ನುಗ್ಗೆಕಾಯಿಗೆ ಚಿನ್ನದ ಬೆಲೆ

ಕಾಸರಗೋಡು: ನಿತ್ಯೋಪಯೋಗಿ ಸಾಮಗ್ರಿಗಳ ಬೆಲೆ ಏರಿಕೆ ಜನಸಾಮಾನ್ಯರ ಬದುಕನ್ನು ಬೀದಿಪಾಲು ಮಾಡುತ್ತಿದೆ. ಈರುಳ್ಳಿ ಬೆಲೆ ಕೆಜಿಗೆ ದ್ವಿಶತಕದತ್ತ ತಲುಪಿರುವಾಗ ನುಗ್ಗೆಕಾಯಿ ಬೆಲೆ ಕೆಜಿಗೆ 499 ರೂ.ಗೇರಿದೆ. ಅಕ್ಕಿ ಬೆಲೆ ಮಾರುಕಟ್ಟೆಯಲ್ಲಿಹೆಚ್ಚುತ್ತಲೇ ಇದೆ. ಕಜೆ ಅಕ್ಕಿ ಸಹಿತ ಎಲ್ಲರೀತಿಯ ಅಕ್ಕಿ ದರ 50 ರೂ. ದಾಟಿದೆ.

ಬೆಲೆ ಏರಿಕೆ ತೀವ್ರಗೊಳ್ಳುತ್ತಿರುವಾಗ ಜನಸಾಮಾನ್ಯರ ಆಶ್ರಯವಾದ ಸಪ್ಲೈಕೋ ಅಂಗಡಿಗಳಲ್ಲಿಅಗತ್ಯ ಸಾಮಗ್ರಿಗಳು ಲಭಿಸದ ಸ್ಥಿತಿ ಉಂಟಾಗಿದೆ. ನಗರ-ಗ್ರಾಮೀಣ ವಲಯಗಳ ನಿರ್ದಿಷ್ಟ ಆದಾಯಗಾರರಿಗೆ ಬೆಲೆ ಏರಿಕೆ ಗಂಭೀರವಾಗಿ ಬಾಧಿಸಿದೆ.

ಹೋಲ್‌ಸೇಲ್‌ ಮಾರಾಟಗಾರರಿಂದ ಖರೀದಿಸುವ ಬೆಲೆಗಿಂತ 50 ಪೈಸೆ ಮಾತ್ರ ಬೆಲೆ ಹೆಚ್ಚಿಸಿ ಮಾರಾಟ ಮಾಡಲಿರುವ ಸರಕಾರದ ನಿರ್ದೇಶನ ಬಂದಿರುವುದರಿಂದ ಈರುಳ್ಳಿ ಖರೀದಿಯಿಂದ ವ್ಯಾಪಾರಿಗಳು ಹಿಂಜರಿಯುತ್ತಿದ್ದಾರೆ.

ತೆಂಗಿನ ಎಣ್ಣೆ ಬೆಲೆ ಹೋಲ್‌ಸೇಲ್‌ ಮಾರುಕಟ್ಟೆಗಿಂತ ಹೆಚ್ಚಿಲ್ಲದ್ದರೂ ಚಿಲ್ಲರೆ ಮಾರಾಟ 200 ರೂ.ಗೇರಿದೆ. ಹೋಲ್‌ಸೇಲ್‌ ಮಾರುಕಟ್ಟೆಯಲ್ಲಿ170 ರೂ. ಬೆಲೆ ಇದೆ. ಸಾರ್ವಜನಿಕರಿಗೆ ಸಬ್ಸಿಡಿ ದರದಲ್ಲಿಸಾಮಗ್ರಿ ನೀಡಿದ ರೂಪದಲ್ಲಿಸರಕಾರ 150 ಕೋಟಿ ರೂ.ವನ್ನು ಸಪ್ಲೈಕೋಗೆ ನೀಡಬೇಕಿದೆ.

ಆರ್ಥಿಕ ಸಂದಿಗ್ಧತೆಯ ಕಾರಣ ಇದುವರೆಗೆ ಸರಕಾರ 150 ಕೋಟಿ ರೂ.ವನ್ನು ನೀಡಿಲ್ಲ. ಇದರಿಂದ ಸಬ್ಸಿಡಿ ಸಾಮಗ್ರಿಗಳನ್ನು ತಲುಪಿಸಿ ಮಾರುಕಟ್ಟೆಯ ಬೆಲೆ ಏರಿಕೆಯನ್ನು ಎದುರಿಸಲು ಸಪ್ಲೈಕೋ ತಯಾರಾಗಿಲ್ಲ. ಸರಕಾರದ ಮಟ್ಟದಲ್ಲೂಬೆಲೆ ಏರಿಕೆಯನ್ನು ನಿಯಂತ್ರಿಸಲು ಕ್ರಮ ಕೈಗೊಂಡಿಲ್ಲ.