ಒಂಬತ್ತು ರೈಲು ನಿಲ್ದಾಣಗಳಲ್ಲಿ ಕುಡಿಯುವ ನೀರು ಯಂತ್ರ

ಕಾಸರಗೋಡು: ಪ್ರಯಾಣಿಕರಿಗೆ ಕನಿಷ್ಠ ದರದಲ್ಲಿ ಕುಡಿಯುವ ನೀರನ್ನು ಸಜ್ಜುಗೊಳಿಸಲು ರೈಲ್ವೆ ಇಲಾಖೆ ಮುಂದಾಗಿದೆ.

ಒಂದು ರೂ.ಗೆ ಒಂದು ಗ್ಲಾಸ್‌ ನೀರು ಲಭಿಸುವಾಗ ಒಂದು ಲೀಟರ್‌ ನೀರಿಗೆ ಐದು ರೂ. ಬೆಲೆಯಾಗಿದೆ. ಬಾಟ್ಲಿ ಸಹಿತ ಬೇಕಾದರೆ ಎಂಟು ರೂ. ನೀಡಬೇಕಿದೆ. ಪಾಲಕ್ಕಾಡ್‌ ಡಿವಿಶನ್‌ನ ಒಂಬತ್ತು ನಿಲ್ದಾಣಗಳಲ್ಲಿ 38 ವೆಂಡಿಂಗ್‌ ಮೆಶಿನ್‌ಗಳನ್ನು ಸ್ಥಾಪಿಸಲಾಗುವುದು.

ಶೋರ್ನೂರು, ಪಾಲಕ್ಕಾಡ್‌ ಜಂಕ್ಷನ್‌, ತಿರೂರು, ಕೋಝಿಕ್ಕೋಡ್‌, ವಡಗೆರೆ, ತಲಶ್ಯೇರಿ, ಕಣ್ಣೂರು, ಮಂಗಳೂರು ಸೆಂಟ್ರಲ್‌, ಮಂಗಳೂರು ಜಂಕ್ಷನ್‌ ಎಂಬೆಡೆಗಳಲ್ಲಿ ಯಂತ್ರಗಳನ್ನು ಸ್ಥಾಪಿಸಲಾಗುವುದು. ಪ್ರಸ್ತುತ ಪಾಲಕ್ಕಾಡ್‌ ಜಂಕ್ಷನ್‌ನ ಒಂದು ಪ್ಲಾಟ್‌ಫಾರ್ಮ್‌ನಲ್ಲಿ ಕುಡಿಯುವ ನೀರು ಯಂತ್ರವಿದೆ. ತಿರುವನಂತಪುರ ಡಿವಿಶನ್‌ನಲ್ಲಿ ಏಳು ಸ್ಥಳಗಳಲ್ಲಿ ಕುಡಿಯುವ ನೀರು ಯಂತ್ರವಿದೆ. ನಾಗರ್‌ಕೋವಿಲ್‌, ತಿರುವನಂತಪುರ ಸೆಂಟ್ರಲ್‌, ಕೊಲ್ಲಂ, ಚೆಙನ್ನೂರು, ಎರ್ನಾಕುಳಂ, ಆಲುವಾ, ತೃಶ್ಯೂರು ಎಂಬೆಡೆಗಳಲ್ಲಿ ಕುಡಿಯುವ ನೀರು ಯಂತ್ರವಿದೆ. ರೈಲ್ವೆ ಹಾಗೂ ಐಆರ್‌ಸಿಟಿಸಿ ಸಂಯುಕ್ತ ಉದ್ಯಮ ಇದಾಗಿದೆ. ಬೆಳಗ್ಗೆ 6 ಗಂಟೆಯಿಂದ ರಾತ್ರಿ 10 ಗಂಟೆ ವರೆಗೆ ಕಾರ್ಯಾಚರಿಸಲಿದೆ. ಇದನ್ನು ನಿರ್ವಹಿಸುವವರೂ ಇರುವರು. ನಿರ್ವಹಿಸುವ ಜನರಿಲ್ಲದಿದ್ದರೆ ಐದು ರೂ. ನಾಣ್ಯ ಇಟ್ಟರೆ ಒಂದು ಲೀಟರ್‌ ನೀರು ಪಾತ್ರೆಯಲ್ಲಿ ಸಂಗ್ರಹಿಸಿ ತೆಗೆಯಬಹುದಾಗಿದೆ.

300 ಮಿ.ಮೀ. ನೀರಿಗೆ ಬಾಟ್ಲಿ ರಹಿತವಾಗಿ ಖರೀದಿಸುವುದಾದರೆ ಒಂದು ರೂ., ಬಾಟ್ಲಿ ಸಹಿತವಾಗಿ ಖರೀದಿಸುವುದಾದರೆ 2ರೂ. ಬೆಲೆಯಾಗಿದೆ. ಅರ್ಧ ಲೀಟರ್‌ ನೀರಿಗೆ ಬಾಟ್ಲಿ ರಹಿತವಾಗಿ ಖರೀದಿಸುವುದಾದರೆ 3 ರೂ., ಬಾಟ್ಲಿ ಸಹಿತ ಖರೀದಿಸುವುದಾದರೆ 5 ರೂ., ಒಂದು ಲೀಟರ್‌ ನೀರಿಗೆ ಬಾಟ್ಲಿ ರಹಿತ 5 ರೂ., ಬಾಟ್ಲಿ ಸಹಿತ 8ರೂ., ಎರಡು ಲೀಟರ್‌ ನೀರಿಗೆ ಬಾಟ್ಲಿ ರಹಿತ 8ರೂ., ಬಾಟಲಿ ಸಹಿತ 12ರೂ. ಬೆಲೆಯಾಗಿದೆ. 5 ಲೀಟರ್‌ ನೀರಿಗೆ ಬಾಟ್ಲಿ ರಹಿತ 20ರೂ., ಬಾಟ್ಲಿ ಸಹಿತ 25ರೂ. ಬೆಲೆಯಾಗಿದೆ.