ಕಾಸರಗೋಡಿನ ಪೈವಳಿಕೆ ಸೋಲಾರ್‌ ಪಾರ್ಕ್ ಜ.23ರಂದು ಉದ್ಘಾಟನೆ, ಏನಿದರ ವಿಶೇಷ

ಮಂಜೇಶ್ವರ: ಮಹತ್ವಾಕಾಂಕ್ಷಿ ಯೋಜನೆಯಾದ ಪೈವಳಿಕೆಯ ಸೋಲಾರ್‌ ಪಾರ್ಕ್ ಉದ್ಘಾಟನೆಗೆ ಸಿದ್ಧವಾಗಿದೆ. ನವೀಕರಿಸಬಹುದಾದ ಇಂಧನ ಮೂಲದ ಮೂಲಕ ವಿದ್ಯುತ್‌ ಪೂರೈಸಲು ಉತ್ಸುಕವಾದ ಕೇರಳ ರಾಜ್ಯ ಸರಕಾರದ ಮಹತ್ತರ ಯೋಜನೆ ಇದಾಗಿದೆ. ಪೈವಳಿಕೆ ಕೊಮ್ಮಂಗಳದ ಸೌರ ವಿದ್ಯುತ್‌ ಘಟಕವು ಕಾಸರಗೋಡು ಜಿಲ್ಲೆಯ ಎರಡನೇ ಅತಿ ದೊಡ್ಡ ಸೋಲಾರ್‌ ಪಾರ್ಕ್ ಎಂಬ ಖ್ಯಾತಿ ಪಡೆದಿದೆ.

ರಾಜ್ಯ ವಿದ್ಯುಚ್ಚಕ್ತಿ ಮಂಡಳಿ ಅಧೀನದಲ್ಲಿ ನಿರ್ಮಾಣವಾದ ಸೋಲಾರ್‌ ಪಾರ್ಕ್ ಅನ್ನು ಜ. 23ರಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ಉದ್ಘಾಟಿಸುವರು. ಪೈವಳಿಕೆ ಘಟಕ ಕಾರ್ಯಾರಂಭಗೊಂಡ ನಂತರ ಕಾಸರಗೋಡು ಜಿಲ್ಲೆಯು ಕೇರಳ ರಾಜ್ಯದಲ್ಲೇ ಅತಿ ಹೆಚ್ಚು ಸೌರ ವಿದ್ಯುತ್‌ ಉತ್ಪಾದಿಸುವ ಪ್ರಥಮ ಜಿಲ್ಲೆಯಾಗಿ ಮಾರ್ಪಾಡಾಗಲಿದೆ. ಸುಮಾರು 250 ಎಕರೆ ಪ್ರದೇಶದಲ್ಲಿ ವ್ಯಾಪಿಸಿರುವ ಸೌರ ವಿದ್ಯುತ್‌ ಫಲಕಗಳು ಜಿಲ್ಲೆಯ ನಿತ್ಯ ಬಳಕೆಗೆ ವರ ದಾನವಾಗಲಿದೆ.

ವಿದ್ಯುತ್‌ ವ್ಯತ್ಯಯ ತಪ್ಪಿಸಲು ಹಾಗೂ ನಿಯಮಿತ ವಿದ್ಯುತ್‌ ಪೂರೈಸಲು ಪೈವಳಿಕೆ ಸೋಲಾರ್‌ ಪಾರ್ಕ್ ಶಕ್ತವಾಗಿದೆ. ಜಾರಿಯಾದ ಯೋಜನೆ ಕೇಂದ್ರ ಮತ್ತು ರಾಜ್ಯ ಸರಕಾರದ ಸಹಭಾಗಿತ್ವದಲ್ಲಿ ಪೂರ್ಣತೆ ಹಂತ ತಲುಪಿದೆ. ಜವಾಹರಲಾಲ್‌ ನ್ಯಾಶನಲ್‌ ಸೋಲಾರ್‌ ಮಿಶನ್‌ ಯೋಜನೆ ಮೂಲಕ ಜಿಲ್ಲೆಯಲ್ಲಿ ಹಮ್ಮಿಕೊಂಡ ಎರಡನೇ ಅತಿ ದೊಡ್ಡ ಯೋಜನೆ ಇದಾಗಿದ್ದು, ಪ್ರಥಮ ಹಂತದ ಯೋಜನೆಯು ಕಾಞಂಗಾಡಿನ ಅಂಬಲತ್ತರದಲ್ಲಿಕಳೆದ ವರ್ಷ ಪೂರ್ಣಗೊಂಡು ವಿದ್ಯುತ್‌ ಪೂರೈಕೆಯಾಗುತ್ತಿದೆ. 3ನೇ ಹಂತದ ಯೋಜನೆ ನೆಲ್ಲತ್ತಡಂನಲ್ಲಿ ಆರಂಭವಾಗಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಕೇರಳ ಬಜೆಟ್ 2021: ಕಾಸರಗೋಡು ಅಭಿವೃದ್ಧಿಗೆ ₹ 125 ಕೋಟಿ, ರಬ್ಬರ್-ಭತ್ತ-ತೆಂಗಿಗೆ ಬೆಂಬಲ ಬೆಲೆ

ಮೂರು ಕಡೆಗಳಲ್ಲಿಅಗತ್ಯ ಮೂಲ ಸೌಕರ‍್ಯ ಸಹಿತ ರಸ್ತೆ ನಿರ್ಮಾಣ ಅಂಗವಾಗಿ ಒಟ್ಟು 66 ಕೋಟಿ ರೂ. ಮೀಸಲಿರಿಸಲಾಗಿದೆ. ಇದರಲ್ಲಿ ಶೇ. 30 ಕೇಂದ್ರ ಸರಕಾರದ ಸಬ್ಸಿಡಿಯಾಗಿದ್ದು, ಒಟ್ಟು 240 ಕೋಟಿ ರೂ. ಬಂಡವಾಳ ಮೂಲಕ ಕೇಂದ್ರ ಸಾರ್ವಜನಿಕ ಸಂಸ್ಥೆ ತೆಹರಿ ಹೈಡ್ರೋ ಡೆವಲಪಮೆಂಟ್‌ ಕಾರ್ಪೊರೇಶನ್‌ ಆಫ್‌ ಇಂಡಿಯಾ ಸೋಲಾರ್‌ ಪ್ಲಾಂಟ್‌ ಸಿದ್ದಪಡಿಸಿದೆ. ಯೋಜನೆಗಾಗಿ 250 ಎಕರೆ ಜಾಗವನ್ನು ಕೆಎಸ್‌ಇಬಿ ಮತ್ತು ಸೋಲಾರ್‌ ಎನರ್ಜಿ ಕಾರ್ಪೊರೇಶನ್‌ ಆಫ್‌ ಇಂಡಿಯಾ ಮತ್ತು ಸಮಾನ ಪಾಲುದಾರಿಕೆ ಹೊಂದಿರುವ ರಿನ್ಯೂವೆಬಲ್‌ ಪವರ್‌ ಕಾರ್ಪೊರೇಶನ್‌ ಆಫ್‌ ಕೇರಳ ಲಿಮಿಟೆಡ್‌ ಸಂಸ್ಥೆಗಳು ಸೋಲಾರ್‌ ಪಾರ್ಕ್ನ ಚಟುವಟಿಕೆಗಳ ಮೇಲುಸ್ತುವಾರಿ ವಹಿಸಲಿವೆ.

ನೆಲಮಂಗಲ: ದೂರಿನ ನಂತರ ಸತ್ಯ ಹೊರಕ್ಕೆ, 1.95 ಕೋಟಿ ಛತ್ರ ಸರಕಾರದ ವಶಕ್ಕೆ

ವಿದ್ಯುತ್‌ ಸಮಸ್ಯೆಗೆ ಪರಿಹಾರ:
ಪೈವಳಿಕೆಯಲ್ಲಿಉತ್ಪಾದನೆಯಾಗುವ ವಿದ್ಯುತ್‌ ಕುಬಣೂರು 110 ಕೆ.ವಿ. ಸಬ್‌ ಸ್ಟೇಶನ್‌ಗೆ ಪ್ರವಹಿಸಲಿದೆ. ಯೋಜನೆ ನೆಲೆಗೊಂಡಿರುವ ಕರ್ಮಂತೋಡಯಿಂದ ಕುಬಣೂರಿಗೆ ವಿದ್ಯುತ್‌ ಪೂರೈಸುವ ನಿಟ್ಟಿನಲ್ಲಿ8.5 ಕಿ.ಮೀ. ದೂರದವರೆಗೆ ಕವರ್ಡ್‌ ಕಂಟೈನರ್‌ ಇರುವ 33 ಕೆ.ವಿ. ಡಬಲ್‌ ಸಕ್ರ್ಯೂಟ್‌ ಲೈನ್‌ ಅಳವಡಿಸಲಾಗಿದೆ. ಈ ಮೂಲಕ ಸಬ್‌ ಸ್ಟೇಶನ್‌ ತಲುಪುವ ವಿದ್ಯುತ್‌ನ್ನು ಸಬ್‌ಸ್ಟೇಶನಲ್ಲಿರುವ 25 ಎಂ.ವಿ.ಎ. ಟ್ರಾನ್ಸ್‌ಫಾರ್ಮರ್‌ ಮೂಲಕ ಸ್ವೀಕರಿಸಿ ಪೂರೈಸಲಾಗುವುದು. ಪೈವಳಿಕೆ ಸಬ್‌ ಸ್ಟೇಶನ್‌ ಡಿ. 31ರಂದು ಆರಂಭಗೊಂಡಿದ್ದು, ವಿದ್ಯುತ್‌ ಸರಬರಾಜು ಆರಂಭಗೊಂಡಿದೆ.

ಕಲಬುರಗಿ: ಕುಲಸಚಿವ ಹುದ್ದೆ ಬಿಟ್ಟು ಕೊಡಲು ಮೀನಮೇಷ, ಕೇಂದ್ರೀಯ ವಿವಿಯಲ್ಲಿ ಫೈಟ್!

ಪೈವಳಿಕೆ ಯೋಜನೆ ಜಾರಿಗೊಳ್ಳುವ ಮೂಲಕ ಜಿಲ್ಲೆಯ ವಿದ್ಯುತ್‌ ವಲಯದಲ್ಲಿಬೃಹತ್‌ ಮುನ್ನಡೆ ಸಾಧಿಸಿದಂತಾಗುವುದು. ಕಾಸರಗೋಡು, ಮಂಜೇಶ್ವರದಲ್ಲಿವಿದ್ಯುತ್‌ ಪೂರೈಕೆ ಸಂಬಂಧಪಟ್ಟ ಸಮಸ್ಯೆಗೆ ಶಾಶ್ವತ ಪರಿಹಾರ ಸಿಗಲಿದೆ ಎಂದು ರಿನ್ಯೂವೆಬಲ್‌ ಪವರ್‌ ಕಾರ್ಪೊರೇಶನ್‌ ಆಫ್‌ ಕೇರಳ ಲಿಮಿಟೆಡ್‌ ಸಿಇಒ ಅಗಸ್ಟಿನ್‌ ಥಾಮಸ್‌ ತಿಳಿಸಿದರು.

ಸೋಲಾರ್‌ ಗ್ರೀನ್‌ ಪಾರ್ಕ್:
ಕಾಸರಗೋಡು ಜಿಪಂ ಸ್ವಾಮ್ಯದಲ್ಲಿರುವ 84 ಶಾಲೆಗಳು, ಪಡನ್ನಕ್ಕಾಡ್‌ ಆಯುರ್ವೇದ ಆಸ್ಪತ್ರೆ, ಜಿಲ್ಲಾಅಲೋಪತಿ ಆಸ್ಪತ್ರೆಗಳಲ್ಲಿಕಿರಿದಾದ ಗ್ರೀನ್‌ ಸೋಲಾರ್‌ ಪವರ್‌ ಪ್ಲಾಂಟ್‌ ಅಳವಡಿಸಿ, ಜಿಲ್ಲೆಯ ವಿದ್ಯುತ್‌ ವಲಯದಲ್ಲಿದೊಡ್ಡ ಮುನ್ನಡೆ ಸಾಧಿಸಲಾಗಿದೆ. ಯೋಜನೆಗಾಗಿ ಕಾಸರಗೋಡು ಅಭಿವೃದ್ಧಿ ಪ್ಯಾಕೇಜ್‌ ಮೂಲಕ 12.65 ಕೋಟಿ ರೂ. ಮೀಸಲಿರಿಸಲಾಗಿದೆ. ಇದರೊಂದಿಗೆ ಮುಂದಿನ ಮೂರು ವರ್ಷಗಳಲ್ಲಿಸೌರ ಯೋಜನೆಯನ್ನು ಮುನ್ನಡೆಸಿ ಗೃಹಬಳಕೆ ಅಗತ್ಯವಾದ 500 ಮೆಗಾ ವ್ಯಾಟ್‌ ವಿದ್ಯುತ್‌ ಉತ್ಪಾದನೆ ಗುರಿ ಹೊಂದಲಾಗಿದೆ.