ಕುಡಿವ ನೀರಿನಲ್ಲಿಕೋಲಿಫಾಮ್‌ರ್‍ ಪತ್ತೆ

ಕೆ. ಗಂಗಾಧರ್‌ ಯಾವ್‌ ಕಾಸರಗೋಡು
ಕುಡಿಯುವುದಕ್ಕಾಗಿ ಬಳಸುವ ಬಾವಿ ಹಾಗೂ ಕೊಳವೆ ನೀರಿನಲ್ಲಿವ್ಯಾಪಕವಾಗಿ ಕೋಲಿ ಫಾಮ್‌ರ್‍ ಬ್ಯಾಕ್ಟೀರಿಯಾ ಪತ್ತೆಯಾಗಿರುವುದು ಸಾಂಕ್ರಾಮಿಕ ರೋಗ ಹರಡಲು ಕಾರಣವಾಗಿದೆ ಎಂದು ಆರೋಗ್ಯ ಅಧಿಕಾರಿಗಳು ಹೇಳಿದ್ದಾರೆ. ಕಾಸರಗೋಡು ನಗರಸಭೆ, ಮಧೂರು, ಮೊಗ್ರಾಲ್‌ಪುತ್ತೂರು ಗ್ರಾಪಂ ವ್ಯಾಪಿಯ ಬಾವಿ, ಕೊಳವೆ ಬಾವಿಗಳಲ್ಲಿರುವ ನೀರಿನಲ್ಲಿಕೋಲಿಫಾಮ್‌ರ್‍ ಬ್ಯಾಕ್ಟೀರಿಯಾ ಇರುವುದು ಪತ್ತೆಯಾಗಿದೆ.
ಜಲಶಕ್ತಿ ಅಭಿಯಾನ್‌ ನೇತೃತ್ವದಲ್ಲಿಜಿಲ್ಲೆಯ ಮೊಗ್ರಾಲ್‌ಪುತ್ತೂರು ಗ್ರಾಪಂ ವ್ಯಾಪ್ತಿಯ ಪಡಿಞಾರ್‌ ಕಡವತ್‌್ತ, ಮೊಗ್ರಾಲ್‌ ಮತ್ತಿತರ ಕಡೆಯ ಬಾವಿಗಳಲ್ಲಿನ ನೀರಿನಲ್ಲಿಕೋಲಿಫಾಮ್‌ರ್‍ ಬ್ಯಾಕ್ಟೀರಿಯಾ ಇರುವಿಕೆ ಅಧಿಕವಾಗಿರುವುದರಿಂದ ಇದೀಗ ಕುಟುಂಬ ಆರೋಗ್ಯ ಕೇಂದ್ರ ನೇತೃತ್ವದಲ್ಲಿಶುದ್ಧೀಕರಣಕ್ಕೆ ಚಾಲನೆ ನೀಡಲಾಗಿದೆ. ಜಲ ಶಕ್ತಿ ಅಭಿಯಾನದ ಅಂಗವಾಗಿ ಈಗಾಗಲೇ ಕುಡಿಯುವ ನೀರಿನ ತಪಾಸಣೆ ನಡೆಸಲಾಗಿದೆ.
ಈ ಪ್ರದೇಶದ ಬಾವಿ ಹಾಗೂ ಕೊಳವೆ ನೀರಿನಲ್ಲಿಮಾನವ ಮತ್ತು ಪ್ರಾಣಿಗಳ ಮಲದಲ್ಲಿಕಂಡು ಬರುವ ಈ ಬ್ಯಾಕ್ಟೀರಿಯಾ ಗಳ ಇರುವಿಕೆ ಗಣನೀಯ ಮಟ್ಟದಲ್ಲಿರುವುದು ಪತ್ತೆಯಾಗಿದೆ. ಕೋಲಿಫಾಮ್‌ರ್‍ ಒಂದೇ ಬ್ಯಾಕ್ಟೀರಿಯಾವಲ್ಲದೆ ಸಿಟ್ರೋಬ್ಯಾಕ್ಟರ್‌, ಎಂಟ್ರೊಬ್ಯಾಕ್ಟರ್‌, ಹಾಫ್ನಿಯಾ, ಕ್ಲಬ್‌ಸಿಲ್ಲಾಮತ್ತು ಎಸ್‌ಚ್ಚೇಷಿಯಾ ಮತ್ತಿತರ ನಾನಾ ರೀತಿಯ ಬ್ಯಾಕ್ಟೀರಿಯಾಗಳು ಪತ್ತೆಯಾಗಿವೆ. ಇವು ಹಳದಿ ಕಾಮಾಲೆ, ಟೈಫಾಯ್ಡ್‌, ಅತಿಸಾರ ಮತ್ತು ಆಹಾರ ವಿಷದಂತಹ ಕಾಯಿಲೆಗಳಿಗೆ ಕಾರಣವಾಗಲಿದೆ.
ಇದೇ ರೀತಿಯಲ್ಲಿಮಧೂರು ಪಂಚಾಯಿತಿ, ಕಾಸರಗೋಡು ನಗರಸಭೆಯ ಚೂರಿ, ತೈವಳಪ್ಪು, ಮನ್ನಿಪ್ಪಾಡಿ ಪ್ರದೇಶಗಳಲ್ಲಿನ ನೀರಿನಲ್ಲಿಕೋಲಿ ಫಾಮ್‌ರ್‍ ಬ್ಯಾಕ್ಟೀರಿಯಾಗಳು ಇರುವುದು ಪತ್ತೆಯಾಗಿದೆ. ಇಲ್ಲಿನ 53 ಮಂದಿಯಲ್ಲಿಹಳದಿ ಕಾಮಾಲೆ ಬಾಧಿಸಿ ಚಿಕಿತ್ಸೆ ಪಡೆದುಕೊಂಡಿದ್ದಾರೆ. ಈ ಭಾಗದ ಹಲವು ಮನೆಗಳ ಶೌಚಾಲಯಗಳ ಪೈಪ್‌ಗಳು ಚರಂಡಿಗಳಿಗೆ ಜೋಡಿಸಿಕೊಂಡಿರು ವುದು ಪತ್ತೆಯಾಗಿದೆ.
ಇವುಗಳ ಬಗ್ಗೆ ಆರೋಗ್ಯ ಇಲಾಖೆ ಗಂಭೀರವಾಗಿ ಪರಿಗಣಿಸಿದೆ. ನಗರಸಭೆಯ ತ್ಯಾಜ್ಯಗಳನ್ನು ಹರಿದು ಬಿಡುವ ಚರಂಡಿ ಚೂರಿ ತೋಡು ಬದಲಾಗಿದೆ. ಇದು ಪರಿಹರಿಸುವುದಕ್ಕಾಗಿ ಕ್ರಮ ಕೈಗೊಳ್ಳಲು ಅಧಿಕೃತರು ಚಾಲನೆ ನೀಡಿದ್ದಾರೆ. ಈಗಾಗಲೇ ಸಾರ್ವಜನಿಕ ಆರೋಗ್ಯ ಇಲಾಖೆ ಅಧಿಕೃತರು ಕೋಲಿಫಾಮ್‌ರ್‍ ಬ್ಯಾಕ್ಟೀರಿಯಾಗಳ ಇರುವಿಕೆ ಬಗ್ಗೆ ಕ್ರಮಕ್ಕಾಗಿ ಸೂಪರ್‌ ಕ್ಲೋರಿನೇಶನ್‌ ಆರಂಭಿಸಲಾಗಿದೆ. ಆದರೆ ಕೋಲಿಫಾಮ್‌ರ್‍ ಬ್ಯಾಕ್ಟೀರಿಯಾಗಳಿಂದಾಗಿ ವ್ಯಾಪಕ ಸಾಂಕ್ರಾಮಿಕ ರೋಗಗಳ ಹರಡುವಿಕೆ ಕಾರಣವಾಗುವುದರಿಂದ ಮುಂಜಾಗ್ರತೆ ವಹಿಸಲಾಗಿದೆ.
ಈಗಾಗಲೇ ಕಾಸರಗೋಡು ಸರಕಾರಿ ಆಯುರ್ವೇದ ಆಸ್ಪತ್ರೆಯ ಕೊಳವೆ ಬಾವಿಯಲ್ಲಿಕೋಲಿ ಫಾಮ್‌ರ್‍ ಬ್ಯಾಕ್ಟೀರಿಯಾ ಪತ್ತೆಯಾದರಿಂದ ಈ ನೀರು ಬಳಸದಂತೆ ಅಧಿಕಾರಿಗಳು ನಿರ್ದೇಶನ ನೀಡಿದ್ದಾರೆ. ಈಗಾಗಲೇ ಇದರ ವಿರುದ್ಧ ಅಭಿಯಾನ ಆರಂಭಿಸಲು ಅಧಿಕಾರಿಗಳು ಆರಂಭಿಸಿದ್ದಾರೆ.
ಮೊಗ್ರಾಲ್‌ ಪುತ್ತೂರು ಪಂಚಾಯಿತಿಯ ಮೊಗ್ರಾಲ್‌ ಪುತ್ತೂರು ಕಡವತ್‌್ತ, ಮೊಗ್ರಾಲ್‌ ಪಡಿಞಾರ್‌ ಪ್ರದೇಶಗಳಲ್ಲಿಕುಟುಂಬ ಆರೋಗ್ಯ ಇಲಾಖೆ ಕ್ಲೋರಿನೇಷನ್‌ ಅಭಿಯಾನ ಆರಂಭಿಸಿದೆ. ಅಲ್ಲದೆ ತೆರೆದ ಬಾವಿಗಳಲ್ಲಿಬ್ಲೀಚಿಂಗ್‌ ಪೌಡರ್‌ ಬಳಸಿ ಶುದ್ಧೀಕರಿಸಬೇಕು. 1000 ಲೀಟರ್‌ ನೀರಿನಲ್ಲಿ2.5 ಗ್ರಾಂ ಬ್ಲೀಚಿಂಗ್‌ ಪೌಡರ್‌ ಬಳಸಬೇಕು. ನೀರಿನ ಅಳತೆ ನೋಡಿಕೊಂಡು ಮಗ್‌ನಲ್ಲಿಬ್ಲೀಚಿಂಗ್‌ ಪೌಡರ್‌ ಪೇಸ್ಟ್‌ ರೂಪದಲ್ಲಿಮಾಡಿ ಐದು ನಿಮಿಷಗಳ ಕಾಲ ಇಟ್ಟುಕೊಂಡು ಬಳಿಕ ಬಾವಿಗೆ ಸುರಿಯಬೇಕು ಮತ್ತು ಒಂದು ಗಂಟೆ ಬಳಿಕ ನೀರನ್ನು ಉಪಯೋಗಿಸಬೇಕು.