ್ರಕರಣ ಕಡಿಮೆಯಾಗಿದೆ. ಪ್ರಧಾನವಾಗಿ ಸಂಪರ್ಕದ ಮೂಲಕ ಸೋಂಕಿತರನ್ನು ಪತ್ತೆ ಹಚ್ಚಿ ಅವರನ್ನು ತಪಾಸಣೆಗೊಳಪಡಿಸುವುದು ಮತ್ತು ವ್ಯಾಕ್ಸಿನೇಶನ್ ಹೆಚ್ಚಳಗೊಳಿಸುವ ಮೂಲಕ ಸಕ್ರಿಯ ಪ್ರಕರಣ ಕಡಿಮೆ ಮಾಡಲು ಸಾಧ್ಯವಾಗುತ್ತದೆ.
ಕೋವಿಡ್ ನಿಗಾ, ನಿರ್ವಹಣೆಯ ಹೊರತಾಗಿಯೂ ಸಕ್ರಿಯ ಪ್ರಕರಣ ಹೆಚ್ಚಾಗುತ್ತಿರುವುದು ಆತಂಕಕಾರಿ. ಕೇರಳದಲ್ಲಿ ಒಬ್ಬ ಸೋಂಕಿತ ಕನಿಷ್ಠ ಒಬ್ಬನಿಗೆ ಸೋಂಕು ಹರಡಿಸುವುದಾದರೆ, ಭಾರತದಲ್ಲಿ ಅದು 1ಕ್ಕಿಂತಲೂ ಕಡಿಮೆ. ಕೇರಳದಲ್ಲಿ ಕೋವಿಡ್ ಸಾವಿನ ಪ್ರಕರಣ ಎರಡನೇ ಅಲೆ ಸಂದರ್ಭ ಅಧಿಕವಾಗುತ್ತಿದೆ. ದೇಶದಲ್ಲೇ ಅತೀ ಕಡಿಮೆ ಡೆತ್ ರೇಟ್ ಹೊಂದಿದ್ದ ಕೇರಳದಲ್ಲಿ ಇದೀಗ ಪ್ರತಿದಿನ ಸರಾಸರಿ 100ಕ್ಕೂ ಹೆಚ್ಚು ಮಂದಿ ಸಾವನ್ನಪ್ಪುತ್ತಿದ್ದಾರೆ. ಈ ತನಕ ಕೇರಳದಲ್ಲಿ 16,326 ಮಂದಿ ಮೃತಪಟ್ಟಿದ್ದಾರೆ. ಪ್ರಸ್ತುತ 1,49,534 ಮಂದಿ ಚಿಕಿತ್ಸೆಯಲ್ಲಿದ್ದಾರೆ. ಈ ತನಕ 31,60,804 ಮಂದಿ ಕೋವಿಡ್ನಿಂದ ಗುಣಮುಖರಾದರೆ, 33,27,245 ಮಂದಿಗೆ ಕೋವಿಡ್ ಬಾಧಿಸಿದೆ.
ಕೇರಳದಲ್ಲಿ ದೈನಂದಿನ ಕೋವಿಡ್ ಸಕ್ರಿಯ ಪ್ರಕರಣಗಳು ಅಧಿಕವಾಗುತ್ತಿರುವ ಹಿನ್ನೆಲೆಯಲ್ಲಿ ದಕ್ಷಿಣ ಕನ್ನಡ ಗಡಿಯಲ್ಲಿ ಮತ್ತೆ ನಿರ್ಬಂಧ ಹೇರುವ ಸಾಧ್ಯತೆಯಿದೆ. ದ.ಕ.ದಲ್ಲಿ ಸಕ್ರಿಯ ಪ್ರಕರಣ ಕಡಿಮೆಯಾಗುತ್ತಿದ್ದರೆ, ಕಾಸರಗೋಡು ಜಿಲ್ಲೆಯಲ್ಲಿ ಪ್ರತಿದಿನ ಸರಾಸರಿ 700ಕ್ಕೂ ಅಧಿಕ ಸಕ್ರಿಯ ಪ್ರಕರಣ ದಾಖಲಾಗುತ್ತಿದೆ. ಇದೇ ರೀತಿ ಸಕ್ರಿಯ ಪ್ರಕರಣ ಅಧಿಕವಾಗುತ್ತಿದ್ದರೆ ನಿರ್ಬಂಧ ಹೇರುವ ಸಾಧ್ಯತೆಯಿದೆ.