ಪರವಾನಗಿ ನವೀಕರಿಸದ ಲಿಫ್ಟ್‌ಗಳು: ಕ್ರಮ ಆರಂಭ

ಕಾಸರಗೋಡು: ರಾಜ್ಯದ ಬಹುಪಾಲು ಲಿಫ್ಟ್‌ಗಳು ಪರವಾನಗಿ ನವೀಕರಿಸದೆ ಕಾರ‍್ಯಚರಿಸುತ್ತಿವೆ. ಕಟ್ಟಡಗಳ ಲಿಫ್ಟ್‌ಗಳನ್ನು ಪ್ರತಿ ವರ್ಷ ತಪಾಸಣೆಗೊಳಪಡಿಸಿ ಪರವಾನಗಿ ನವೀಕರಿಸಬೇಕು ಎಂಬ ನಿರ್ದೇಶನವನ್ನು ಕಟ್ಟಡ ಮಾಲೀಕರು ಗಾಳಿಗೆ ತೂರುತ್ತಿದ್ದಾರೆ. ಸುರಕ್ಷೆಯನ್ನು ಜಿಲ್ಲಾ ಎಲೆಕ್ಟ್ರಿಕಲ್‌ ಇನ್ಸ್‌ಪೆಕ್ಟರೇಟ್‌ ಪರಿಶೀಲಿಸಿ ಪರವಾನಗಿ ನವೀಕರಿಸಿ ನೀಡಬೇಕಾಗಿದೆ. ಲೋಪವೆಸಗಿದವರ ವಿರುದ್ಧ ನೋಟಿಸ್‌ ನೀಡಲು ಎಲೆಕ್ಟ್ರಿಕಲ್‌ ಇನ್ಸ್‌ಪೆಕ್ಟರೆಟ್‌ ಕ್ರಮ ಆರಂಭಿಸಿದೆ.

ಕಟ್ಟಡಗಳ ಅತ್ಯಂತ ಸುರಕ್ಷೆಯಿರುವ ಭಾಗಗಳು ಲಿಫ್ಟ್‌ಗಳಾಗಿವೆ. ಮೋಟಾರ್‌, ವಿದ್ಯುತ್‌ ಉಪಯೋಗಿಸಿ ಕಾರಾರ‍ಯಚರಿಸುತ್ತಿರುವ ಚಲಿಸುವ ಯಂತ್ರ ಭಾಗ ಇದಾಗಿದೆ. ಕೇರಳದಲ್ಲಿ ಲೈಸೆನ್ಸ್‌ ಇರುವ ಅಂಗೀಕೃತ ಕಂಪೆನಿಗಳು ಲಿಫ್ಟ್‌ ಅಳವಡಿಸಬೇಕಿದೆ. ಬಳಿಕ ಕಟ್ಟಡ ನಿರ್ಮಾಣ ಸಂದರ್ಭ ಇನ್ಸ್‌ಪೆಕ್ಟರೇಟ್‌ ಲೈಸೆನ್ಸ್‌ ನೀಡಲಿದೆ. ಅದರ ಬಳಿಕ ಲಿಫ್ಟ್‌ ಕಾರ‍್ಯಗತಗೊಳಿಸಬಹುದಾಗಿದೆ.

ಬಳಿಕ ಪ್ರತಿ ವರ್ಷ ಮೋಟಾರ್‌ ಮೊದಲಾದವುಗಳನ್ನು ಪರಿಶೀಲಿಸಬೇಕಿದೆ. ವಿದ್ಯುತ್‌ ಸ್ಥಗಿತಗೊಂಡರೆ ಕಾರಾರ‍ಯಗತಗೊಳಿಸಬೇಕಾದ ಆಟೊಮೆಟಿಕ್‌ ರಿಸ್ಕ್‌ ಡಿವೈಸ್‌, ಜನರೇಟರ್‌ ಮೊದಲಾದವುಗಳ ತಪಾಸಣೆ ಇದರಲ್ಲೊಳಪಡಲಿದೆ. ಲಿಫ್ಟ್‌ ಬಾಗಿಲುಗಳ ಹಾಗೂ ಸ್ವಿಚ್‌ಗಳ ಕಾರಾರ‍ಯಚರಣೆ, ಲಿಫ್ಟ್‌ನ ವೇಗ ಮೊದಲಾದವುಗಳನ್ನು ಪರಿಶೀಲಿಸಿ ಎಲೆಕ್ಟ್ರಿಕಲ್‌ ಇನ್ಸ್‌ಪೆಕ್ಟರೇಟ್‌ ಲೈಸೆನ್ಸ್‌ ನವೀಕರಿಸಿ ನೀಡಲಿದೆ. ಲೈಸೆನ್ಸ್‌ ನವೀಕರಣವನ್ನು ಇನ್ನು ಮೂರು ವರ್ಷಗಳಿಗೊಮ್ಮೆ ಮಾಡಲು ನಿರ್ದೇಶನವಿದೆ.

ಕಾಸರಗೋಡು ಜಿಲ್ಲೆಯಲ್ಲಿ 300ರಷ್ಟು ಲಿಫ್ಟ್‌ಗಳಿವೆ. ಅವುಗಳಲ್ಲಿ ಹೆಚ್ಚಿನವುಗಳ ಲೈಸೆನ್ಸ್‌ ನವೀಕರಿಸಿಲ್ಲ ಎಂದು ಜಿಲ್ಲಾ ಎಲೆಕ್ಟ್ರಿಕಲ್‌ ಇನ್ಸ್‌ಪೆಕ್ಟರ್‌ ಜೇಮ್ಸ್‌ ಕುಟ್ಟಿ ಹೇಳಿದ್ದಾರೆ. ಮಾಲೀಕರು ನೋಟಿಸ್‌ ನೀಡಲು ಆರಂಭಿಸಿದ್ದಾರೆ. ಕಣ್ಣೂರು ಜಿಲ್ಲೆಯಲ್ಲೂ ಲೈಸೆನ್ಸ್‌ ನವೀಕರಿಸದ ಲಿಫ್ಟ್‌ಗಳಿವೆ ಎಂದು ಎಲೆಕ್ಟ್ರಿಕಲ್‌ ಇನ್ಸ್‌ಪೆಕ್ಟರ್‌ ಬಿ. ರಾಧಾಕೃಷ್ಣನ್‌ ಹೇಳಿದ್ದಾರೆ.