ಕಾಸರಗೋಡು: ಜಿಲ್ಲೆಯ 34 ಸ್ಥಳೀಯಾಡಳಿತ ಸಂಸ್ಥೆಗಳ ತಿದ್ದುಪಡಿ ಯೋಜನೆಗಳಿಗೆ ಜಿಲ್ಲಾ ಯೋಜನಾ ಸಮಿತಿ ಸಭೆ ಸೋಮವಾರ ಅಂಗೀಕಾರ ನೀಡಿದೆ.
ಕಾಸರಗೋಡು, ಕಾಞಂಗಾಡು, ನೀಲೇಶ್ವರ ಬ್ಲಾಕ್‌ ಪಂಚಾಯಿತಿಗಳು, ಕಾಞಂಗಾಡು, ನೀಲೇಶ್ವರ ನಗರಸಭೆಗಳು, ಅಜನೂರು, ಬದಿಯಡ್ಕ, ಬಳಾಲ್‌, ಬೇಡಡ್ಕ, ಬೆಳ್ಳೂರು, ಚೆಮ್ನಾಡು, ದೇಲಂಪಾಡಿ, ಎಣ್ಮಕಜೆ, ಕಳ್ಳಾರ್‌, ಕಾರಡ್ಕ, ಕಯ್ಯೂರು-ಚಿಮೇನಿ, ಕಿನಾನ್ನೂರು-ಕರಿಂದಳಂ, ಕೋಟಾ-ಬೆಳ್ಳೂರು, ಕುಂಬ್ಡಾಜೆ, ಕುಂಬಳೆ, ಮಡಿಕೈ, ಮಂಗಲ್ಪಾಡಿ, ಮೀಂಜ, ಮೊಗ್ರಾಲ್‌ಪುತ್ತೂರು, ಮುಳಿಯಾರು, ಪಡನ್ನ, ಪಳ್ಳಿಕೆರೆ, ಪನತ್ತಡಿ, ಪುಲ್ಲೂರು-ಪೆರಿಯಾ, ಪುತ್ತಿಗೆ, ತೃಕ್ಕರೀಪುರ, ಉದುಮ, ವರ್ಕಾಡಿ, ವೆಸ್ಟ್‌ ಎಳೇರಿ ಮೊದಲಾದ ಗ್ರಾಮ ಪಂಚಾಯಿತಿಗಳ ತಿದ್ದುಪಡಿ ಯೋಜನೆಗಳನ್ನು ಅಂಗೀಕರಿಸಿದೆ.
2016-17ನೇ ವರ್ಷದ ಯೋಜನೆಗಳ ಪ್ರಗತಿಯನ್ನು ಸಭೆಯಲ್ಲಿ ಅವಲೋಕನ ನಡೆಸಲಾಯಿತು. ಜಿಲ್ಲಾ ಯೋಜನಾ ಸಮಿತಿ ಸಭಾಂಗಣದಲ್ಲಿ ನಡೆದ ಸಭೆಯಲ್ಲಿ ಜಿಲ್ಲಾ ಪಂಚಾಯಿತಿ ಅಧ್ಯಕ್ಷ ಎಜಿಸಿ ಬಶೀರ್‌ ಅಧ್ಯಕ್ಷ ತೆ ವಹಿಸಿದ್ದÜರು. 13ನೇ ಪಂಚ ವಾರ್ಷಿಕ ಯೋಜನೆಗಳಲ್ಲಿ ಮಾರ್ಗ ನಿರ್ದೇಶನಗಳನ್ನು ಸೇರಿಸುವುದಕ್ಕಾಗಿ ಈ ಕುರಿತಾಗಿ ಕಿಲಾ ವಿಸ್ತೀರ್ಣಾಧಿಕಾರಿ ಫ್ಯಾಕಲ್ಟಿ ಸದಸ್ಯ ಪಪ್ಪನ್‌, ವಿಶ್ವ ಬ್ಯಾಂಕ್‌ ಯೋಜನೆಗಳ ಯೋಜನೆಗಳ ಕುರಿತು ಕೆ.ಎಲ್‌.ಜಿ.ಎಸ್‌. ಡಿಪಿ ಸಂಯೋಜಕ ಬೇಬಿ ಬಾಲಕೃಷ್ಣನ್‌ ಮೊದಲಾದವರು ಮಾತನಾಡಿದರು. ಜಿಲ್ಲಾ ಯೋಜನಾಧಿಕಾರಿ ಕೆ.ಎಂ. ಸುರೇಶ್‌, ಯೋಜನಾ ಸಮಿತಿ ಸದಸ್ಯರು, ವಿವಿಧ ಸ್ಥಳೀಯಾಡಳಿತ ಸಂಸ್ಥೆಗಳ ಕಾರ‍್ಯದರ್ಶಿ, ಅಧ್ಯಕ್ಷ ರುಗಳು ಭಾಗವಹಿಸಿದ್ದರು.
